II Nau Rêh Jêng 18:13 - Nau Brah Ndu Ngơi 2023

¹³ Ƀiălah Y-Mika plơ̆ lah: “Tĭng nâm Brah Yêhôva gŭ rêh mro mrăng! moh nau Brah Ndu gâp lah, gâp mra ngơi nau nây.”

II Nau Rêh Jêng 18:13 ပူးပေါင်းရင်းမြစ်များ

I Phung Hađăch 22:14

Ƀiălah Y-Mika plơ̆ lah: “Gâp sŏk amoh Brah Yêhôva gŭ rêh mro mrăng gay sơm ton, gâp mra ngơi moh nau Brah Yêhôva lah ma gâp.”

II Nau Rêh Jêng 18:12

Tâm nôk nây, nơm mbơh hăn kuăl Y-Mika jêh ri lah ma păng pô aơ: “Aơ, lĕ phung nơm mbơh lor ngơi du ai mbơh nau ueh ma hađăch, pôri gâp dăn ma may ngơi hom nau ngơi ueh nâm bu nau khân păng ngơi gay mbơh ma hađăch.”

II Nau Rêh Jêng 18:14

Tơlah Y-Mika lĕ tât jêh, Y-Ahap ôp ma păng: “Ơ Y-Mika, he mra hăn lơh ƀon Ramôt-Gilêat mâu lah mâu dơi hăn ôh?” Păng plơ̆ lah: “Hăn hom, hađăch mra dơi yơh jêh ri bu mra jao khân păng tâm ti bar hê hađăch.”

Yêrêmi 23:28

Moh nơm mbơh lor geh nau mbơi, nkoch hom nau mbơi nây! Mbu nơm hŏ dơn jêh nau Gâp, răp jăp hom mbơh tay nau Gâp! Rhe dơi lĕ tâm rlŭk đah ba ƀlê?” Brah Yêhôva lah pônây.

Yêrêmi 42:4

Nơm mbơh lor Y-Yêrêmi lah ma khân păng: “Gâp hŏ tăng jêh! Aơ, gâp mra mbơh sơm ma Yêhôva Brah Ndu khân may tĭng nâm nau khân may dăn. Gâp mra mbơh ma khân may gĭt lĕ ntil nau Brah Yêhôva plơ̆ lah ma khân may, mâu prăp tay du ntil nau ôh.”

Êsêkiêl 2:7

Pôri may mbơh hom nau Gâp lah ma khân păng nđâp lah khân păng iăt mâu lah mâu, yorlah khân păng jêng phung tâm rdâng.

Nau Kơp Bunuyh 22:35

Tông mpăr Brah Yêhôva lah ma Y-Balaam: “Hăn hom ndrel ma phung bu klâu nây, ƀiălah ăn may ngơi knŏng nau Gâp mra ntĭnh ma may.” Pôri Y-Balaam hăn ndrel ma phung kôranh chiă uănh Y-Balak.

Nau Kơp Bunuyh 23:12

Y-Balaam plơ̆ lah: “Gâp mâu njrăng gay ngơi moh nau Brah Yêhôva dơm jêh tâm trôm mbung gâp?”

Nau Kơp Bunuyh 23:26

Y-Balaam plơ̆ lah ma Y-Balak: “Mâu di hĕ nau gâp mbơh ma may pô aơ lĕ moh nau Brah Yêhôva hŏ lah, gâp mra ƀư nau nây?”

Nau Kơp Bunuyh 24:13

‘Nđâp tơlah Y-Balak ăn ma gâp ngih toyh geh bêng ma prăk jêh ri mah, gâp mâu dơi ƀư rlau ir ôh ma nau ntăm bơh Brah Yêhôva ngơi jêh, ŭch ƀư nau ueh mâu lah ƀư nau mhĭk tĭng gâp nơm ŭch?’ Gâp knŏng ngơi moh nau Brah Yêhôva ntĭnh jêh!

Kôranh Oh Mon 20:27

Yorlah gâp mbơh lĕ nau ŭch bơh Brah Ndu ma khân may, moh nau mâu prăp tay ôh.

I Kôrintô 11:23

Yorlah gâp geh dơn tă bơh Kôranh Brah nau gâp nti ma khân may: Nây jêng tâm măng bu jao Brah Yêsu ma bu, Păng sŏk piăng let,

II Kôrintô 2:17

Yorlah, hên mâu tăch rgâl ma nau ngơi Brah Ndu nâm bu âk bunuyh êng. Ƀiălah jêng bunuyh Brah Ndu njuăl hăn, hên mbơh nkoch ma nuih n'hâm răp jăp tâm Brah Krist, tanăp Brah Ndu.

Galati 1:10

Bi aƀaơ aơ, gâp ŭch sŏk nuih n'hâm kon bunuyh mâu lah Brah Ndu? Di lĕ gâp ŭch ƀư maak nuih n'hâm ma bunuyh? Tơlah gâp ăt srôih ƀư maak nuih n'hâm ma kon bunuyh, gâp mâu di jêng oh mon ma Brah Krist ôh.

I Têsalônik 2:4

Ƀiălah, Brah Ndu hŏ rlong uănh hên jêh ri jao ma hên Nau Mhe Mhan Ueh, pô ri hên mbơh nkoch, mâu di ôh ŭch ƀư maak ma kon bunuyh, ƀiălah ŭch ƀư maak ma Brah Ndu jêng Nơm sek uănh nuih n'hâm hên.