II Nau Rêh Jêng 17:2 - Nau Brah Ndu Ngơi 2023

² Păng dơm phung tahan tâm lĕ rngôch ƀon nâp tâm n'gor Yuđa, ƀư pôih tahan tâm n'gor Yuđa jêh ri tâm lĕ ƀon ta Êphraim jêng lĕ ƀon Y-Asa, mbơ̆ păng hŏ pit in jêh.

II Nau Rêh Jêng 17:2 ပူးပေါင်းရင်းမြစ်များ

II Nau Rêh Jêng 11:5

Y-Rôbôam gŭ ta Yêrusalem jêh ri păng ndâk âk ƀon nâp ktang tâm neh Yuđa.

II Nau Rêh Jêng 13:19

Y-Abija tĭng rgot Y-Jêrôbôam jêh ri pit in âk rplay ƀon: Bêthel jêh ri lĕ ƀon jê̆, Jêsana jêh ri lĕ ƀon jê̆, Ephrôn jêh ri lĕ ƀon jê̆ văr jŭm.

II Nau Rêh Jêng 15:8

Tơlah Y-Asa hŏ tăng jêh nau ngơi nây jêng nau ngơi mbơh lor bơh nơm mbơh lor Y-Ôdet, ri mơ hađăch ntop nau janh ktang. Păng mƀăr lơi rup brah ƀơ̆ ƀơch luh bơh lam n'gor Yuđa jêh ri Benjamin, jêh ri luh bơh lĕ ƀon păng lĕ pit in jêh ta klơ nkual yôk Êphraim. Păng nkra tay nơng ƀư brah Brah Yêhôva mpeh panăp ndring ngih Brah Yêhôva.

II Nau Rêh Jêng 17:19

Nĕ jêng phung bunuyh pah kan ma hađăch, mâu kơp phung bunuyh hađăch hŏ dơm jêh tâm lĕ ƀon nâp lam n'gor Yuđa.

II Nau Rêh Jêng 17:3

Brah Yêhôva gŭ ndrel ma Y-Jôsaphat, yorlah păng tĭng ndô̆ trong Y-Đavit hŏ hăn ntơm saơm, chô yau păng, hŏ hăn jêh, mâu joi brah Baal ôh,