II Nau Rêh Jêng 19:11 - Nau Brah Ndu Ngơi 2023

¹¹ Aơ, kôranh ƀư brah toyh Y-Amaria mra mât uănh lĕ nau kan prăp ma Brah Yêhôva; bi Y-Sêbadia, kon Y-Ismaêl, kôranh chiă uănh ndŭl mpôl phung Yuđa, mra mât uănh lĕ kan prăp ma hađăch. Geh đŏng phung kôranh phung Lêvi mra pah kan kơl khân may. Nâp nuih n'hâm hom jêh ri pah kan hom! Brah Yêhôva gŭ ndrel ma phung sŏng.”

II Nau Rêh Jêng 19:11 ပူးပေါင်းရင်းမြစ်များ

I Nau Rêh Jêng 22:11

Aơ kon bu klâu gâp, aƀaơ, dăn Brah Yêhôva gŭ n'hanh may jêh ri kơl may geh nau dơi tâm kan ndâk ngih brah ma Yêhôva Brah Ndu may, tĭng nâm nau Păng ngơi jêh ma may.

I Nau Rêh Jêng 22:16

phung blau ma mah, prăk, kông, jêh ri loih jêng âk ir mâu dơi kơp ôh. Dâk pah kan hom! Brah Yêhôva mra gŭ n'hanh may.”

I Nau Rêh Jêng 22:19

Pôri aƀaơ, ma lĕ nuih n'hâm jêh ri lĕ mĭn khân may joi hom Yêhôva Brah Ndu khân may. Ntơm ndâk hom ngih brah kloh ueh ma Yêhôva Brah Ndu, gay ma Hip Nau Tâm Rnglăp Brah Yêhôva jêh ri lĕ ndơ dŏng kloh ueh Brah Ndu dơm tâm ngih brah ndâk jêh ma amoh Brah Yêhôva.”

I Nau Rêh Jêng 26:30

Tâm noi deh Y-Hêbron, Y-Hasabia jêh ri phung oh nâu păng jêng phung tahan janh ktang, lĕ rngôch geh du rbăn pơh rhiăng nuyh; khân păng mât chiă phung Israel mpeh đah ri dak krong Yurdan ma mpeh nhâp nar, djôt kan chiă uănh lĕ nau kan Brah Yêhôva jêh ri pah kan hađăch.

I Nau Rêh Jêng 26:32

Phung oh nâu Y-Jêria jêng phung tahan janh ktang, geh bar rbăn pơh rhiăng nuyh, jêng phung kôranh tâm noi deh. Hađăch Đavit dơm khân păng mât chiă phung Ruben, phung Gat, jêh ri du n'gul ndŭl mpôl Manasê, gay chiă uănh lĕ nau kan Brah Ndu jêh ri ma kan hađăch.

I Nau Rêh Jêng 28:20

Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

I Nau Rêh Jêng 6:11

Y-Asaria jêng mbơ̆ Y-Amaria; Y-Amaria jêng mbơ̆ Y-Ahitup;

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

II Nau Rêh Jêng 15:7

Ƀiălah khân may gŭ janh hom, ti khân may lơi mƀơk, yorlah kan khân may ƀư mra geh nau nkhôm.”

II Nau Rêh Jêng 19:6

Păng lah ma phung kôranh phat dôih pô aơ: “Njrăng hom moh kan khân may ƀư, yorlah khân may phat dôih mâu di ma bunuyh ôh, ƀiălah yor ma Brah Yêhôva; Păng mra gŭ ndrel ma khân may tâm nau phat dôih.

II Nau Rêh Jêng 19:8

Y-Jôsaphat săch đŏng tâm phung Lêvi, kôranh ƀư brah jêh ri phung kôranh ndŭl mpôl Israel, dơm khân păng ta Yêrusalem, gay phat dôih yor ma Brah Yêhôva jêh ri dăp nkra lĕ nau dôih. Khân păng plơ̆ sĭt ta Yêrusalem da dê.

Êsra 7:5

Y-Usi kon bu klâu Y-Buki, Y-Buki kon bu klâu Y-Abisua, Y-Abisua kon bu klâu Y-Phinêas, Y-Phinêas kon bu klâu Y-Êlêasar, Y-Êlêasar kon bu klâu Y-Arôn, jêng kôranh ƀư brah lor lơn.

Nau Mprơ Ơm 112:5

Ueh maak yơh ma nơm geh nuih n'hâm lŏng, ăn bu chan Jêh ri ƀĭt gai lĕ nau kan tâm nau sŏng.

Nau Mprơ Ơm 37:23

Lĕ nhuat bunuyh mpeh Brah Yêhôva dơi nâp jêng, Păng rŏng trong bunuyh nây.

Nau Hôr 2:20

Nau blau mĭn mra ƀư ăn may hăn tâm trong bunuyh ueh Jêh ri tĭng ndô̆ trong phung sŏng srăng.

Nơm Nti 2:26

Yor Brah Ndu ăn nau blau mĭn, gĭt rbăng jêh ri nau maak ăn ma mbu nơm ƀư ueh nuih n'hâm Păng; Ƀiălah Păng ƀư ma nơm geh tih mra hŏt rgănh prăp nkrem gay jao tay ăn ma bunuyh ƀư ueh nuih n'hâm Brah Ndu. Nau nây ăt jêng dơm dam, tĭng rlong sial khôm.

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’

Malachi 2:7

Yorlah bâr mbung phung kôranh ƀư brah djôt prăp nau gĭt rbăng, bu mra joi nau ntrŭnh tă bơh trôm mbung păng, yorlah păng jêng nơm ntuh bâr Brah Yêhôva ma phung tahan.

Luka 23:50

Geh du huê bunuyh amoh păng Y-Yôsep, kôranh pah kan ma Mpôl Kôranh Phat Dôih, jêng bunuyh ueh jêh ri sŏng srăng,

Kôranh Oh Mon 11:24

yorlah Y-Ƀarnaƀas jêng bunuyh ueh, bêng ma Brah Huêng Ueh jêh ri nau chroh. Geh âk bunuyh chroh ma Kôranh Brah.

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

II Timôthê 2:1

Pôri hơi kon, rnơm hom nau yô̆ tâm Brah Yêsu Krist gay ma ƀư ktang ma may nơm.

Yôsuê 1:6

Ăn may janh ktang jêh ri nănh yorlah may mra njŭn leo phung ƀon lan aơ hăn sŏk dơn bri neh Gâp hŏ ton jêh ăn ma chô yau khân păng.

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”