II Nau Rêh Jêng 18:16 - Nau Brah Ndu Ngơi 2023

¹⁶ Y-Mika plơ̆ lah: “Gâp saơ lĕ rngôch phung Israel chah rai pru pra ta klơ lĕ yôk nâm bu phung biăp mâu geh bunuyh rmăk biăp ôh, jêh ri Brah Yêhôva lah: ‘Phung aơ mâu geh ôh kôranh, ăp nơm plơ̆ sĭt hom ma ngih khân păng tâm nau đăp mpăn.’”

II Nau Rêh Jêng 18:16 ပူးပေါင်းရင်းမြစ်များ

II Samuel 2:7

Ăn ti khân may jêng ktang, mpơl hom khân may jêng phung nanh janh; yorlah Y-Sôl, kôranh khân may lĕ khĭt jêh, ƀiălah ngih Yuđa hŏ tŏ dak ƀâu kah ta gâp ăn jêng hađăch ma khân păng.”

II Samuel 5:2

Ntơm bơh kăl e, tơlah hađăch Sôl hôm chiă uănh ma hên, hađăch chiă uănh jêh phung Israel hăn tâm lơh jêh ri khân păng sĭt. Brah Yêhôva lah ma hađăch: ‘May mra rmăk biăp ma phung ƀon lan Gâp, jêh ri jêng hađăch ma phung Israel.’”

I Phung Hađăch 22:17

Rnôk nây, Y-Mika lah: “Gâp saơ lĕ rngôch phung ƀon lan Israel chah rai pru pra ta klơ lĕ yôk, nâm bu phung biăp mâu geh bunuyh rmăk biăp ôh; jêh ri Brah Yêhôva lah: ‘Phung aơ mâu geh ôh kôranh, ăp nơm plơ̆ sĭt hom ma ngih khân păng tâm nau đăp mpăn.’”

II Phung Hađăch 10:3

săch hom tâm phung kon bu klâu kôranh khân may du huê gĭt blau lơn gay dơm păng ta sưng hađăch chiă uănh thoi ntrok mbơ̆ păng. Jêh nây khân may tâm lơh hom yor ngih kôranh khân may.”

II Nau Rêh Jêng 18:15

Hađăch lah ma păng: “Ndah nâm hŏ tơ̆ gâp nchâp ma may ton jêng may ngơi knŏng nau ngơi ngăn tâm amoh Brah Yêhôva!”

II Nau Rêh Jêng 18:17

Hađăch Israel lah ma Y-Jôsaphat: “Mâu di hĕ gâp lah jêh ma may pônây bunuyh aơ mâu mra mbơh lor ôh nau ueh ma gâp, knŏng jêng nau mhĭk dơm?”

Êsêkiêl 34:8

Kôranh Brah Yêhôva lah: ‘N'hêl nanê̆ tĭng nâm Gâp gŭ rêh mra mrăng, yorlah mâu geh bunuyh rmăk leo rĭ dĭng phung biăp Gâp hŏ ƀư mpa sa jêh ri hŏ jêng ndơ sa ma lĕ rngôch ntil mpô mpa bri. Phung rmăk biăp Gâp ăt mâu lĕ ŭch joi biăp Gâp, ƀiălah khân păng siăm êng khân păng nơm ƀiălah mâu ŭch ôh siăm phung biăp Gâp.’

Êsêkiêl 35:4

Gâp mra ƀư ăn đơ ƀon toyh may jêng bri rdah jêh ri may mra jêng rngol. Rnôk nây, may mra gĭt Gâp jêng Brah Yêhôva.

Sakari 10:2

Yorlah phung rup brah knŏng ngơi nau dơm dam, Lĕ phung n'hŭm knŏng saơ nau mƀruh; Khân păng mbơh nkoch lĕ nau mbơi mƀruh ndơm bu, Jêh ri ngơi nau bonh leng mâu khlay ôh. Yor nây, phung ƀon lan chah rai du pru Nâm bu phung kon biăp rêh ni yorlah mâu geh rmăk chiăp.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Nau Kơp Bunuyh 27:17

gay nơm mra hăn luh jêh ri hăn lăp tay panăp khân păng, jêng nơm mra njŭn khân păng hăn luh jêh ri njŭn khân păng hăn lăp; pônây phung tâm rƀŭn Brah Yêhôva mâu mra nâm biăp mâu geh nơm chiăp.”

Mathay 26:64

Brah Yêsu plơ̆ lah: “May lah jêh nau nây. Ƀiălah Gâp lah ma khân may, pakơi aơ khân may mra saơ Kon Bunuyh gŭ mpeh pa ma Nơm Nau Brah jêh ri plơ̆ văch ta ndâr tŭk klơ trôk.”

Mathay 9:36

Tơlah saơ phung âk râk, Păng geh nau yô̆ nđach yorlah khân păng rêh ni jêh ri nchah rai nhhơt nâm bu phung biăp mâu geh bunuyh rmăk.

Markôs 6:34

Tơlah luh bơh plŭng, Brah Yêsu saơ phung bunuyh âk pôri Păng yô̆ nđach ma khân păng, yorlah khân păng nâm bu phung biăp mâu geh bunuyh rmăk biăp. Păng ntơm ntĭm nti âk ntil ma khân păng.