II Nau Rêh Jêng 18:29 - Nau Brah Ndu Ngơi 2023

²⁹ Hađăch Israel lah đah Y-Jôsaphat pô aơ: “Gâp mra rgâl săk nkrơ̆ ƀư bu êng jêh ri hăn tâm lơh, bi may ăt nsoh ao hađăch.” Pôri, hađăch Israel rgâl săk nkrơ̆ ƀư bu êng, jêh nây bar hê khân păng hăn tâm lơh.

II Nau Rêh Jêng 18:29 ပူးပေါင်းရင်းမြစ်များ

I Phung Hađăch 20:38

Jêh nây nơm mbơh lor nây hăn jêh ri dâk êp kêng meng trong gay kâp hađăch hăn rgăn. Păng sŏk bok nkŭm muh măt gay n'hi săk.

II Nau Rêh Jêng 18:28

Pôri hađăch Israel jêh ri Y-Jôsaphat, hađăch Yuđa, hăn lơh ma ƀon Ramôt-Gilêat.

II Nau Rêh Jêng 18:30

Ta lor ri, hađăch Aram hŏ ntĭnh jêh ma phung kôranh chiă uănh tahan ƀĭt ndeh seh pô aơ: “Lơi tâm lơh ôh đah bu, phung jê̆ mâu lah phung toyh, ƀiălah knŏng hăn lơh du huê hađăch Israel dơm.”

Ndrom Samƀŭt bơh Yôp 24:15

Măt nơm tâm lâm gŭ kâp mông nsrŭp măng, Păng lah tâm nuih n'hâm: ‘Mâu geh du huê saơ gâp’; Jêh ri put ndâp muh măt păng nơm.

Nau Mprơ Ơm 12:2

Khân păng dŏng nau ngơi mƀruh gay nkoch bri ndrăng khân păng nơm, Sŏk bâr mbung ngơi lĕ nau nklă ƀiălah nuih n'hâm ma nau mƀruh ndơm.

Nau Hôr 26:25

Lah păng ngơi kah njŭng lơi ta rnơm, Yorlah tâm nuih n'hâm păng geh pơh ntil nau tâm rmot.

Yêrêmi 23:24

Brah Yêhôva lah: “Mbu dơi nde krap păng nơm tâm ntŭk ndâp gay Gâp mâu dơi saơ lĕ?” Brah Yêhôva lah đŏng: “Mâu di hĕ Gâp mpơl ăp ntŭk, ăp lĕ ndâr trôk jêh ri neh ntu hĕ?

I Samuel 28:8

Y-Sôl tâm rgâl muh măt păng, nsoh kho ao êng, jêh nây hăn ndrel ma bar hê tât ta ngih bu ur nây dôl bri măng. Y-Sôl lah: “Dăn ay bê̆ch gru an ma gâp, jêh ri ngơi ndrel ma brah ăn luh du ma gâp du huê, gâp mra mbơh amoh ma ay.”