II Nau Rêh Jêng 19:8 - Nau Brah Ndu Ngơi 2023

⁸ Y-Jôsaphat săch đŏng tâm phung Lêvi, kôranh ƀư brah jêh ri phung kôranh ndŭl mpôl Israel, dơm khân păng ta Yêrusalem, gay phat dôih yor ma Brah Yêhôva jêh ri dăp nkra lĕ nau dôih. Khân păng plơ̆ sĭt ta Yêrusalem da dê.

II Nau Rêh Jêng 19:8 ပူးပေါင်းရင်းမြစ်များ

I Nau Rêh Jêng 23:4

Tâm phung nây, geh bar rmưn puăn rbăn bunuyh mra mât uănh nau kan tâm ngih Brah Yêhôva, prao rbăn bunuyh mra jêng phung kôranh jêh ri phung kôranh phat dôih,

I Nau Rêh Jêng 26:29

Tâm noi phung Ishar, bu dơm Y-Kênania jêh ri phung kon păng jêng phung kôranh jêh ri phung kôranh phat dôih gay chiă ma lĕ nau kan phung ƀon lan Israel.

II Nau Rêh Jêng 19:11

Aơ, kôranh ƀư brah toyh Y-Amaria mra mât uănh lĕ nau kan prăp ma Brah Yêhôva; bi Y-Sêbadia, kon Y-Ismaêl, kôranh chiă uănh ndŭl mpôl phung Yuđa, mra mât uănh lĕ kan prăp ma hađăch. Geh đŏng phung kôranh phung Lêvi mra pah kan kơl khân may. Nâp nuih n'hâm hom jêh ri pah kan hom! Brah Yêhôva gŭ ndrel ma phung sŏng.”

II Nau Rêh Jêng 19:9

Păng ntăm ma khân păng: “Aơ jêng nau khân may mra ƀư: Ăn khân may klach yơk ma Brah Yêhôva, ma nau răp jăp jêh ri ma lĕ nuih n'hâm khân may.

Nau Mprơ Ơm 122:5

Yorlah ta nây bu ndâk lĕ sưng hađăch phat dôih Jêng lĕ sưng hađăch ngih Đavit.

Êsêkiêl 44:24

Tơlah geh nau tâm rlăch, khân păng jêng kôranh phat dôih, jêh ri phat dôih tĭng nâm nau vay Gâp. Khân păng mra djôt prăp nau vay Gâp jêh ri nau vay dăp Gâp tâm lĕ rngôch nar năng tâm rƀŭn Gâp jêh ri prăp dơi jêng kloh ueh lĕ nar saƀat Gâp.

Nau Vay Nkah Tay 21:5

Nôk nây phung kôranh ƀư brah jêng phung kon sau Lêvi mra văch dăch, yorlah Yêhôva Brah Ndu khân may hŏ săch jêh khân păng gay pah kan ma Păng, gay tâm amoh Brah Yêhôva mra ăn nau ueh uĭn, jêh ri ma nau khân păng tâm ngơi lĕ nau tâm rlăch jêh ri nau tâm nhăt lĕ nkra jêh.

Nau Vay Nkah Tay 25:1

“Lah lĕ bar đah geh nau tâm rlăch jêh ri khân păng hăn ma nau phat dôih pôri phung kôranh phat dôih mra ngơi an dôih ma khân păng: Mbơh nau sŏng srăng ma bunuyh geh nau sŏng srăng jêh ri mbơh nau tih ma bunuyh geh nau tih.