II Nau Rêh Jêng 2:10 - Nau Brah Ndu Ngơi 2023

¹⁰ Gâp mra ăn ma phung oh mon may, jêng phung blau kăl tơm si, puăn rkeh puăn rsen lit ba ƀlê lĕ peh jêh, puăn rkeh puăn rsen lit ba ôrgơ, puăn rkeh puăn rsen lit ndrănh, jêh ri puăn rkeh puăn rsen lit dak ngi ôlive.”

II Nau Rêh Jêng 2:10 ပူးပေါင်းရင်းမြစ်များ

I Phung Hađăch 5:11

Bi Y-Salômôn ăn ma Y-Hiram puăn rkeh puăn rsen lit ba ƀlê dŏng ƀư ndơ sông sa ma phung ngih hađăch păng, jêh ri puăn rkeh puăn rsen lit dak ngi ôlive mâu geh rlŭk. Ăp năm, Y-Salômôn ăn ma Y-Hiram kơt nĕ.

I Phung Hađăch 7:26

Mbâl drŏng geh du nđam; năp bâr drŏng nâm bu năp bâr kachok rup kao si ueh. Păng dơi dơ puăn rmưn puăn rbăn lit dak.

I Phung Hađăch 7:38

Jêh nau nây, păng ƀư jât mlâm thŭng ma kông, ăp thŭng dơi dơ pham rhiăng pham jât lit. Ăp thŭng prêh bar met jêh nây n'gân dơi ta klơ ndơl.

I Nau Rêh Jêng 14:2

Y-Đavit gĭt năl pô aơ Brah Yêhôva hŏ njêng jêh păng dơi nâp ta klơ sưng hađăch Israel. Ƀon bri hađăch păng geh nau ndrŏng yor phung ƀon lan Israel Păng.

II Nau Rêh Jêng 2:15

Pôri aƀaơ, dăn ăn ba ƀlê, ba ôrgơ, dak ngi ôlive jêh ri ndrănh ma phung oh mon may tâm ban may hŏ lah jêh.

II Nau Rêh Jêng 2:9

gay nkra tơm si ăn âk râk ngăn ma gâp, yorlah ngih brah gâp ŭch ndâk jêng toyh dŭt ueh ngăn jêh ri lơp rmah mha ngăn ngên.

II Nau Rêh Jêng 9:8

Mât ton ma Yêhôva Brah Ndu may, yorlah Nơm hŏ maak nuih n'hâm n'gân may gŭ ta sưng hađăch gay mât uănh ăn ma Yêhôva Brah Ndu may! Yorlah Brah Ndu may rŏng ma phung ƀon lan Israel, ŭch ăn ma phung ƀon lan aơ dơi nâp ƀaƀơ n'ho ro, ri dĭng Păng hŏ njêng jêh may ƀư hađăch ma khân păng, gay ƀư tĭng nau di jêh ri nau sŏng.”

Êsra 3:7

Khân păng ăn prăk ma phung ndâk lŭ, phung trah si, ăn ndơ sông sa, dak nhêt, jêh ri dak ngi ôlive ma phung Sidôn jêh ri Tyre, gay khân păng djôt leo tơm si sêdar tă bơh bri Liban tât ta dak mƀŭt Jôpa, tĭng nâm samƀŭt nau ntrŭnh tă bơh Y-Sirus, hađăch Persi.

Êsra 7:22

nđâp lah pe ton n'gul prăk, du rhiăng ƀau ba ƀlê, du rhiăng thŭng ndrănh, du rhiăng thŭng dak ngi ôlive, jêh ri boh mâu nhueh ôh.

Luka 10:7

Gŭ hom tâm ngih nây, sông sa nhêt ndrel ma khân păng, yorlah bunuyh pah kan nkhôm găl geh prăk nau nkhôm păng nơm. Lơi chalơi ngih aơ trơn ngih êng.