II Nau Rêh Jêng 18:21 - Nau Brah Ndu Ngơi 2023

²¹ Păng plơ̆ lah: ‘Gâp mra hăn ƀư du huê brah ngơi mƀruh tâm trôm mbung lĕ rngôch nơm mbơh lor păng.’ Brah Yêhôva lah: ‘Di ngăn, may mra ndơm păng. Hăn hom jêh ri ƀư kơt nĕ.’

II Nau Rêh Jêng 18:21 ပူးပေါင်းရင်းမြစ်များ

II Nau Rêh Jêng 18:19

Brah Yêhôva lah: ‘Mbu mra ndơm Y-Ahap, hađăch Israel, hăn hao tâm lơh Ramôt-Gilêat gay cha lôt khĭt ta nây?’ Jêh nây nơm plơ̆ lah pô aơ, geh nơm êng plơ̆ lah nau êng.

II Nau Rêh Jêng 18:22

Pônây, aƀaơ uănh ri Brah Yêhôva hŏ dơm jêh du huê brah ngơi mƀruh tâm trôm mbung lĕ rngôch phung nơm mbơh lor may, jêh ri Brah Yêhôva hŏ tâm nal ƀư nau mhĭk ma may.”

Ndrom Samƀŭt bơh Yôp 1:12

Brah Yêhôva lah ma Satan: “Nĕ aơ, Gâp jao lĕ drăp ndơ Y-Yôp tâm ti may, ƀiălah may mâu dơi yơr ti pah ôh ma Y-Yôp.” Satan du luh ro bơh tanăp măt Brah Yêhôva.

Ndrom Samƀŭt bơh Yôp 2:6

Brah Yêhôva lah ma Satan: “Ri, Y-Yôp gŭ tâm ti may, ƀiălah may mra djôt prăp an nau rêh păng.”

Nau Mprơ Ơm 109:17

Păng rŏng ma nau rtăp rak; jêh ri nau rtăp rak nây tŭp ta bôk păng; Păng mâu ŭch nau ueh uĭn ôh; nau ueh uĭn du ngai đah păng.

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

I Yôhan 4:6

He jêng phung Brah Ndu. Mbu nơm gĭt năl Brah Ndu gŭ iăt nau he, bi mbu nơm mâu jêng phung Brah Ndu mâu iăt nau he ôh. Ma nau nĕ, he gĭt năl brah huêng nau ngăn jêh ri huêng brah nau vĭ vĭr.

Nau Tâm Mpơl 12:9

Bu klŭp mƀăr bêh nhŭk nhăk toyh jŭr ta neh, jêng bêh ơm, bu rnha jêng brah mhĭk mâu lah Satan, nơm ndơm mƀruh lĕ kon bunuyh. Bu klŭp păng jŭr ta neh ntu; phung mbơh păng bu klŭp mƀăr jŭr ndrel ma păng.

Nau Tâm Mpơl 13:14

Păng ndơm mƀruh phung gŭ ta neh ntu ma nau mbên khlay, bu ăn păng dơi vay ƀư tanăp mpô mpa dŭt janh; jêh ri đă ma khân păng ƀư rup trah mpô mpa geh ntŭk sôt rmanh ƀơh đao gưm ƀiălah ăt hôm rêh.

Nau Tâm Mpơl 20:8

păng mra hăn luh gay ndơm mƀruh phung mpôl băl bunuyh gŭ tâm puăn njônh ta neh ntu jêng phung Gôk jêh ri phung Magôk, gay rgum phung nây ma nau tâm lơh. Phung tahan khân păng âk nâm bu choih ta kơh dak mƀŭt.

Phung Kôranh Phat Dôih 9:23

Brah Ndu prơh du huê brah mhĭk ƀư nau ƀlăch ƀlêr ta nklang Y-Abimêlek jêh ri bunuyh Sichem, ƀư ăn phung ƀon lan Sichem tâm rdâng đah Y-Abimêlek.