II Nau Rêh Jêng 17:10 - Nau Brah Ndu Ngơi 2023

¹⁰ Brah Yêhôva ƀư ăn ma lĕ bri dak văr jŭm n'gor Yuđa geh nau klach, khân păng mâu janh tâm lơh ôh đah Y-Jôsaphat.

II Nau Rêh Jêng 17:10 ပူးပေါင်းရင်းမြစ်များ

Nau Ntơm 35:5

Rnăk vâl Y-Yakôb hăn trong. Brah Ndu ăn nau klach ta lĕ rngôch ƀon jŭm nây, pôri mâu geh ôh du huê nuyh tâm phung nây nănh tĭng phung kon Y-Yakôb.

II Nau Rêh Jêng 14:13

Y-Asa jêh ri phung tahan păng tĭng rgot khân păng tât ta Gêrar. Phung tahan Kus cha lôt khĭt âk jêh ri pih kloh mâu hôm geh du huê bunuyh rêh; khân păng roh rai jêh tanăp măt Brah Yêhôva jêh ri phung tahan Păng. Phung Yuđa dơi sŏk pit âk ngăn ndô ndơ.

II Nau Rêh Jêng 14:14

Khân păng hăn lơh đŏng lĕ ƀon văr jŭm Gêrar, yorlah Brah Yêhôva ƀư nau krit toyh ma lĕ ƀon nây. Phung tahan Y-Asa sŏk pit âk ngăn drăp ndơ tâm lĕ ƀon nây.

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

II Nau Rêh Jêng 20:29

Lah lĕ rngôch ƀon bri hađăch ta klơ neh tăng lư ma Brah Yêhôva hŏ tâm lơh đah phung rlăng Israel, ri mơ dŭt klach krit ma Brah Ndu.

Nau Ngluh Êjipt 34:24

Yorlah Gâp mra nsot phung băl mpôl bơh panăp may jêh ri ƀư dĭ n'har bri may; mâu lĕ bu mra kơnh ma n'gor may dôl may hăn nhhơ tanăp Yêhôva Brah Ndu may ăp năm pe tơ̆.

Nau Hôr 16:7

Lah Brah Yêhôva di nuih n'hâm đah nau rêh ueh ma mbu nơm, Pôri Păng ƀư ăn nơm rlăng gŭ đăp rmên ndrel ma bunuyh nây.

Mika 7:17

Khân păng mra ler neh muy nâm bu bêh, Jêh ri râm sâr luh tă bơh trôm ntu păng Nâm bu mpa vơr ta klơ neh. Khân păng mra klach krit văch ma Yêhôva Brah Ndu he Jêh ri klach ngăn panăp măt Păng.