II Nau Rêh Jêng 16:9 - Nau Brah Ndu Ngơi 2023

⁹ Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

II Nau Rêh Jêng 16:9 ပူးပေါင်းရင်းမြစ်များ

Nau Ntơm 31:28

Mâm may mâu ăn gâp chŭm ntĭnh phung kon sau gâp? May ƀư pônây ma nau rluk!

II Samuel 24:10

Tơlah jêh nau kơp phung ƀon lan nuih n'hâm Y-Đavit nâm bu sôch bu sôr. Y-Đavit ngơi ma Brah Yêhôva: “Gâp hŏ ƀư tih toyh ngăn jêh tâm nau gâp hŏ ƀư jêh. Ƀiălah aƀaơ, hơi Brah Yêhôva! Dăn jut lơi nau kue bơh oh mon May hŏ ƀư tih, yorlah gâp ƀư jêh ma nau rluk ngăn.”

I Phung Hađăch 15:32

Ta nklang Y-Asa jêh ri Y-Baêsa, hađăch Israel, geh ƀaƀơ nau tâm lơh ndrăng khân păng tâm lĕ rnôk khân păng chiă uănh.

II Phung Hađăch 20:3

“Ơ Brah Yêhôva, dăn kah gĭt hom pô aơ gâp hôm chuat hăn tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

I Nau Rêh Jêng 21:8

Y-Đavit lah ma Brah Ndu: “Gâp hŏ ƀư tih toyh ngăn, dôl gâp ƀư nau nây. Ƀiălah aƀaơ ri, dăn ma Kôranh Brah lơi klăp ndăng lĕ nau kue bơh oh mon May; yorlah gâp ƀư jêh ma nau rluk ngăn.”

II Nau Rêh Jêng 15:17

Nđâp tơlah ê hŏ mƀăr lơi ôh ntŭk prêh bơh n'gor Israel, ƀiălah Y-Asa ăt lĕ nuih n'hâm ma Kôranh Brah tâm du bông nau rêh păng.

II Nau Rêh Jêng 15:19

Nôk nây, mâu hôm geh nau tâm lơh ôh tât năm rơh pe jât ma prăm rnôk Y-Asa chiă uănh.

II Nau Rêh Jêng 16:10

Y-Asa ji nuih ma nơm geh nau tâm saơ jêh ri nhŭp krŭng păng yor ma nau nây, hađăch ji nuih ngăn ma păng. Dôl nôk nây, Y-Asa tŭn jot đŏng bunuyh êng ƀaƀă tâm phung ƀon lan.

II Nau Rêh Jêng 19:9

Păng ntăm ma khân păng: “Aơ jêng nau khân may mra ƀư: Ăn khân may klach yơk ma Brah Yêhôva, ma nau răp jăp jêh ri ma lĕ nuih n'hâm khân may.

II Nau Rêh Jêng 6:20

Dăn măt May uănh ma ngih aơ măng nâm nar, jêng ntŭk May hŏ ton jêh mra dơm amoh May ta nây, jêh ri dăn May rkêng tôr iăt nau oh mon May rle mpeh ntŭk nây gay kuăl mbơh sơm.

Êsra 5:5

Ƀiălah Brah Ndu n'gang phung bu ranh phung Yuđa, yor ri khân păng mâu buay ôh nau rdâk kŏ tât nôk plơ̆ mbơh nau nây ma hađăch Darius, jêh ri hađăch ăn samƀŭt nau ntrŭnh ma nau kan nây.

Ndrom Samƀŭt bơh Yôp 28:24

Yorlah Păng uănh saơ tât ta bôl dŭt neh ntu, Jêh ri treng uănh lĕ rngôch ndơ tâm dâng trôk.

Ndrom Samƀŭt bơh Yôp 31:4

Mâu di bơh Păng vay saơ trong gâp hăn, Jêh ri kơp ăp nhuat jâng gâp ƀơh?

Ndrom Samƀŭt bơh Yôp 34:21

Yorlah măt Păng kâp uănh trong kon bunuyh, Păng saơ ăp nhuat khân păng chuat.

Nau Mprơ Ơm 113:6

Păng kŭnh Gay mêt uănh trôk jêh ri neh ntu.

Nau Mprơ Ơm 33:14

Tă bơh sưng hađăch Kôranh Brah gŭ, Păng gŭ uănh, Păng sek uănh lĕ rngôch bunuyh gŭ ta neh ntu.

Nau Mprơ Ơm 33:15

Păng yơh njêng nuih n'hâm ăp nơm khân păng, Jêh ri sek uănh lĕ rngôch kan khân păng.

Nau Mprơ Ơm 33:18

Ri măt Brah Yêhôva uănh ma phung klach yơk ma Păng, Jêh ri phung kâp gân tâm nau ueh Păng

Nau Mprơ Ơm 34:15

Măt Brah Yêhôva treng uănh ma phung sŏng srăng, Tôr Păng iăt bâr khân păng nter kuăl.

Nau Mprơ Ơm 37:37

Sek uănh hom ma bunuyh rah vah jêh ri uănh ma bunuyh sŏng, Yorlah nglĕ dŭt bunuyh đăp mpăn mra geh nau ueh maak.

Nau Hôr 15:3

Măt Brah Yêhôva uănh tâm lam ntŭk, Sek uănh phung djơh mhĭk jêh ri phung ueh.

Nau Hôr 5:21

Yorlah lĕ trong kon bunuyh hăn gŭ panăp măt Brah Yêhôva, Păng rli lâng lĕ rngôch trong hăn khân păng.

Êsai 31:1

Rêh ni ngăn ma phung hăn jŭr ta bri Êjipt ŭch geh nau kơl, Rnơm ma seh ndơ tâm lơh, Rnơm ma ndeh seh âk, Jêh ri rnơm ma phung tahan ncho seh dăng ktang, Ƀiălah mâu uănh ôh ma Nơm Kloh Ueh Israel, Jêh ri mâu joi dăn Brah Yêhôva!

Yêrêmi 16:17

Yorlah măt Gâp kâp uănh tâm lĕ trong khân păng. Khân păng mâu dơi du ôh bơh măt Gâp, jêh ri nau tih khân păng mâu đŏng dơi king măt Gâp.

Yêrêmi 32:19

Nau Păng mĭn dăp ƀư toyh ngăn ngên, kan Păng bêng ma nau brah. Măt Păng sol uănh ma lĕ rngôch trong kon bunuyh gay ăn nau nkhôm ma ăp nơm bunuyh tĭng nâm trong jêh ri tĭng nâm play ueh tă bơh kan khân păng ƀư.

Yêrêmi 5:1

“Hăn hom lam lĕ rŏ trong ƀon Yêrusalem, Ntreng uănh jêh ri nchih dơn! Tĭng joi hom lĕ ntŭk nhuang ƀon, Tơlah may dơi joi du huê bunuyh Ƀư nau sŏng srăng, joi ma nau nanê̆ ngăn, Pôri Gâp mra yô̆ an ma lĕ ƀon.

Yêrêmi 5:21

Ăn iăt hom, hơi phung ƀon lan rluk mâl, Geh măt mâu gĭt saơ, Geh tôr mâu gĭt tăng.”

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Sakari 4:10

Yorlah mbu moh mưch rmot ma lĕ nau kan jê̆ lê̆ tâm nar ntơm mra gŭ maak lah saơ rse ndơ veh di rnhuan tâm ti Y-Sôrôƀaƀel. Pơh mlâm ŭnh kađen jêng găr măt Brah Yêhôva uănh lam bri neh.

Mathay 5:22

Ƀiălah Gâp lah ma khân ay may: Mbu nơm ji nuih ma oh nâu păng mra dơn nau bu phat dôih; mbu nơm suai rak ma oh nâu păng jêng ‘nau rluk’ khư dơn Mpôl Kôranh Phat Dôih sek uănh; mbu nơm suai rak ma oh nâu păng jêng brŭt ndrăng khư dơn nau rmal tâm ndrung ŭnh.

Luka 12:20

Ƀiălah Brah Ndu lah ma păng: ‘Hơi bunuyh rluk! Tâm măng aơ mra sŏk huêng may; kơt nây, drăp ndơ may prăp nkrem jêh mra jêng ndơ ma mbu moh?’

I Kôrintô 15:36

Hơi bunuyh rluk! Moh ndơ may tuch, tơlah lor lơn mâu khĭt, păng mâu mra dơi dâk rêh tay ôh.

Galati 3:1

Hơi phung Galati rluk mâl! Mbu moh nkơnh khân may jêng phung bunuyh, rup Brah Yêsu Krist bu pâng kđĭn ta klơ si tâm rkăng dơi tâm mpơl tanăp măt?

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

I Pêtrôs 3:12

Yorlah măt Kôranh Brah treng uănh ma phung sŏng srăng, Jêh ri tôr Păng kâp iăt nau khân păng mbơh sơm. Ƀiălah muh măt Kôranh Brah tâm rdâng đah phung ƀư mhĭk.”

I Samuel 13:13

Y-Samuel lah ma Y-Sôl: “May ƀư nau brŭt moih jêh, mâu djôt prăp ôh lĕ nau vay ntăm bơh Yêhôva Brah Ndu may hŏ ntăm ma may. Nanê̆, Brah Yêhôva hŏ njêng ƀon bri hađăch may nâp n'ho ro ma phung Israel;