II Nau Rêh Jêng 17:9 - Nau Brah Ndu Ngơi 2023

⁹ Khân păng djôt leo ndrom samƀŭt nau vay Brah Yêhôva, hăn lam lĕ ƀon tâm n'gor Yuđa gay nti ma phung ƀon lan.

II Nau Rêh Jêng 17:9 ပူးပေါင်းရင်းမြစ်များ

II Nau Rêh Jêng 15:3

Hŏ jŏ năm jêh, phung Israel mâu chroh ngăn ôh ma Brah Ndu, mâu geh du huê kôranh ƀư brah ntĭm nti ma khân păng, ăt mâu geh lĕ nau vay.

II Nau Rêh Jêng 19:8

Y-Jôsaphat săch đŏng tâm phung Lêvi, kôranh ƀư brah jêh ri phung kôranh ndŭl mpôl Israel, dơm khân păng ta Yêrusalem, gay phat dôih yor ma Brah Yêhôva jêh ri dăp nkra lĕ nau dôih. Khân păng plơ̆ sĭt ta Yêrusalem da dê.

II Nau Rêh Jêng 35:3

Păng lah ma phung Lêvi dôl nti ma lĕ rngôch phung Israel jêh ri phung kloh ueh hŏ prăp êng jêh ma Brah Yêhôva: “Ăn hom Hip Nau Tâm Rnglăp Kloh ta ngih brah, Y-Salômôn kon bu klâu Y-Đavit, hađăch Israel, hŏ ndâk jêh. Khân may mâu hôm ŭch tung ôh Hip Nau Tâm Rnglăp klơ săng nglik khân may. Aƀaơ ri, pah kan hom ma Yêhôva Brah Ndu khân may jêh ri kơl kan ăn phung Israel jêng phung ƀon lan Păng.

Nêhêmi 8:7

Y-Jêsua, Y-Bani, Y-Sêrêbia, Y-Jamin, Y-Akup, Y-Sabêthai, Y-Hôdia, Y-Maseya, Y-Kêlita, Y-Asaria, Y-Jôsaƀat, Y-Hanan, Y-Pêlaya jêh ri phung Lêvi rblang ma phung ƀon lan gĭt rbăng nau vay, bi phung ƀon lan hôm e dâk ta ntŭk khân păng.

Êsai 8:20

Hăn tĭng hom nau vay jêh ri nau mbơh! Tơlah khân păng mâu ngơi tâm ban pônây, n'hêl nanê̆ mâu mra geh nau ƀhit rvi ang ma khân păng ôh.

Malachi 2:7

Yorlah bâr mbung phung kôranh ƀư brah djôt prăp nau gĭt rbăng, bu mra joi nau ntrŭnh tă bơh trôm mbung păng, yorlah păng jêng nơm ntuh bâr Brah Yêhôva ma phung tahan.

Mathay 10:23

Tơlah bu ƀư mhĭk ma khân may tâm ƀon nây, hăn du hom ta ƀon ri; yorlah nanê̆, Gâp lah ma khân may, khân may ê hŏ lam ôh lĕ ƀon Israel nôk nây Kon Bunuyh plơ̆ văch jêh.”

Mathay 11:1

Nôk Brah Yêsu hŏ ntĭm nti jât ma bar kôranh oh mon lôch jêh, Păng du tă bơh ntŭk nây gay ntĭm nti jêh ri mbơh nkoch tâm lĕ ƀon khân păng.

Yôhan 5:39

Khân may sek uănh joi Nau Brah Ndu Ngơi, yorlah mĭn tâm nây geh nau rêh n'ho ro. Nau Brah Ndu Ngơi nây yơh mbơh nkoch ma Gâp,

Yôhan 5:46

Tơlah khân may chroh ma Y-Môis, pôri chroh đŏng ma Gâp, yorlah Y-Môis nchih jêh ma Gâp.

Kôranh Oh Mon 13:15

Jêh ri bu rŏ ndrom samƀŭt nau vay jêh ri nau mbơh lor, phung kôranh mât uănh ngih rƀŭn njuăl bu lah ma khân păng: “Hơi phung oh nâu, tơlah khân may geh nau n'hao nuih n'hâm ma ƀon lan, ngơi hom.”

Kôranh Oh Mon 15:21

Yorlah ntơm bơh lĕ rngôch rô̆ kăl e, tâm ăp ƀon, geh phung bunuyh nti lah nau vay Y-Môis jêh ri rŏ nau vay nây ăp nar saƀat tâm lĕ ngih rƀŭn.”

Kôranh Oh Mon 28:23

Jêh tâm nal nar tâm mâp đah păng, khân păng hăn khâl păng ta ngih păng gŭ njưh âk ngăn bunuyh. Ntơm bơh ôi tât mhaơ, Y-Pôl ăt mbơh nkoch jêh ri rblang ƀon bri hađăch Brah Ndu ma khân păng, dŏng nau vay Y-Môis jêh ri lĕ nau mbơh lor srôih nsŭk nsôr khân păng tâm Brah Yêsu.

Kôranh Oh Mon 8:40

Bu saơ Y-Philip tâm ƀon Asôtus; ta trong hăn ta ƀon Sêsarê, păng mbơh nkoch Nau Mhe Mhan Ueh ma lĕ rngôch ƀon păng hŏ hăn.

Samƀŭt Pôl Njuăl Ăn Ma Phung Nsing Ta Ƀon Rôm 3:2

Nau khlay tâm lĕ rngôch ntil. Lor lơn, nau ngơi Brah Ndu ăn ma phung Yuđa

I Pêtrôs 4:11

Tơlah geh nơm mbơh nkoch, mbơh nkoch hom tâm ban mbơh nau ngơi bơh Brah Ndu; tơlah geh nơm pah kan, pah kan hom ma nau ktang Brah Ndu ăn, gay tâm lĕ rngôch ndơ geh nau tâm rnê bơh Brah Yêsu Krist. Dăn nau chrêk rmah jêh ri nau brah jêng ndơ Păng n'ho ro tâm lĕ rngôch rnôk. Amen.