II Nau Rêh Jêng 16:2 - Nau Brah Ndu Ngơi 2023

² Dôl nây, Y-Asa sŏk prăk jêh ri mah tă tâm jay ngih Brah Yêhôva jêh ri tâm jay ngih hađăch njuăl tât ma Y-Ben-Hadat, hađăch Aram gŭ ta ƀon Damas, jêh ri lah pô aơ:

II Nau Rêh Jêng 16:2 ပူးပေါင်းရင်းမြစ်များ

I Phung Hađăch 15:18

Nôk nây, Y-Asa sŏk lĕ rngôch prăk jêh ri mah hôm e tâm jay ngih Brah Yêhôva jêh ri tâm jay ngih hađăch, jao lĕ rngôch ăn ma phung oh mon păng, jêh nây prơh khân păng hăn mâp đah Y-Ben-Hadat, kon bu klâu Y-Tarimmôn, sau Y-Hêsiôn, hađăch Aram gŭ ta ƀon Damas, lah pô aơ:

II Phung Hađăch 12:18

Y-Jôas, hađăch Yuđa, sŏk lĕ rngôch ndơ kloh ueh phung hađăch Yuđa jêng Y-Jôsaphat, Y-Jôram jêh ri Y-Ahasia hŏ prăp êng ma nau kloh ueh, ndrel ma lĕ rngôch ndơ kloh ueh jêng ndơ hađăch nơm hŏ nhhơr jêh, jêh ri lĕ rngôch mah tâm jay ngih Brah Yêhôva jêh ri tâm ngih hađăch gay djôt leo chê̆ lĕ ndơ nây ma Y-Hasael, hađăch Aram. Yor ri, Y-Hasael du ngai bơh Yêrusalem.

II Phung Hađăch 16:8

Y-Ahas sŏk mah jêh ri prăk tâm ngih Brah Yêhôva jêh ri tâm lĕ jay prăp drăp khlay ngih hađăch njuăl jêng ndơ nhhơr ma hađăch Asiri.

II Phung Hađăch 18:15

Y-Hêsêkia ăn ma păng lĕ rngôch rnoh prăk geh tâm ngih Brah Yêhôva, jêh ri tâm jay prăp drăp khlay tâm ngih hađăch.

II Nau Rêh Jêng 16:1

Tâm năm rơh pe jât prao rnôk Y-Asa chiă uănh, hađăch Israel jêng Y-Baêsa hăn hao tâm lơh đah phung Yuđa jêh ri ndâk pôih ta Rama gay king mâu ăn bu dơi luh lăp tâm n'gor Y-Asa, hađăch Yuđa.

II Nau Rêh Jêng 16:3

“He ƀư hom du nau tâm rnglăp ndrăng he nâm bu mbơ̆ gâp jêh ri mbơ̆ may hŏ ƀư jêh. Aơ, gâp njuăl tât ma may prăk jêh ri mah, dăn may chalơi hom nau may tâm rnglăp đah Y-Baêsa, hađăch Israel, gay ma păng du bơh gâp.”

II Nau Rêh Jêng 28:21

Y-Ahas sŏk lĕ ndơ dŏng bơh ngih Brah Yêhôva, tâm ngih hađăch, jêh ri tâm ngih phung kôranh jao ndơ nây ma hađăch Asiri ƀiălah păng ăt mâu kơl đŏng.

Yêrêmi 49:23

Ma bri Damas: “Ƀon Hamat jêh ri ƀon Arpat geh nau prêng da dê, Yorlah khân păng tăng jêh nau mhĭk; Khân păng djoh nuih n'hâm, khân rung răng nâm bu rbuh dak lêng, Mâu ŭch gŭ rngân ôh.