II Nau Rêh Jêng 2:12 - Nau Brah Ndu Ngơi 2023

¹² Y-Hiram plơ̆ lah đŏng: “Mât ton ma Yêhôva Brah Ndu Israel jêng Nơm njêng trôk jêh ri neh ntu, yorlah Păng hŏ ăn jêh ma hađăch Đavit du huê kon geh nau blau mĭn, nau njrăng, jêh ri gĭt rbăng gay ndâk ngih brah ma Păng, jêh ri du mlâm ngih hađăch ma păng nơm.

II Nau Rêh Jêng 2:12 ပူးပေါင်းရင်းမြစ်များ

I Phung Hađăch 5:7

Tơlah tăng jêh nau Y-Salômôn ngơi, hađăch Hiram răm rhơn ngăn jêh ri lah: “Nar aơ khư tâm rnê ma Brah Yêhôva, Nơm hŏ ăn ma Y-Đavit du huê kon gĭt mĭn gay chiă uănh phung ƀon lan âk râk aơ!”

I Nau Rêh Jêng 29:20

Y-Đavit lah ma lĕ rngôch phung tâm rƀŭn: “Mât ton hom ma Yêhôva Brah Ndu khân may.” Lĕ rngôch phung tâm rƀŭn mât ton ma Yêhôva Brah Ndu phung chô yau khân păng, khân păng kŭnh bôk yơk mbah ma Brah Yêhôva, jêh ri kŭnh mbah panăp hađăch.

II Nau Rêh Jêng 2:1

Y-Salômôn ntĭnh ndâk ngih brah ma amoh Brah Yêhôva jêh ri ndâk ngih hađăch ma păng nơm.

II Nau Rêh Jêng 2:13

Aƀaơ ri, gâp njuăl ma may du huê njêh blau geh nau blau mĭn jêh ri gĭt rbăng amoh Y-Huram-Abi,

Nau Mprơ Ơm 102:25

Rnôk kăl e, May rhăk njêng mbon rplay neh, Lĕ ndâr trôk jêng kan bơh ti May nơm.

Nau Mprơ Ơm 102:5

Yor lŭng nter rđêng nđor. Săk jăn gâp knŏng hôm ntâu krêp đah nting.

Nau Mprơ Ơm 124:8

Nau kơl an ma he gŭ tâm amoh Brah Yêhôva, Jêng Nơm rhăk njêng trôk jêh ri neh ntu.

Nau Mprơ Ơm 33:6

Lĕ ndâr trôk rhăk njêng bơh nau ngơi Brah Yêhôva, Lĕ rngôch khay mănh mbing luh tă n'hâm nsôr bơh bâr mbung Păng.

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Luka 1:68

“Tâm rnê ma Kôranh Brah, jêng Brah Ndu Israel, Yorlah Păng hŏ khâl jêh ri tâm chuai jêh phung ƀon lan Păng,

Kôranh Oh Mon 14:15

“Hơi phung bunuyh! Mâm ƀư khân may ƀư pônây? Hên knŏng jêng kon bunuyh, tâm ban ma khân may lĕ. Hên mbơh nkoch Nau Mhe Mhan Ueh gay ma khân may chalơi phung brah dơm dam ri jêh ri plơ̆ sĭt ma Brah Ndu rêh mro mrăng, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây.

Kôranh Oh Mon 4:24

Jêh tăng, khân păng du nuih n'hâm mbơh sơm nteh ma Brah Ndu pô aơ: “Ơ Kôranh Brah, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây,

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

Nau Tâm Mpơl 10:6

sŏk amoh Nơm gŭ rêh n'ho ro, Nơm rhăk njêng trôk jêh ri lĕ rngôch ndơ klơ trôk, neh ntu jêh ri lĕ rngôch ndơ klơ neh ntu, dak mƀŭt jêh ri lĕ rngôch ndơ tâm dak mƀŭt, jêh ri sơm ton pô aơ: “Mâu mra hôm mbrĕ mbrơi ôh!

Nau Tâm Mpơl 4:11

“Ơ Brah Ndu jêng Kôranh Brah hên, Kôranh Brah khư sŏk dơn nau chrêk rmah, nau yơk jêh ri nau dơi, Yorlah Kôranh Brah rhăk njêng jêh lĕ rngôch ndơ, Jêh ri tĭng nâm Kôranh Brah ŭch lĕ rngôch ndơ jêng geh jêh ri May rhăk njêng jêh khân păng.”