II Nau Rêh Jêng 15:4 - Nau Brah Ndu Ngơi 2023

⁴ Ƀiălah tâm dôl geh nau rêh ni, ri mơ khân păng plơ̆ sĭt ma Yêhôva Brah Ndu Israel, tǐng joi Păng dơi mâp tay Păng.

II Nau Rêh Jêng 15:4 ပူးပေါင်းရင်းမြစ်များ

II Nau Rêh Jêng 15:15

Lĕ rngôch phung Yuđa hâk răm yor nau ton săk nây, yorlah khân păng ton săk jêh ma lĕ nuih n'hâm, tǐng joi Brah Yêhôva ma lĕ nau ktang jêh ri dơi mâp Păng. Brah Yêhôva ăn ma khân păng nau đăp mpăn tâm puăn mpeh.

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

II Nau Rêh Jêng 33:12

Nôk păng gŭ tâm nau rêh ni, păng vah vơl dăn ma Yêhôva Brah Ndu, jêh ri ntrŭnh săk păng nơm tanăp Brah Ndu phung chô yau păng.

Nau Mprơ Ơm 106:44

Nđâp tơlah pônây, Brah Ndu ăt tăng nau khân păng dăn, Jêh ri mêt uănh khân păng tâm rnôk khân păng rêh ni.

Êsai 51:1

“Ơ phung tĭng joi nau sŏng srăng, Jêng phung tĭng joi Brah Yêhôva, iăt hom Gâp! Uănh hom ma lŭ toyh tă bơh ntŭk nây yơh khân may lôk, Jêh ri ma ntu lŭ jru tă bơh ntŭk nây yơh ntŭk khân may kuyh!

Êsai 55:6

Ăn joi hom Brah Yêhôva dôl he hôm mâp; Kuăl dăn hom ma Păng dôl Păng gŭ dăch!

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Ndrom Samƀŭt bơh Ôsê 6:1

“Văch hom, ăn he plơ̆ sĭt ma Brah Yêhôva Yorlah Păng hŏ sa hêk jêh he, ƀiălah Păng mra ƀư bah; Păng hŏ dong sôt he, ƀiălah mra put sôt.

Sakari 1:3

Pôri, may lah hom ma khân păng pô aơ Brah Yêhôva ma phung tahan lah: ‘Plơ̆ hom ndrel ma Gâp.’ Brah Yêhôva ma phung tahan lah: ‘Jêh nây mơ Gâp mra plơ̆ sĭt ndrel ma khân may.’ Kơt ri Brah Yêhôva ma phung tahan lah.

Samƀŭt Pôl Njuăl Ăn Ma Phung Nsing Ta Ƀon Rôm 10:20

Y-Êsai lah ma nau janh ktang pô aơ: “Phung bunuyh mâu joi Gâp, hŏ mâp jêh đah Gâp; Gâp mpơl jêh Gâp nơm ma phung bunuyh mâu kuăl ôp ôh ma Gâp.”