II Nau Rêh Jêng 19:6 - Nau Brah Ndu Ngơi 2023

⁶ Păng lah ma phung kôranh phat dôih pô aơ: “Njrăng hom moh kan khân may ƀư, yorlah khân may phat dôih mâu di ma bunuyh ôh, ƀiălah yor ma Brah Yêhôva; Păng mra gŭ ndrel ma khân may tâm nau phat dôih.

II Nau Rêh Jêng 19:6 ပူးပေါင်းရင်းမြစ်များ

I Nau Rêh Jêng 28:10

Aƀaơ aơ, njrăng hom, yorlah Brah Yêhôva săch jêh may ăn may ndâk du mlâm ngih brah prăp ma ntŭk kloh ueh Păng. Dăng ktang hom, jêh ri ƀư nau nây!”

Nơm Nti 5:8

Dôl may saơ tâm du n'gor geh phung o ach bu tŭn jot, nau sŏng jêh ri nau di bu jot rchal, lơi ta hih rhâl ôh ma nau nây; yorlah du hê kôranh toyh geh kôranh toyh lơn nking n'gang jêh ri ta klơ khân păng hôm e geh kôranh toyh lơn đŏng.

Kan Lêvi 19:15

Khân may mâu dơi ƀư nau mâu sŏng tâm nau phat dôih; mâu gŭ nding mpeh ma nơm o ach mâu lah yơk phung geh nau kan toyh, ƀiălah phat dôih hom phung chiau meng khân may ma nau sŏng.

Luka 12:15

Păng lah ma khân păng: “Rjăp hom, uănh njrăng lĕ rngôch ndơ kơnh rlau ir, yorlah nau rêh kon bunuyh mâu jêng yor ma drăp ndơ păng nơm geh âk rmeh ôh.”

Luka 21:8

Păng plơ̆ lah: “Njrăng hom, lơi ăn bu ndơm khân may ôh, yorlah âk bunuyh mra nchơt nklă ma amoh Gâp văch jêh ri ngơi pô aơ: ‘Gâp yơh jêng nơm nây jêh ri tâm rnôk văch dăch!’ Khân may lơi tĭng khân păng ôh.

Kôranh Oh Mon 22:26

Tăng nau Y-Pôl lah pônây, kôranh tahan nây hăn mbơh ma kôranh chiă uănh lah pô aơ: “Moh may mra ƀư? Yor bunuyh nây jêng du huê phung Rôm.”

Kôranh Oh Mon 5:35

Jêh nây păng lah ma khân păng: “Hơi phung Israel, njrăng hom ma nau khân may mra ƀư ma phung aơ.

Nau Vay Nkah Tay 1:17

Lơi ôh gŭ nding tâm nau phat dôih: gŭ iăt hom nau nơm jê̆ tâm ban nơm toyh đŏng. Lơi klach ôh ma muh măt bunuyh, yorlah nau phat dôih jêng kan Brah Ndu. Nkhêp mâp ma nau dôih jêr ir ma khân may, ăn khân may mbơh ma gâp, gâp mra iăt nau nây.’

Yôsuê 22:5

Ƀiălah njrăng hom ƀư tĭng nau vay ntăm jêh ri nau vay bơh Y-Môis, oh mon Brah Yêhôva ntăm jêh ma khân may, gay ăn khân may yơk rŏng ma Yêhôva Brah Ndu khân may, hăn tâm trong Păng, djôt prăp lĕ nau vay Păng ntăm, tâm rnglăp đah Păng, jêh ri pah kan ma Păng ma lĕ nuih n'hâm jêh ri ma lĕ huêng khân may.”