II Nau Rêh Jêng 18:31 - Nau Brah Ndu Ngơi 2023

³¹ Lah phung kôranh tahan ƀĭt ndeh seh saơ Y-Jôsaphat, khân păng lah: “Aơ jêng hađăch Israel!” Khân păng plơ̆ ro hăn lơh hađăch. Y-Jôsaphat kuăl rklaih jêh ri Brah Yêhôva rklaih păng. Brah Ndu ƀư ăn phung rlăng du tă bơh păng,

II Nau Rêh Jêng 18:31 ပူးပေါင်းရင်းမြစ်များ

I Nau Rêh Jêng 5:20

Dôl khân păng tâm lơh, khân păng vơl dăn ma Brah Ndu, jêh ri yorlah khân păng geh nuih n'hâm rnơm nsing ma Păng, pôri Păng kơl rklaih an, jao phung Hagrit jêh ri lĕ rngôch phung tĭng păng tâm ti khân păng.

II Nau Rêh Jêng 13:14

Tơlah phung Yuđa n'gĭl uănh, ri, phung rlăng hŏ êp panăp jêh ri pakơi khân păng. Khân păng nter vơh vơl ma Brah Yêhôva ro, bi phung kôranh ƀư brah uh nŭng.

II Nau Rêh Jêng 13:15

Nôk nây, phung Yuđa nter troh rduh tâm lơh. Nôk phung Yuđa nter troh, Brah Ndu lơh Y-Jêrôbôam jêh ri lĕ rngôch phung Israel tra năp măt Y-Abija jêh ri phung Yuđa.

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

II Nau Rêh Jêng 18:30

Ta lor ri, hađăch Aram hŏ ntĭnh jêh ma phung kôranh chiă uănh tahan ƀĭt ndeh seh pô aơ: “Lơi tâm lơh ôh đah bu, phung jê̆ mâu lah phung toyh, ƀiălah knŏng hăn lơh du huê hađăch Israel dơm.”

II Nau Rêh Jêng 18:32

Yorlah tơlah phung kôranh tahan ƀĭt ndeh seh saơ mâu di hađăch Israel ôh, khân păng nsrŭng, mâu hôm tĭng păng ôh.

II Nau Rêh Jêng 26:7

Brah Ndu kơl păng dơi đah phung Philistin, đah phung Arabi gŭ ta Gur-Baal jêh ri đah phung Mêunim.

Êsra 1:1

Năm rơh nguay rnôk rô̆ Y-Sirus, hađăch Persi, Brah Yêhôva ŭch ƀư tât di nau ngăn Păng hŏ ngơi jêh ma bâr mbung Y-Yêrêmi, yor ri Brah Yêhôva hŏ nsŭk nsôr nuih n'hâm Y-Sirus, hađăch Persi, ăn nau ntrŭnh jêh ri mbơh tâm lam bri dak păng pô aơ:

Êsra 7:27

Y-Êsra lah: “Tâm rnê ma Yêhôva Brah Ndu chô yau hên, jêng Nơm hŏ dơm nau aơ tâm nuih n'hâm hađăch gay nkrơ̆ ngih brah Brah Yêhôva ta Yêrusalem,

Nêhêmi 1:11

Hơi Kôranh Brah! Dăn ma May iăt nau gâp mbơh sơm jêng oh mon May jêh ri phung oh mon êng êng, jêng phung maak nuih n'hâm klach yơk ma amoh May. Nar aơ, dăn ma Kôranh Brah ăn ma gâp jêng oh mon Kôranh Brah dơi geh nau ƀŭn lap jêh ri geh nau yô̆ nđach tanăp bunuyh aơ.” Rnôk nây gâp ƀư nau pah kan nhhơr ndrănh ma hađăch.

Nau Mprơ Ơm 118:13

May nklơ̆ gâp gay ma gâp cha lôt, Ƀiălah Brah Yêhôva koh dŏng jêh gâp.

Nau Mprơ Ơm 34:7

Tông mpăr Brah Yêhôva ƀư ngih bok gŭ jŭm phung klach yơk ma Păng Jêh ri tâm rklaih khân păng.

Nau Mprơ Ơm 46:1

Brah Ndu jêng ntŭk mbe krap jêh ri nau ktang hên, Păng kơl tâm lĕ nau rêh ni.

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 56:10

Gâp rnơm nsing ma Brah Ndu jêh ri mprơ tâm rnê nau Păng ngơi; Gâp rnơm nsing ma Brah Yêhôva jêh ri mprơ tâm rnê nau Păng ngơi.

Nau Mprơ Ơm 94:17

Tơlah Brah Yêhôva mâu kơl gâp, Pôri huêng gâp gơnh jêh sĭt tâm ntŭk bri gŭ rklăk.

Nau Ngluh Êjipt 14:10

Lah Pharaôn tât dăch, phung ƀon lan Israel n'gơr uănh saơ phung Êjipt dôl hăn tĭng. Khân păng klach hâu ngăn, nter lŭng ma Brah Yêhôva.

Nau Hôr 16:7

Lah Brah Yêhôva di nuih n'hâm đah nau rêh ueh ma mbu nơm, Pôri Păng ƀư ăn nơm rlăng gŭ đăp rmên ndrel ma bunuyh nây.

Nau Hôr 21:1

Nuih n'hâm hađăch tâm ti Brah Yêhôva nâm bu n'hor dak hoch; Păng ŭch ƀư nkêng nkăng ntŭk mpeh tĭng nau Păng ŭch.