II Nau Rêh Jêng 2:15 - Nau Brah Ndu Ngơi 2023

¹⁵ Pôri aƀaơ, dăn ăn ba ƀlê, ba ôrgơ, dak ngi ôlive jêh ri ndrănh ma phung oh mon may tâm ban may hŏ lah jêh.

II Nau Rêh Jêng 2:15 ပူးပေါင်းရင်းမြစ်များ

I Phung Hađăch 5:11

Bi Y-Salômôn ăn ma Y-Hiram puăn rkeh puăn rsen lit ba ƀlê dŏng ƀư ndơ sông sa ma phung ngih hađăch păng, jêh ri puăn rkeh puăn rsen lit dak ngi ôlive mâu geh rlŭk. Ăp năm, Y-Salômôn ăn ma Y-Hiram kơt nĕ.

II Nau Rêh Jêng 2:10

Gâp mra ăn ma phung oh mon may, jêng phung blau kăl tơm si, puăn rkeh puăn rsen lit ba ƀlê lĕ peh jêh, puăn rkeh puăn rsen lit ba ôrgơ, puăn rkeh puăn rsen lit ndrănh, jêh ri puăn rkeh puăn rsen lit dak ngi ôlive.”

II Nau Rêh Jêng 2:16

Bi hên mra kăl tơm si ta klơ yôk Liban tĭng nâm may ŭch, kât nsum jêng nâm bu rkĭt njŭn tât ta Jôpa tĭng trong dak mƀŭt; jêh nây may mra rdeng păng tât ta Yêrusalem.”

Êsra 3:7

Khân păng ăn prăk ma phung ndâk lŭ, phung trah si, ăn ndơ sông sa, dak nhêt, jêh ri dak ngi ôlive ma phung Sidôn jêh ri Tyre, gay khân păng djôt leo tơm si sêdar tă bơh bri Liban tât ta dak mƀŭt Jôpa, tĭng nâm samƀŭt nau ntrŭnh tă bơh Y-Sirus, hađăch Persi.

Êsai 60:13

Tơm si chiprơ, tơm si n'ho jêh ri tơm si buis jêng nau chrêk rmah bri Liban, Ăt mra njŭn ma may, Ŭch ƀư ueh ngih brah kloh ueh Gâp; Gâp mra ăn chrêk rmah ntŭk Gâp chrong jâng.

Yônais 1:3

Ƀiălah Y-Yôna dâk hăn du pôn ma bri Tarsis gay der bơh panăp măt Brah Yêhôva. Păng hăn jŭr ta ƀon Jôpa mâp du mlâm kumpăn hăn ma bri Tarsis. Y-Yôna ăn prăk ncho jêh ri jŭr kumpăn hăn Tarsis ndrel khân păng gay der bơh panăp Brah Yêhôva.

Yôsuê 19:46

Mê-Jarkôn, jêh ri Rakôn, ndrel ma kô̆ neh tâm tham Jôpa.