II Nau Rêh Jêng 18:22 - Nau Brah Ndu Ngơi 2023

²² Pônây, aƀaơ uănh ri Brah Yêhôva hŏ dơm jêh du huê brah ngơi mƀruh tâm trôm mbung lĕ rngôch phung nơm mbơh lor may, jêh ri Brah Yêhôva hŏ tâm nal ƀư nau mhĭk ma may.”

II Nau Rêh Jêng 18:22 ပူးပေါင်းရင်းမြစ်များ

II Nau Rêh Jêng 18:17

Hađăch Israel lah ma Y-Jôsaphat: “Mâu di hĕ gâp lah jêh ma may pônây bunuyh aơ mâu mra mbơh lor ôh nau ueh ma gâp, knŏng jêng nau mhĭk dơm?”

II Nau Rêh Jêng 18:21

Păng plơ̆ lah: ‘Gâp mra hăn ƀư du huê brah ngơi mƀruh tâm trôm mbung lĕ rngôch nơm mbơh lor păng.’ Brah Yêhôva lah: ‘Di ngăn, may mra ndơm păng. Hăn hom jêh ri ƀư kơt nĕ.’

II Nau Rêh Jêng 18:7

Hađăch Israel plơ̆ lah ma Y-Jôsaphat: “Hôm geh du huê amoh Y-Mika, kon Y-Imla, bơh nơm nây he dơi ôp Brah Yêhôva. Ƀiălah gâp tâm rmot ngăn ma păng, yorlah păng mâu mbơh lor nau ueh ma gâp ôh, ƀiălah knŏng nau mhĭk.” Y-Jôsaphat lah: “Lơi dĭng hađăch ngơi kơt nây!”

II Nau Rêh Jêng 25:18

Y-Jôas, hađăch Israel, njuăl bâr ngơi ma Y-Amasia, hađăch Yuđa: “Tơm lok ta bri Liban njuăl bunuyh lah ma tơm si sêdar ta bri Liban pô aơ: ‘Ăn hom kon bu ur may ƀư ur ma kon bu klâu gâp.’ Ƀiălah geh mpô mpa bri ta Liban hăn rgăn jêh ri jot nchah tơm lok nây.

Ndrom Samƀŭt bơh Yôp 12:16

Nau dăng n'hâm jêh ri nau blau mĭn jêng ndơ Păng; Nơm ndơm bu nđâp ma bunuyh bu ndơm gŭ tâm ti Păng da dê.

Nau Ngluh Êjipt 4:21

Brah Yêhôva lah ma Y-Môis: “Lah may plơ̆ sĭt ta n'gor Êjipt, ăn may ƀư lĕ rngôch nau mbên khlay Gâp hŏ jao jêh tâm ti may gay ƀư tanăp Pharaôn. Ƀiălah Gâp mra ƀư ăn hađăch Êjipt dăng nuih n'hâm, mâu ăn ôh phung ƀon lan hăn.

Êsai 19:14

Brah Yêhôva hŏ ƀư lŭk rlăk ta nklang khân păng Du huêng brah ƀư vĭ, Păng ƀư ma Êjipt vĭ tâm lĕ nau kan, Nâm bu bunuyh nhŭl ndrănh ƀah hăn ndĭt ndĭu ƀă hok.

Êsai 3:11

Rêh ni ngăn ma nơm ƀai! Păng mra tuy nau mhĭk, Yorlah păng mra dơn play mhĭk bơh ti păng ƀư jêh.

Yêrêmi 18:11

Pônây, aƀaơ aơ may ngơi hom ma phung Yuđa jêh ri phung gŭ tâm ƀon Yêrusalem pô aơ: ‘Brah Yêhôva lah: Aơ, Gâp dôl tâm nal djôt nau mhĭk tât ăn ma khân may jêh ri dăp kan tâm rdâng đah khân may. Ăn nơm tâm khân may chalơi hom trong mhĭk jêh ri nkra tay trong ndrel ma lĕ kan khân may ƀư!’

Êsêkiêl 14:9

Tơlah nơm mbơh lor geh nau ntrôl jêh ri ngơi du bâr, Gâp nơm yơh, Brah Yêhôva, mra ăn bu ntrôl nơm mbơh lor nây jêh ri Gâp mra yơr ti tâm rdâng đah păng, jêh ri ƀư rai lơi păng bơh ta phung ƀon lan Gâp Israel.

Mika 2:3

Yor ri, Brah Yêhôva lah: “Nĕ, Gâp mĭn ŭch ƀư nau mhĭk tât tâm ƀon lan aơ Ƀiălah phung khân may mâu dơi doh ôh bơh trô ko; Khân may kŏ mâu dơi đŏng ngơk bôk Yorlah nây jêng rnôk rêh ni ngăn.