II Nau Rêh Jêng 15:6 - Nau Brah Ndu Ngơi 2023

⁶ Bri dak aơ tŭn jot bri dak ri, ƀon aơ tŭn jot ƀon êng, yorlah Brah Ndu ƀư rŭng răng khân păng tâm ăp ntil nau rêh ni.

II Nau Rêh Jêng 15:6 ပူးပေါင်းရင်းမြစ်များ

II Nau Rêh Jêng 12:15

Lĕ rngôch kan Y-Rôbôam hŏ ƀư bơh ntơm tât lôch, hŏ nchih da dê jêh tâm ndrom samƀŭt nơm mbơh lor Y-Sêmaya jêh ri nơm geh nau tâm saơ Y-Idô, tĭng nau nchih noi deh. Y-Rôbôam đah Y-Jêrôbôam geh nau tâm lơh ƀaƀơ.

II Nau Rêh Jêng 13:17

Y-Abija jêh ri phung tahan păng lơh rai jêh ri ƀư ma phung tahan Israel khĭt âk ngăn bunuyh; geh prăm rsen bunuyh tahan janh ktang tâm phung Israel khĭt.

II Nau Rêh Jêng 33:11

Yor nây, Brah Yêhôva ntrŭt phung kôranh tahan hađăch Asiri tât lơh khân păng, nhŭp chăp Y-Manasê ma rse rvăk kông jêh ri sŏk nklĕ loih nkuăk ta trôm muh têk leo păng ma ƀon Babilôn.

II Nau Rêh Jêng 36:17

Yor nây, Brah Yêhôva đă hađăch phung Kaldê lơh khân păng, sŏk đao nkhĭt phung ndăm ta ngih brah kloh ueh khân păng, jêh ri mâu yô̆ ôh, ma phung ndăm mâu lah bu druh, bu ranh mâu lah phung rdja. Brah Yêhôva jao lĕ khân păng tâm ti hađăch phung Kaldê.

Nau Mprơ Ơm 106:41

Păng jao khân păng tâm ti phung bu năch, Jêh ri phung tâm rmot ma khân păng chiă uănh khân păng.

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 19:2

Gâp mra ƀư ăn ma phung Êjipt tâm rdâng đah phung Êjipt nơm; Bu mra ŭch tâm lơh đah oh nâu khân păng, Phung chiau meng tâm rdâng ndrăng phung chiau meng, Ƀon aơ tâm rdâng đah ƀon ri, Ƀon bri hađăch aơ tâm rdâng đah ƀon bri hađăch ri.

Yêrêmi 25:32

Brah Yêhôva ma phung tahan lah: ‘Aơ, nau mhĭk mra lam ntŭk Bơh bri dak aơ rlet ma bri dak êng, Du rơh sial phŭt hâu ngăn văch tât Tă bơh ntŭk ngai ngăn ta neh ntu.’

Amôt 3:6

Lah bu uh nŭng tâm ƀon toyh Pôri phung ƀon lan mâu hĕ klach? Geh lĕ nau mhĭk tât ma du rplay ƀon Tơlah Brah Yêhôva mâu ƀư nau nây?

Ndrom Samƀŭt bơh Agê 2:22

Gâp mra nklơ̆ lơi sưng hađăch phung kôranh hađăch, ƀư roh lơi nau dơi lĕ rngôch ƀon bri hađăch neh ntu. Gâp mra nklơ̆ lơi ndeh seh nđâp phung ƀĭt gai; phung seh tâm lơh jêh ri phung tahan ncho seh mra cha lôt khĭt yor đao bơh oh nâu khân păng nơm.’”

Mathay 24:7

Yorlah phung ƀon lan aơ mra dâk tâm rdâng đah phung ƀon lan êng, bri dak tê̆ tâm rdâng đah bri dak ri; geh nau sa sât ji ngot, nau n'găr neh ntu tât geh âk ntŭk.

Markôs 13:8

Yorlah phung ƀon lan aơ mra tâm rdâng đah phung ƀon lan êng, bri dak tê̆ mra tâm rdâng đah bri dak ri. Mra geh nau n'găr neh ta âk ntŭk, jêh ri tât nau sât ji ngot. Nau nây jêng knŏng nau ntơm ma nau rêh ni.

Phung Kôranh Phat Dôih 2:14

Pônây Brah Yêhôva ji nuih ngăn ma phung Israel. Păng jao khân păng tâm ti phung pit in gay phung nây sŏk lĕ ndơ khân păng. Păng tăch phung Israel ma phung rlăng gŭ văr jŭm khân păng jêh ri phung Israel mâu hôm dơi ôh tâm rđâng đah phung rlăng khân păng.