II Nau Rêh Jêng 15:7 - Nau Brah Ndu Ngơi 2023

⁷ Ƀiălah khân may gŭ janh hom, ti khân may lơi mƀơk, yorlah kan khân may ƀư mra geh nau nkhôm.”

II Nau Rêh Jêng 15:7 ပူးပေါင်းရင်းမြစ်များ

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

I Nau Rêh Jêng 28:20

Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

II Nau Rêh Jêng 19:11

Aơ, kôranh ƀư brah toyh Y-Amaria mra mât uănh lĕ nau kan prăp ma Brah Yêhôva; bi Y-Sêbadia, kon Y-Ismaêl, kôranh chiă uănh ndŭl mpôl phung Yuđa, mra mât uănh lĕ kan prăp ma hađăch. Geh đŏng phung kôranh phung Lêvi mra pah kan kơl khân may. Nâp nuih n'hâm hom jêh ri pah kan hom! Brah Yêhôva gŭ ndrel ma phung sŏng.”

II Nau Rêh Jêng 32:7

“Ƀư ktang hom jêh ri nâp nuih n'hâm! Lơi ta klach, lơi ta krit kir tanăp măt hađăch Asiri jêh ri mpôl phung tahan âk râk tĭng păng, yorlah Nơm gŭ ndrel he dơi lơn đah nơm gŭ ndrel păng;

Nau Mprơ Ơm 19:11

Lĕ nau nây ntĭm nti ma oh mon Kôranh Brah; Mbu nơm djôt prăp păng mra geh nau nkhôm toyh.

Nau Mprơ Ơm 27:14

Kâp gân hom ma Brah Yêhôva; Ktang hom jêh ri nâp! Di yơh, kâp gân hom Brah Yêhôva!

Nau Mprơ Ơm 58:11

Bu mra lah pô aơ: “Nanê̆ geh nau nkhôm ma nơm sŏng srăng, Nanê̆ ngăn, Brah Ndu dôl phat dôih tâm neh ntu.”

Yêrêmi 31:16

Brah Yêhôva lah: “Rlu hom bâr nhĭm vơl Jut sơh dak măt, Yorlah kan ay mra geh nau nkhôm; Khân păng mra plơ̆ sĭt tă bri phung rlăng,” Brah Yêhôva lah pônây.

Daniel 10:19

Păng lah ma gâp: “Ơ nơm bu rŏng ngăn, lơi klach ôh. Gŭ đăp mpăn hom jêh ri nâp nuih n'hâm! Nâp hom nuih n'hâm!” Tơlah păng dôl ngơi ma gâp, geh ntop n'hâm suan gâp jêh ri lah: “Ơ kôranh, ăn may ngơi hom, yorlah may jêng n'hâm suan ma gâp.”

Sakari 8:9

Brah Yêhôva ma phung tahan lah: “Tâm nar aơ, khân may jêng phung gŭ iăt lĕ nau ngơi tă bơh bâr mbung phung nơm mbơh lor, tâm nar jây Brah Yêhôva ma phung tahan, nâm bu ntĭt ngih brah, gay ƀư mbon ndâk njêng, pôri ăn khân may ƀư hom ma ti khân may nơm dơi dăng!

Mathay 5:12

Maak răm hom, yorlah nau nkhôm ma khân may ta klơ trôk jêng toyh ngăn; yorlah nơm mbơh lor kăl e khân may bu hŏ ƀư mhĭk kơt nây.”

Mathay 5:46

Tơlah khân may rŏng knŏng phung rŏng ma khân may, moh nau nkhôm khân may geh? Mâu di hĕ phung riu pi gŭ ngao nau nâm bu pônây?

Mathay 6:1

“Njrăng hom, lơi ntưih ôh nau ăn ndơ yô̆ tra năp lĕ rngôch bunuyh. Tơlah khân may ƀư pôri, khân may mâu geh ôh nau nkhôm tă bơh Mbơ̆ khân may gŭ ta klơ trôk.

Mathay 6:18

gay ma bunuyh mâu gĭt ôh may dôl ât sông sa, ƀiălah knŏng Mbơ̆ may, jêng Nơm gŭ tâm ntŭk ndâp dơm gĭt, jêh ri Mbơ̆ may, Nơm saơ tâm ntŭk ndâp mra ăn nau nkhôm ma may.”

Mathay 6:4

gay nau ăn ndơ yô̆ jêng ndâp; jêh ri Mbơ̆ may, Nơm saơ tâm ntŭk ndâp, mra ăn nau nkhôm ma may.

Mathay 6:6

Ƀiălah tơlah may mbơh sơm, lăp hom tâm jrô may, nchăng hom mpông, jêh nây mbơh sơm ma Mbơ̆ may, Nơm gŭ tâm ntŭk ndâp; jêh ri Mbơ̆ may, Nơm saơ tâm ntŭk ndâp, mra ăn nau nkhôm ma may.

Luka 6:35

Ƀiălah ăn khân may rŏng phung rlăng khân păng nơm, ƀư hom nau ueh, jêh ri ăn chan hom ƀiălah lơi kâp mplơ̆ tay. Kơt nây, nau nkhôm khân may mra jêng toyh, jêh ri khân may mra jêng kon Nơm Dŭt Prêh, yorlah Păng sŏk nuih n'hâm ueh ma phung mâu gĭt nau yô̆ jêh ri ma phung janh ƀai.

I Kôrintô 15:58

Pôri, hơi phung oh nâu gâp rŏng ngăn ngên, gŭ nâp hom, lơi mpât n'gơ, ƀư hom âk rmeh nau kan ma Kôranh Brah, dôl khân may gĭt kan khân may pah mâu mra jêng dơm dam ôh tâm Kôranh Brah.

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

I Kôrintô 3:14

Tơlah mbu nơm kan ndâk ta klơ mbon nây ăt hôm, păng mra sŏk dơn nau nkhôm.

I Kôrintô 3:8

Nơm tăm jêh ri nơm djrah dak tâm ban da dê; ăp nơm mra sŏk dơn prăk nkhôm tĭng nâm kan păng nơm pah.

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

Kôlôh 3:24

yor lah khân may gĭt mra dơn drăp ndơn bơh Kôranh Brah jêng nau nkhôm. Khân may dôl pah kan ma Brah Krist jêng Kôranh Brah.

ហេឞ្រើ 10:35

Pôri, Lơi chalơi ôh nau chroh nanê̆ khân may nơm, yorlah păng mra djôt tay nau nkhôm toyh.

ហេឞ្រើ 6:10

Yorlah Brah Ndu mâu di jêng kue ôh, gay ƀư chuêl nau kan jêh ri nau rŏng khân may tâm mpơl jêh yor ma amoh Păng, nôk pah kan ma phung kloh ueh, jêh ri ăt hôm pah kan đŏng.

Yôsuê 1:6

Ăn may janh ktang jêh ri nănh yorlah may mra njŭn leo phung ƀon lan aơ hăn sŏk dơn bri neh Gâp hŏ ton jêh ăn ma chô yau khân păng.

Yôsuê 1:7

Ăn may janh ktang, nănh nanê̆ jêh ri blau njrăng ƀư tĭng lĕ rngôch nau vay Y-Môis, oh mon Gâp, ntĭnh jêh ma may; lơi teng pa ma mâu lah pa chiau ôh, gay moh ntŭk may hăn mra dơi geh jêng.

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”

Yôsuê 14:14

Yor ri, Hêbron dơi jêng drăp ndơn Y-Kalep, kon bu klâu Y-Jêphunê, phung Kênit, kŏ tât ta nar aơ, yorlah păng răp jăp tông tĭng Yêhôva Brah Ndu Israel.

II Yôhan 1:8

Njrăng hom, gay ma khân may mâu roh lĕ rngôch ndơ bơh kan khân may ƀư, ƀiălah dơn rĭng nau nkhôm.

Bu ur Rut 2:12

Dăn Brah Yêhôva nsĭt lah nau ay hŏ ƀư jêh. Dăn ma Păng ăn nau nkhôm ma ay rmeh ler yorlah ay hŏ văch jêh gay nde tâm dâng năr Yêhôva Brah Ndu phung Israel.”