II Nau Rêh Jêng 19:3 - Nau Brah Ndu Ngơi 2023

³ Ƀiălah tâm may hôm geh nau ueh, yorlah may pih kloh jêh lĕ rup brah Asêrah ngluh lơi bơh n'gor bri, jêh ri lĕ nuih n'hâm tǐng joi Brah Ndu.”

II Nau Rêh Jêng 19:3 ပူးပေါင်းရင်းမြစ်များ

I Phung Hađăch 14:13

Lĕ rngôch phung Israel mra nhhiăng nhĭm jêh ri tâp păng. Tâm phung jêng bunuyh ma ngih Y-Jêrôbôam, knŏng du huê păng dơm bu tâp brôi tâm môch, yorlah tâm lĕ ngih Y-Jêrôbôam păng jêng nơm hôm ƀư nau ueh ma nuih n'hâm Yêhôva Brah Ndu Israel.

II Nau Rêh Jêng 11:16

Tâm ndŭl mpôl Israel, mbu nơm lĕ nuih n'hâm tĭng joi Yêhôva Brah Ndu tâm phung Israel tĭng ndô̆ phung kôranh ƀư brah da dê, jêh ri phung Lêvi hăn tât ta ƀon Yêrusalem gay nhhơr ndơ ƀư brah ma Yêhôva Brah Ndu chô yau khân păng nơm.

II Nau Rêh Jêng 12:12

Yorlah Y-Rôbôam ntrŭnh săk, pôri nau ji nuih bơh Brah Yêhôva du ngai đah păng jêh ri păng mâu geh roh rai lĕ rngôch ôh; jêh ri n'gor Yuđa ăt hôm dơn lĕ nau ueh.

II Nau Rêh Jêng 12:14

Y-Rôbôam ƀư nau mhĭk yorlah păng mâu joi Brah Yêhôva ma lĕ nuih n'hâm.

II Nau Rêh Jêng 15:12

Khân păng ƀư nau tâm rnglăp gay joi Yêhôva Brah Ndu phung chô yau khân păng ma lĕ nuih n'hâm jêh ri ma lĕ nau mĭn.

II Nau Rêh Jêng 15:15

Lĕ rngôch phung Yuđa hâk răm yor nau ton săk nây, yorlah khân păng ton săk jêh ma lĕ nuih n'hâm, tǐng joi Brah Yêhôva ma lĕ nau ktang jêh ri dơi mâp Păng. Brah Yêhôva ăn ma khân păng nau đăp mpăn tâm puăn mpeh.

II Nau Rêh Jêng 20:3

Y-Jôsaphat klach, jêh ri tǐng joi Brah Yêhôva, jêh ri kuăl ma lĕ rngôch phung Yuđa ât sông sa.

II Nau Rêh Jêng 20:33

Ƀiălah păng mâu ƀư rai ôh lĕ ntŭk prêh klơ, jêh ri phung ƀon lan ê hŏ prăp ôh nuih n'hâm khân păng ma Brah Ndu phung chô yau păng nơm.

II Nau Rêh Jêng 22:9

Y-Jêhu tĭng joi đŏng Y-Ahasia dôl gŭ krap ta Samari. Bu nhŭp Y-Ahasia njŭn leo ma Y-Jêhu, păng ntrŭnh nkhĭt lơi hađăch Ahasia. Bu tâp păng ăn ueh yorlah bu lah: “Păng jêng kon sau ma Y-Jôsaphat, jêng nơm tǐng joi Brah Yêhôva ma lĕ nuih n'hâm.” Pôri ngih Y-Ahasia mâu hôm geh du huê dơi chiă uănh ƀon bri hađăch ôh.

II Nau Rêh Jêng 27:6

Pôri, Y-Jôtham plơ̆ jêng janh ktang, yorlah păng tĭng ndô̆ trong di tanăp măt Yêhôva Brah Ndu.

II Nau Rêh Jêng 30:19

“Dăn ma Brah Yêhôva jêng Nơm ueh, yô̆ an nau tih ma lĕ rngôch bunuyh hŏ lĕ nuih n'hâm tĭng joi Yêhôva Brah Ndu phung chô yau khân păng, nđâp lah mâu hŏ di ôh nau vay ƀư kloh tâm ngih brah kloh ueh gay ƀư kloh khân păng nơm.”

Êsra 7:10

Yorlah Y-Êsra hŏ mĭn jêh ŭch nti nau vay Brah Yêhôva, djôt prăp jêh ri nti ma phung Israel gĭt lĕ rngôch nau vay dăp jêh ri nau vay ƀư.

Nau Mprơ Ơm 57:7

Ơ Brah Ndu, nuih n'hâm gâp nâp, Nuih n'hâm gâp nâp; Gâp mra mprơ jêh ri ma bâr mprơ tâm rnê.

Samƀŭt Pôl Njuăl Ăn Ma Phung Nsing Ta Ƀon Rôm 7:18

Yorlah gâp gĭt nau ueh mâu gŭ tâm gâp, nâm bu ntĭt tâm nglay săk gâp. Gâp ŭch ƀư nau ueh, ƀiălah gâp mâu geh nau dơi gay ma ƀư.

I Samuel 7:3

Nôk nây, Y-Samuel lah ma lĕ rngôch ngih Israel: “Tơlah khân may plơ̆ sĭt tay ma Brah Yêhôva ma lĕ nuih n'hâm khân may, mƀăr lơi phung brah mâu năl jêh ri rup brah bu ur Astarôt tă bơh khân may. Mƀŏng hom nuih n'hâm khân may ma Brah Yêhôva jêh ri knŏng pah kan du huê Păng dơm, ri mơ Păng mra tâm rklaih khân may tă bơh ti phung Philistin.”