II Nau Rêh Jêng 17:14 - Nau Brah Ndu Ngơi 2023

¹⁴ Amoh săk phung bunuyh nây tĭng nâm ndŭl mpôl khân păng kơt aơ: Tâm ndŭl mpôl Yuđa, geh phung kôranh chiă uănh ma du rbăn nuyh tahan jêng Y-Atna, kôranh chiă uănh ma pe rsen nuyh tahan janh ktang;

II Nau Rêh Jêng 17:14 ပူးပေါင်းရင်းမြစ်များ

Nau Ntơm 12:2

Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

Nau Ntơm 13:16

Gâp mra ƀư ma noi deh may jêng âk tâm ban ndruyh klơ neh; tơlah mbu nơm dơi kơp ndruyh klơ neh ri mơ dơi kơp đŏng noi deh may.

Nau Ntơm 15:5

Păng leo Y-Abram luh padih jêh ri lah: “N'gơr hom măt uănh klơ trôk jêh ri tơlah may dơi kơp lĕ mănh, kơp hom.” Jêh nây Păng lah tay ma Y-Abram: “Noi deh may mra tâm ban kơt nây đŏng.”

II Nau Rêh Jêng 11:1

Tơlah Y-Rôbôam plơ̆ sĭt ma ƀon Yêrusalem, păng tâm rgum ngih Yuđa jêh ri Benjamin, geh du rsen pham rmưn bunuyh tahan dăng ktang, gay tâm lơh đah phung Israel, gay ndâk đŏng ƀon bri hađăch ma păng.

II Nau Rêh Jêng 13:3

Y-Abija dâk hăn tâm lơh ndrel puăn rsen bunuyh tahan ngăch prăl, jêng phung tahan janh ktang; bi Y-Jêrôbôam djôt leo pham rsen bunuyh tahan ngăch prăl, ăt jêng phung tahan janh ktang, hăn tâm lơh.

II Nau Rêh Jêng 14:8

Y-Asa geh du phung tahan pe rsen nuyh phung Yuđa, hŏ ndrăp rǐng khêl jêh ri tak, bar rsen pham rmưn phung Benjamin, hŏ ndrăp khêl jêh ri na; lĕ rngôch jêng phung tahan janh ktang.

II Nau Rêh Jêng 17:13

Păng geh âk ndô ndơ prăp nkrem tâm ƀon n'gor Yuđa. Tâm ƀon Yêrusalem, păng geh phung tahan janh ktang.

II Nau Rêh Jêng 17:15

jêh nĕ geh Y-Jêhôhanan jêng kôranh chiă uănh ma bar rsen pham rmưn nuyh janh ktang;

II Nau Rêh Jêng 26:13

Khân păng chiă uănh du phung tahan geh pe rsen pơh rbăn prăm rhiăng nuyh, lĕ rngôch jêng phung blau tâm lơh jêh ri janh ktang, kơl hađăch tâm rdâng đah phung rlăng.

Nau Kơp Bunuyh 1:18

jêh ri kuăl rgum phung tâm rƀŭn tât ta nar năng nguay khay bar. Khân păng nchih amoh băl mpôl ăp bunuyh tĭng ăp ndŭl mpôl jêh ri rnăk vâl ntơm bơh bar jât năm leo klơ.

Nau Kơp Bunuyh 1:2

“Kơp hom rnoh bunuyh tâm phung Israel tâm rƀŭn tĭng ăp noi deh jêh ri ndŭl mpôl khân păng, nchih amoh lĕ rngôch nơm bu klâu