II Nau Rêh Jêng 17:3 - Nau Brah Ndu Ngơi 2023

³ Brah Yêhôva gŭ ndrel ma Y-Jôsaphat, yorlah păng tĭng ndô̆ trong Y-Đavit hŏ hăn ntơm saơm, chô yau păng, hŏ hăn jêh, mâu joi brah Baal ôh,

II Nau Rêh Jêng 17:3 ပူးပေါင်းရင်းမြစ်များ

Nau Ntơm 39:21

Ƀiălah Brah Yêhôva kâp kơl ma Y-Yôsep. Păng mpơl nau ueh ma păng jêh ri ƀư ma păng geh nau yô̆ tanăp măt kôranh bu nă.

II Samuel 5:10

Y-Đavit lơ nar lơ janh ktang, yorlah Brah Yêhôva jêng Brah Ndu ma phung tahan gŭ ndrel ma păng.

II Samuel 8:15

Y-Đavit chiă uănh lĕ rngôch phung Israel, ƀư nau di jêh ri nau sŏng ma lĕ rngôch phung ƀon lan.

I Phung Hađăch 11:6

Pôri, Y-Salômôn ƀư nau mhĭk tanăp măt Brah Yêhôva, mâu lĕ nuih n'hâm tĭng Brah Yêhôva nâm bu Y-Đavit, mbơ̆ hađăch.

I Phung Hađăch 22:43

Hađăch hăn tĭng trong mbơ̆ păng jêng Y-Asa, mâu teng bơh trong nây ôh. Hađăch ƀư nau ueh tanăp măt Brah Yêhôva.

I Phung Hađăch 3:3

Y-Salômôn yơk rŏng ma Brah Yêhôva yor ri chuat hăn tĭng nâm lĕ nau vay Y-Đavit dăp, mbơ̆ păng. Ƀiălah păng ăt hôm e nhhơr mpa ƀư brah jêh ri su n'hôl ƀâu kah ta lĕ ntŭk prêh klơ.

II Phung Hađăch 14:3

Păng ƀư nau di tanăp măt Brah Yêhôva, ƀiălah mâu di nâm bu chô yau păng jêng Y-Đavit; păng ƀư tĭng lĕ nau bơh Y-Jôas, mbơ̆ păng hŏ ƀư jêh.

II Phung Hađăch 16:2

Tơlah ntơm chiă uănh Y-Ahas geh bar jât năm, jêh ri păng chiă uănh jât ma prao năm tâm ƀon Yêrusalem. Hađăch mâu ƀư nau di tanăp măt Yêhôva Brah Ndu păng nơm, nâm bu chô yau păng jêng Y-Đavit hŏ ƀư jêh.

II Phung Hađăch 18:3

Păng ƀư nau di tanăp măt Brah Yêhôva tâm ban Y-Đavit, chô yau păng, ƀư jêh.

II Phung Hađăch 22:2

Păng ƀư nau sŏng tanăp măt Brah Yêhôva, hăn tĭng tâm lĕ trong Y-Đavit, chô yau păng, jêh ri păng mâu teng mpeh pa ma mâu lah mpeh pa chiau ôh.

I Nau Rêh Jêng 22:18

“Mâu di hĕ Yêhôva Brah Ndu khân may gŭ ndrel ma khân may? Păng ăn jêh ma khân may nau đăp mpăn puăn mpeh. Yorlah Păng jao jêh phung gŭ ta n'gor tâm ti gâp, jêh ri n'gor aơ hŏ lăp jêh tanăp Brah Yêhôva jêh ri phung ƀon lan Păng.

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

II Nau Rêh Jêng 17:2

Păng dơm phung tahan tâm lĕ rngôch ƀon nâp tâm n'gor Yuđa, ƀư pôih tahan tâm n'gor Yuđa jêh ri tâm lĕ ƀon ta Êphraim jêng lĕ ƀon Y-Asa, mbơ̆ păng hŏ pit in jêh.

II Nau Rêh Jêng 17:4

ƀiălah joi Brah Ndu phung chô yau păng, djôt prăp lĕ nau vay Păng ntăm, jêh ri mâu ƀư ôh kơt phung Israel.

II Nau Rêh Jêng 20:32

Păng hăn tĭng trong mbơ̆ păng jêng Y-Asa, mâu teng bơh trong nây ôh jêh ri ƀư nau ueh tanăp măt Brah Yêhôva.

II Nau Rêh Jêng 21:12

Nơm mbơh lor Y-Êli njuăl samƀŭt ma Y-Jôram, lah pô aơ: “Yêhôva Brah Ndu Y-Đavit chô yau may, hŏ ntăm jêh: ‘Yorlah may mâu hăn tĭng ndô̆ trong Y-Jôsaphat, mbơ̆ may, mâu đŏng hăn tĭng trong Y-Asa, hađăch Yuđa,

II Nau Rêh Jêng 22:9

Y-Jêhu tĭng joi đŏng Y-Ahasia dôl gŭ krap ta Samari. Bu nhŭp Y-Ahasia njŭn leo ma Y-Jêhu, păng ntrŭnh nkhĭt lơi hađăch Ahasia. Bu tâp păng ăn ueh yorlah bu lah: “Păng jêng kon sau ma Y-Jôsaphat, jêng nơm tǐng joi Brah Yêhôva ma lĕ nuih n'hâm.” Pôri ngih Y-Ahasia mâu hôm geh du huê dơi chiă uănh ƀon bri hađăch ôh.

II Nau Rêh Jêng 27:6

Pôri, Y-Jôtham plơ̆ jêng janh ktang, yorlah păng tĭng ndô̆ trong di tanăp măt Yêhôva Brah Ndu.

II Nau Rêh Jêng 29:2

Păng ƀư nau di tanăp măt Brah Yêhôva tĭng nâm lĕ rngôch nau chô yau păng Y-Đavit, ƀư jêh.

II Nau Rêh Jêng 34:2

Păng ƀư nau sŏng tanăp măt Brah Yêhôva jêh ri hăn tĭng tâm lĕ trong Y-Đavit, chô yau păng, mâu teng mpeh pa ma mâu lah mpeh pa chiau ôh.

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 46:7

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Ngluh Êjipt 3:12

Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Nau Ngluh Êjipt 4:12

Pôri aƀaơ ri ăn hăn hom, Gâp mra gŭ ndrel ma trôm mbung may jêh ri nti may lĕ nau may mra ngơi.”

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 8:10

Tâm nchră hom ndrăng khân may, ƀiălah nau nây bu ƀư rai lơi; Mpơl hom nau dăp ƀư, ƀiălah nau nây mâu mra nâp ôh, Yorlah Brah Ndu gŭ ndrel he.

Yêrêmi 2:23

“Mâm may nănh ngơi: ‘Gâp mâu geh ƀơ̆ ƀơch, Gâp mâu geh tĭng brah Baal ôh’? Uănh hom trong may tâm ntŭk rlŭng; Ăn gĭt nanê̆ nau may hŏ ƀư, Nâm bu seh samô ngăch, nchuăt blă blơ.

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Mathay 18:20

Yor lah ta ntŭk geh bar pe nuyh khân may tâm rƀŭn, ma amoh săk Gâp, ta nây Gâp mra gŭ ta nklang khân păng.”

Mathay 25:16

Bunuyh hŏ dơn jêh prăm talâng hăn ro geh n'hao, jêh ri dơi ntop prăm talâng đŏng.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

II Timôthê 4:22

Dăn Kôranh Brah gŭ ndrel ma huêng may! Dăn nau yô̆ gŭ ndrel ma khân may!

Yôsuê 1:5

Du bông nau rêh may mâu mra geh ôh nơm dơi tâm rdâng đah may. Gâp mra gŭ ndrel ma may tâm ban Gâp hŏ gŭ ndrel jêh ma Y-Môis; Gâp mâu mra ƀah ngai đah may ôh, mâu chalơi may.

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”

Phung Kôranh Phat Dôih 2:11

Nôk nây, phung ƀon lan Israel ƀư nau mhĭk tanăp măt Brah Yêhôva, pah kan ma phung rup brah Baal,

Phung Kôranh Phat Dôih 2:18

Ăp tơ̆ Brah Yêhôva n'hao phung kôranh phat dôih ăn phung Israel, Păng gŭ ndrel phung kôranh phat dôih nây. Dôl rnôk phung kôranh phat dôih hôm rêh, Brah Yêhôva rklaih phung Israel luh bơh ti phung rlăng khân păng, yorlah Păng yô̆ nđach ma lĕ nau nter vơl khân păng tâm nôk bu nkrit, tŭn jot ma khân păng.

Phung Kôranh Phat Dôih 6:12

Tông mpăr Brah Yêhôva tâm mpơl ma Y-Gidêôn jêh ri lah: “Hơi nơm janh ktang! Brah Yêhôva gŭ ndrel ma may.”

Phung Kôranh Phat Dôih 8:33

Jêh Y-Gidêôn khĭt, phung ƀon lan Israel plơ̆ tay ƀư tih văng tĭr ma phung brah Baal jêh ri yơk mbah ma Baal-Bêrit jêng brah khân păng.

I Samuel 18:12

Y-Sôl klach ma Y-Đavit yorlah Brah Yêhôva gŭ ndrel ma Y-Đavit, ƀiălah hŏ chalơi jêh păng.

I Samuel 18:14

Y-Đavit geh nau dơi tâm lĕ kan păng ƀư yorlah Brah Yêhôva gŭ ndrel ma păng.

I Samuel 18:5

Tơlah Y-Đavit hăn tâm lơh, lĕ ntŭk Y-Sôl prơh păng hăn, păng dơi jêng da dê. Pôri Y-Sôl n'hao kan ma păng jêng kôranh chiă uănh toyh ma phung tahan. Păng dơi ƀư maak ma lĕ rngôch phung ƀon lan jêh ri phung oh mon Y-Sôl.