II Nau Rêh Jêng 18:7 - Nau Brah Ndu Ngơi 2023

⁷ Hađăch Israel plơ̆ lah ma Y-Jôsaphat: “Hôm geh du huê amoh Y-Mika, kon Y-Imla, bơh nơm nây he dơi ôp Brah Yêhôva. Ƀiălah gâp tâm rmot ngăn ma păng, yorlah păng mâu mbơh lor nau ueh ma gâp ôh, ƀiălah knŏng nau mhĭk.” Y-Jôsaphat lah: “Lơi dĭng hađăch ngơi kơt nây!”

II Nau Rêh Jêng 18:7 ပူးပေါင်းရင်းမြစ်များ

I Phung Hađăch 18:17

Tơlah Y-Ahap saơ Y-Êli, Y-Ahap ngơi đah păng: “Di lĕ may jêng nơm ƀư rkhŭk phung Israel?”

I Phung Hađăch 18:4

Tơlah H'Jêsêbel nkhĭt phung nơm mbơh lor Brah Yêhôva, Y-Apdia sŏk djôt du rhiăng nuyh nơm mbơh lor pôn tâm bar trôm lŭ, ăp trôm prăm jât bunuyh, sŏk piăng let jêh ri dak nhêt siăm ma khân păng).

I Phung Hađăch 19:10

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

I Phung Hađăch 21:20

Y-Ahap lah ma Y-Êli: “Hơi nơm rlăng gâp, may lĕ mâp jêh gâp?” Y-Êli plơ̆ lah: “Di ngăn, gâp saơ jêh may, yorlah may hŏ tăch jêh may nơm gay ƀư nau mhĭk tanăp măt Brah Yêhôva.

I Phung Hađăch 22:8

Hađăch Israel plơ̆ lah ma Y-Jôsaphat: “Hôm geh du huê, amoh Y-Mika, kon Y-Imla. He sâm đă păng ôp Brah Yêhôva. Ƀiălah gâp tâm rmot ngăn ma păng, yorlah păng mâu mâp mbơh lor nau ueh di ma gâp ôh, ƀiălah knŏng nau mhĭk.” Y-Jôsaphat lah: “Lơi dĭng hađăch ngơi kơt nây.”

II Phung Hađăch 9:22

Tơlah Y-Jôram lĕ saơ jêh Y-Jêhu, păng ôp: “Hơi Y-Jêhu, nau đăp mpăn lĕ?” Ƀiălah Y-Jêhu plơ̆ lah: “Mâm dơi geh nau đăp mpăn dôl mê̆ may H'Jêsêbel ƀư âk nau ka n'hong jêh ri nau n'hŭm?”

II Nau Rêh Jêng 18:13

Ƀiălah Y-Mika plơ̆ lah: “Tĭng nâm Brah Yêhôva gŭ rêh mro mrăng! moh nau Brah Ndu gâp lah, gâp mra ngơi nau nây.”

II Nau Rêh Jêng 18:6

Ƀiălah Y-Jôsaphat lah tay: “Ta aơ hôm geh nơm mbơh lor êng đŏng ma Brah Yêhôva, gay ma he ôp đŏng?”

II Nau Rêh Jêng 18:8

Hađăch Israel kuăl du huê kôranh chiă uănh văch jêh ri lah: “Kuăl hom Y-Mika, kon Y-Imla, văch ta aơ gơnh!”

Nau Mprơ Ơm 34:21

Nau ƀai mra nkhĭt nơm mhĭk; Bi ma phung tâm rmot ma nơm sŏng srăng mra geh nau tih jêh.

Nau Mprơ Ơm 55:3

Yor bâr troh dah phung rlăng Jêh ri nau tŭn jot phung ƀai. Yorlah khân păng djôt nau mhĭk tât ma gâp, Jêh ri tĭng nhŭp gâp ma nau nuih janh.

Nau Mprơ Ơm 69:14

Dăn rklaih gâp bơh tâm bŏk, Lơi ăn rhuh jru tâm ntŭk nây. Ăn gâp dơi klaih bơh phung ji nuih ma gâp Jêh ri n'hor dak jru.

Nau Hôr 25:12

Ma đah tôr gĭt iăt, nau nduyh bơh bunuyh blau mĭn Nâm bu du mlâm rgên mah, du ndơ nkrơ̆ đah mah chrêk.

Nau Hôr 29:10

Bunuyh ji hir mham tâm rmot ma bunuyh mâu geh ôh nau tih, Ƀiălah phung sŏng mra mât njrăng nau rêh nơm nây.

Nau Hôr 9:8

Lơi ta nduyh ôh ma bunuyh mưch klach lah păng tâm rmot ma may; Nduyh hom ma bunuyh blau mĭn păng mra rŏng ma may.

Êsai 30:10

Khân păng lah ma phung geh nau tâm saơ: “Lơi saơ nau tâm saơ đŏng,” Jêh ri lah đah phung saơ nau tâm saơ pô aơ: “Lơi nkoch ma hên lĕ nau tâm saơ ma nau nanê̆ ngăn đŏng ôh! Ngơi hom ma hên lĕ nau ƀư maak ma tôr hên, Jêh ri nkoch hom ma hên lĕ nau mâu geh ngăn.

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 38:4

Phung kôranh lah ma hađăch: “Ăn bu nkhĭt lơi bunuyh aơ, yorlah đơ nau păng ngơi ƀư rdja nuih n'hâm phung tahan hôm tâm ƀon aơ tâm ban ma lĕ rngôch phung ƀon lan. Bunuyh aơ mâu joi ôh nau ueh ma phung ƀon lan ƀiălah knŏng djôt leo ma nau rai yot dơm.”

Amôt 5:10

Khân păng tâm rmot ma nơm nduyh khân păng ta mpông ƀon, Jêh ri khân păng ntêh rmot ma nơm nănh ngơi nau nanê̆ ngăn.

Mika 2:7

Hơi ngih Yakôb! Mâm nănh ngơi pô aơ: “Brah Yêhôva roh nau nsrôih lĕ mâu?” Păng ƀư lĕ nau kơt nây ƀơh? Mâu di nau ngơi Gâp geh nau khlay Ăn ma mbu nơm chuat hăn ma nau sŏng?

Markôs 6:27

Hađăch prơh ro du huê tahan jêh ri ntrŭnh ma păng sŏk bôk Y-Yôhan.

Luka 6:22

Ueh maak yơh ma phung kon tơlah yor ma Kon Bunuyh bu tâm rmot, mprơh, ngơi mhĭk, mƀăr lơi amoh khân may tâm ban nơm djơh mhĭk.

Yôhan 15:24

Lah Gâp mâu ƀư ôh kan tâm nklang khân păng lĕ nau kan ê mâp bu ƀư khân păng mâu geh nau tih ôh. Ƀiălah aƀaơ khân păng saơ jêh ƀiălah tâm rmot ma Gâp nđâp ma Mbơ̆ Gâp.

Yôhan 7:7

Neh ntu mâu dơi tâm rmot ma khân may ôh ƀiălah tâm rmot ma gâp, yorlah gâp hŏ mbơh ma neh ntu gĭt pô aơ nau kan khân păng jêng djơh mhĭk.

Galati 4:16

Pônây gâp plơ̆ jêng nơm rlăng đah khân may yorlah ngơi nau ngăn ma khân may lĕ ƀơh?