II Nau Rêh Jêng 18:8 - Nau Brah Ndu Ngơi 2023

⁸ Hađăch Israel kuăl du huê kôranh chiă uănh văch jêh ri lah: “Kuăl hom Y-Mika, kon Y-Imla, văch ta aơ gơnh!”

II Nau Rêh Jêng 18:8 ပူးပေါင်းရင်းမြစ်များ

I Phung Hađăch 22:8

Hađăch Israel plơ̆ lah ma Y-Jôsaphat: “Hôm geh du huê, amoh Y-Mika, kon Y-Imla. He sâm đă păng ôp Brah Yêhôva. Ƀiălah gâp tâm rmot ngăn ma păng, yorlah păng mâu mâp mbơh lor nau ueh di ma gâp ôh, ƀiălah knŏng nau mhĭk.” Y-Jôsaphat lah: “Lơi dĭng hađăch ngơi kơt nây.”

I Phung Hađăch 22:9

Hađăch Israel kuăl du huê kôranh bu char văch jêh ri lah: “Jă hom gơnh Y-Mika, kon Y-Imla, văch ta aơ.”

I Nau Rêh Jêng 28:1

Y-Đavit kuăl rgum lĕ rngôch phung kôranh toyh phung Israel văch ta ƀon Yêrusalem geh phung kôranh ndŭl mpôl, phung kôranh mpôl pah kan ma hađăch, kôranh chiă uănh toyh ma du rbăn nuyh tahan jêh ri di rhiăng nuyh tahan, phung kôranh mât uănh drăp ndơn jêh ri mpô mpa hađăch rong, phung kon bu klâu hađăch, ndrel ma phung kôranh bu char jêh ri phung tahan janh ktang.

II Nau Rêh Jêng 18:7

Hađăch Israel plơ̆ lah ma Y-Jôsaphat: “Hôm geh du huê amoh Y-Mika, kon Y-Imla, bơh nơm nây he dơi ôp Brah Yêhôva. Ƀiălah gâp tâm rmot ngăn ma păng, yorlah păng mâu mbơh lor nau ueh ma gâp ôh, ƀiălah knŏng nau mhĭk.” Y-Jôsaphat lah: “Lơi dĭng hađăch ngơi kơt nây!”

II Nau Rêh Jêng 18:9

Hađăch Israel jêh ri Y-Jôsaphat, hađăch Yuđa, ăp nơm nsoh ao jâr hađăch da dê, gŭ ta sưng hađăch tâm ntŭk mprah ba êp mpông ƀon Samari, bi lĕ rngôch phung nơm mbơh lor ngơi nau mbơh lor panăp bar hê hađăch.

Êsai 39:7

‘Tâm phung kon may, phung bu deh jêh ăn ma may, ƀaƀă bu mra nhŭp djôt leo khân păng mra jêng phung kôranh bu char tâm ngih hađăch Babilôn.’”

Daniel 1:3

Hađăch ntăm ma Y-Aspênas, kôranh toyh kôranh bu char, njŭn tât phung ƀaƀă kon sau Israel jêng bơh ndŭl mpôl hađăch jêh ri phung ndrŏng.

I Samuel 8:15

Hađăch mra sŏk pi du kô̆ tâm jât ba jêh ri đang krăk ƀâu khân may, gay ăn ma kôranh chiă uănh jêh ri phung oh mon păng.