II Nau Rêh Jêng 16:14 - Nau Brah Ndu Ngơi 2023

¹⁴ Bu tâp păng tâm môch ntŭk păng nơm kuyh jêh ma păng nơm tâm ƀon Đavit. Bu dơm săk jăn khĭt păng ta klơ sưng bêng dak si ƀâu kah hŏ tâm pot tĭng di nau bu n'hĭ ƀư ndơ ƀâu kah; khân păng ăt su ŭnh toyh gay nhĭm nhhiăng ma păng.

II Nau Rêh Jêng 16:14 ပူးပေါင်းရင်းမြစ်များ

Nau Ntơm 50:2

Y-Yôsep đă phung kôranh dak si dôl pah kan păng, dŏng dak si ƀâu kah hŏ nkra jêh săk jăn mbơ̆ păng, jêh ri phung kôranh dak si nkra săk jăn Y-Israel.

Nau Ntơm 50:5

Mbơ̆ gâp hŏ đă gâp ton pô aơ: ‘Aơ, gâp dăch khĭt. Ăn may tâp gâp tâm môch gâp ơm lôk jêh tâm n'gor Kanaan.’ Pôri, aƀaơ, ăn gâp hăn hao ta nây gay tâp mbơ̆ gâp, jêh nây gâp mra plơ̆ tay.”

II Samuel 2:32

Khân păng tung Y-Asahel jêh ri tâp păng tâm môch mbơ̆ păng ta Ƀêtlêhem. Jêh nây Y-Jôap jêh ri phung tahan păng hăn lĕ măng, tât ta Hêbron dôl dăch luh nar.

II Nau Rêh Jêng 16:13

Y-Asa khĭt hăn gŭ ndrel ma phung chô yau păng. Păng chiă uănh tâm puăn jât ma nguay năm jêh ri khǐt.

II Nau Rêh Jêng 21:19

Âk nar khay lăn jêh, nau ji păng jŏ jong tâm bar năm. Nglĕ dŭt, proch khŭng Y-Jôram tăch grăl luh du padih, jêh ri păng khĭt ma nau nđêh nji ngăn. Phung ƀon lan păng mâu geh mpoh ŭnh toyh gay klâng rngot ma păng ôh, nâm bu hŏ ƀư jêh ma phung chô yau păng.

II Nau Rêh Jêng 32:33

Y-Hêsêkia khĭt hăn gŭ ndrel ma phung chô yau păng, jêh ri bu tâp păng tâm môch klơ dor yôk ma kon sau Y-Đavit. Lĕ rngôch phung Yuđa jêh ri phung gŭ tâm ƀon Yêrusalem tâm mpơl nau yơk ma păng da dê tâm nar păng khĭt. Y-Manasê, kon bu klâu păng, chiă uănh thoi ntrok păng.

II Nau Rêh Jêng 35:24

Phung oh mon păng chông păng bơh ndeh seh păng jêh ri rdeng păng tâm ndeh seh êng, jêh ri njŭn păng leo sĭt ma ƀon Yêrusalem. Păng khĭt, bu tâp păng tâm môch ndrel phung che păng. Lĕ rngôch phung Yuđa phung gŭ tâm ƀon Yêrusalem nhĭm klâng ma Y-Jôsia.

Nơm Nti 10:1

Rhuay khĭt ƀư ôm dak ƀâu kah ma nơm njêng dak ƀâu kah, Du djê̆ nau nkhơng brŭt rluk ƀư roh lĕ nau blau mĭn jêh ri lư n'găr.

Êsai 22:16

‘Moh nau kan may dôl ƀư ta aơ? May geh ndŭl mpôl deh đŏng ta aơ kŏ may kuyh jêh ma may nơm du trôm môch ta aơ? Ngăn, may kuyh ma may nơm du trôm môch ta ntŭk prêh, lôk du ntŭk gŭ rlu ma may nơm tâm trôm lŭ!

Yêrêmi 34:5

ƀiălah mra khĭt tâm nau đăp mpăn. Bu mra su ndơ ƀâu ăn ma may nâm bu hŏ su ăn ma phung chô yau may, jêng phung hađăch lor ma may jêh ri bu nhĭm vơl klâng may: “Vư, hơi kôranh ơi!” Gâp nơm yơh ngơi nau aơ, Brah Yêhôva lah pônây.’”

Markôs 16:1

Nar saƀat lĕ rlau jêh, H'Mari Mađala, H'Mari mê̆ Y-Yakơ, jêh ri H'Salômê rvăt dak si ƀâu kah gay hăn mhĭng săk jăn Brah Yêsu.

I Samuel 31:12

lĕ rngôch phung tahan janh ktang dâk hăn trong jêh ri hăn du măng kŏ ang. Khân păng sŏk săk jăn Y-Sôl jêh ri phung kon bu klâu păng tă bơh mpêr ƀon Bet-San, jêh nây djôt leo sĭt ta Jabes jêh ri su săk jăn khân păng ta nây.