II Nau Rêh Jêng 18:3 - Nau Brah Ndu Ngơi 2023

³ Y-Ahap, hađăch Israel lah ma Y-Jôsaphat, hađăch Yuđa, pô aơ: “May ŭch ndrel ma gâp hăn lơh ƀon Ramôt-Gilêat lĕ?” Y-Jôsaphat plơ̆ lah: “Gâp jêng nâm bu may, phung ƀon lan gâp jêng nâm bu ƀon lan may lĕ; hên mra hăn ndrel ma may tâm nau tâm lơh.”

II Nau Rêh Jêng 18:3 ပူးပေါင်းရင်းမြစ်များ

I Phung Hađăch 22:4

Jêh nây hađăch lah ma Y-Jôsaphat: “May ŭch hăn ndrel ma gâp gay tâm lơh ƀon Ramôt-Gilêat?” Y-Jôsaphat lah ma hađăch Israel: “Gâp nâm bu may, phung ƀon lan gâp nâm bu phung ƀon lan may, jêh ri seh tâm lơh gâp jêng nâm bu seh tâm lơh may.”

I Phung Hađăch 4:13

Y-Ben-Gêber chiă uănh n'gor Ramôt Gilêat, kơp lĕ ƀon jê̆ Y-Jar (Y-Jar jêng kon Y-Manasê) tâm nkual Gilêat, păng chiă uănh đŏng n'gor Argôp tâm Basan, geh prao jât rplay ƀon toyh geh mpêr ƀon jêh ri mâng nđăng mpông ma kông;

II Phung Hađăch 3:7

Păng prơh đŏng phung mbơh hăn ma Y-Jôsaphat, hađăch Yuđa, pô aơ: “Hađăch Môap hŏ dâk tâm rdâng jêh đah gâp, may ŭch ndrel ma gâp hăn tâm lơh đah phung Môap lĕ?” Y-Jôsaphat plơ̆ lah: “Gâp mra hăn. Gâp jêng nâm bu may, phung ƀon lan gâp jêng nâm bu phung ƀon lan may, seh tâm lơh gâp jêng nâm bu seh tâm lơh may lĕ.”

II Nau Rêh Jêng 18:2

Bar pe năm pakơi, păng hăn jô̆ khâl Y-Ahap ta Samari. Y-Ahap sreh âk biăp jêh ri ndrôk ma păng jêh ri ma phung hăn ndrel ma păng, jêh nây nsŭk nsôr Y-Jôsaphat hăn hao tâm lơh đah ƀon Ramôt-Gilêat.

II Nau Rêh Jêng 18:4

Y-Jôsaphat lah ma hađăch Israel: “Ƀiălah lor lơn, ăn he ôp hom ma nau Brah Yêhôva ngơi.”

II Nau Rêh Jêng 19:2

Nơm geh nau tâm saơ Y-Jêhu, kon Y-Hanani, hăn tâm mâp đah Y-Jôsaphat jêh ri lah: “Di lĕ may hŏ kơl nơm djơh mhĭk jêh ri rŏng ma phung tâm rmot Brah Yêhôva? Yor nau nây, nau Brah Yêhôva ji nuih tât ma may.

Nau Mprơ Ơm 139:21

Ơ Brah Yêhôva! Mâm ƀư gâp mâu tâm rmot ma phung tâm rmot ma May? Jêh ri mâu mưch rmot ôh ma phung tâm rdâng đah May?

Êphêsô 5:11

Lơi pah ndrel ôh lĕ nau kan mâu khlay bơh nau ngo; ueh lơn, ăn khân may nduyh khân păng;