II Nau Rêh Jêng 18:9 - Nau Brah Ndu Ngơi 2023

⁹ Hađăch Israel jêh ri Y-Jôsaphat, hađăch Yuđa, ăp nơm nsoh ao jâr hađăch da dê, gŭ ta sưng hađăch tâm ntŭk mprah ba êp mpông ƀon Samari, bi lĕ rngôch phung nơm mbơh lor ngơi nau mbơh lor panăp bar hê hađăch.

II Nau Rêh Jêng 18:9 ပူးပေါင်းရင်းမြစ်များ

II Nau Rêh Jêng 18:10

Y-Sêdêkia, kon Y-Kênana, ƀư lĕ nke ma loih, jêh ri lah: “Brah Yêhôva lah: ‘Ma lĕ nke aơ, may mra rduh phung Aram kŏ tât ƀư rai lĕ khân păng.’”

II Nau Rêh Jêng 18:29

Hađăch Israel lah đah Y-Jôsaphat pô aơ: “Gâp mra rgâl săk nkrơ̆ ƀư bu êng jêh ri hăn tâm lơh, bi may ăt nsoh ao hađăch.” Pôri, hađăch Israel rgâl săk nkrơ̆ ƀư bu êng, jêh nây bar hê khân păng hăn tâm lơh.

II Nau Rêh Jêng 18:8

Hađăch Israel kuăl du huê kôranh chiă uănh văch jêh ri lah: “Kuăl hom Y-Mika, kon Y-Imla, văch ta aơ gơnh!”

Êsai 14:9

Ƀon phung khĭt jru âk râk ƀư mpât đŏng yorlah may Gay chuă vơt may tât. Păng hŏ rlay phung phan bunuyh khĭt yor may, Jêng lĕ rngôch phung kôranh chiă uănh ta klơ neh ntu; Păng hŏ ƀư lĕ rngôch hađăch lĕ bri dak Dâk bơh sưng hađăch khân păng.

Êsêkiêl 26:16

Lĕ rngôch phung kôranh tâm nkual dak mƀŭt mra trŭnh tă bơh sưng hađăch khân păng nơm da dê, doh lơi ao jâr jêh ri doh lơi ao cheh chiăk. Khân păng geh nau klach nchueng jŭm jêh ri gŭ rvel ta neh. Khân păng râm nsâr ƀaƀơ, jêh ri klach ngăn yor may.

Daniel 7:9

Gâp uănh kŏ tât Lĕ sưng hađăch dơi dăp ueh djrêp, Geh Nơm Gŭ Rêh Bơh Rnôk Kăl E gŭ ta klơ nây. Ao Păng nglang nâm bu pler, Sŏk ta klơ bôk Păng nâm bu rsau biăp kloh. Sưng hađăch Păng jêng mpiăt ŭnh Geh lĕ jâng ndeh ŭnh sa hit.

Mathay 11:8

Moh ndơ khân may hăn uănh? Di lĕ uănh du huê bunuyh nsoh ao dŭt ueh? Ri, phung nsoh ao dŭt ueh gŭ tâm ngih hađăch.

Mathay 19:28

Brah Yêsu plơ̆ lah: “Nanê̆, Gâp lah ma khân may, rnôk rô̆ lĕ rngôch ndơ rgâl mhe, tơlah Kon Bunuyh mra gŭ ta klơ sưng hađăch nau chrêk rmah Păng, khân may jêng phung bunuyh hŏ tĭng Gâp, mra gŭ đŏng ta klơ jât ma bar sưng hađăch, gay phat dôih jât ma bar ndŭl mpôl phung Israel.

Mathay 6:29

ƀiălah Gâp lah ma khân may, nđâp tơlah hađăch Salômôn lĕ nau chrêk rmah, mâu dơi đŏng nsoh ueh tâm ban nguay ma phung kao si ueh aơ.

Bu ur Rut 4:1

Y-Bôas hăn tât ma mpông ƀon jêh ri gŭ ta nây. Aƀaơ, nơm geh nau dơi chuai drăp ndơn, nơm Y-Bôas hŏ lah jêh mhe hăn rgăn ta nây. Y-Bôas lah: “Hơi mĭt jiăng, veh gŭ hom ta aơ.”