II Nau Rêh Jêng 15:2 - Nau Brah Ndu Ngơi 2023

² Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

II Nau Rêh Jêng 15:2 ပူးပေါင်းရင်းမြစ်များ

I Phung Hađăch 11:25

Lĕ du rnôk rô̆ Y-Salômôn, Y-Rêson tâm rdâng mro đah phung Israel, ƀư âk nau mhĭk tâm ban Y-Hadat ƀư jêh. Tơlah ƀư hađăch ta Aram, Y-Rêson tâm rmot ngăn ma phung Israel.

I Phung Hađăch 18:18

Păng plơ̆ sĭt lah: “Mâu di ôh gâp ƀư rkhŭk phung Israel, ƀiălah may nơm jêh ri ngih mbơ̆ may yơh rkhŭk. Yorlah may chalơi jêh nau vay Brah Yêhôva ntăm gay hăn tĭng brah Baal.

II Phung Hađăch 21:14

Gâp mra chalơi kô̆ drăp ndơn Gâp hôm e klen, jao khân păng tâm ti phung rlăng. Khân păng mra jêng ndơ pit in jêh ri jêng ndơ sa ma lĕ rngôch phung rlăng,

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

II Nau Rêh Jêng 11:12

Tâm ăp ƀon, hađăch ăn khêl jêh ri tak, ƀư ma lĕ ƀon nây dơi jêng nâp ktang. Pôri, neh Yuđa jêh ri neh Benjamin jêng hađăch da dê chiă uănh.

II Nau Rêh Jêng 12:5

Nơm mbơh lor Y-Sêmaya hăn tâm mâp đah Y-Rôbôam jêh ri đah phung kôranh chiă uănh Yuđa dôl gŭ tâm rƀŭn ta Yêrusalem gay du ndĕ bơh Y-Sisăk. Păng lah ma khân păng: “Brah Yêhôva lah: ‘Khân may lĕ chalơi jêh Gâp, pôri Gâp jao khân may tâm ti Y-Sisăk.’”

II Nau Rêh Jêng 13:12

Aơ, Brah Ndu gŭ ndrel ma hên jêh ri chiă uănh ma hên. Phung kôranh ƀư brah Păng djôt nŭng ntrŭt tahan uh huy tâm rdâng đah khân may. Ơ phung Israel! Lơi ta tâm rdâng ôh đah Yêhôva Brah Ndu phung chô yau khân may, yorlah khân may mâu mra dơi ôh!”

II Nau Rêh Jêng 13:4

Y-Abija dâk ta klơ yôk Sêmaraim tâm nkual yôk Êphraim jêh ri lah: “Hơi Y-Jêrôbôam jêh ri lĕ rngôch phung Israel, iăt hom!

II Nau Rêh Jêng 15:15

Lĕ rngôch phung Yuđa hâk răm yor nau ton săk nây, yorlah khân păng ton săk jêh ma lĕ nuih n'hâm, tǐng joi Brah Yêhôva ma lĕ nau ktang jêh ri dơi mâp Păng. Brah Yêhôva ăn ma khân păng nau đăp mpăn tâm puăn mpeh.

II Nau Rêh Jêng 15:4

Ƀiălah tâm dôl geh nau rêh ni, ri mơ khân păng plơ̆ sĭt ma Yêhôva Brah Ndu Israel, tǐng joi Păng dơi mâp tay Păng.

II Nau Rêh Jêng 20:15

Păng lah: “Ơ lĕ rngôch phung Yuđa jêh ri phung gŭ tâm ƀon Yêrusalem, jêh ri hađăch Jôsaphat, iăt hom! Brah Yêhôva lah ma khân may kơt aơ: ‘Lơi ta klach ôh, lơi krit ôh tanăp phung tahan âk râk nây, yorlah nau tâm lơh aơ mâu jêng kan khân may ôh, ƀiălah jêng kan Brah Ndu.

II Nau Rêh Jêng 20:17

Tâm nau lơh nây, khân may mâu mra tâm lơh ôh. Gŭ nâp hom tâm ntŭk jêh ri dâk nsrâng gay kâp uănh nau tâm rklaih Brah Yêhôva, Nơm gŭ ndrel ma khân may. Ơ phung Yuđa jêh ri phung gŭ ta Yêrusalem! Lơi klach ôh, lơi krit ôh! Ôi taơ hăn luh tâm mâp hom đah khân păng, yorlah Brah Yêhôva gŭ ndrel ma khân may.’”

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

II Nau Rêh Jêng 24:20

Huêng Brah Brah Ndu tât Y-Sakari, kon bu klâu kôranh ƀư brah Y-Jêhôida. Păng gŭ tanăp phung ƀon lan jêh ri lah: “Brah Ndu lah: ‘Mâm ƀư khân may ƀư tih nau vay Brah Yêhôva ntăm? Khân may mâu mra dơi jêng yorlah khân may hŏ chalơi Brah Yêhôva, jêh ri Brah Yêhôva lĕ chalơi jêh khân may tâm ban lĕ.’ ”

II Nau Rêh Jêng 26:5

Tâm lĕ rô̆ Y-Sakari jêng bunuyh gĭt rbăng lĕ nau tâm saơ bơh Brah Ndu, Y-Usia joi Brah Ndu ma lĕ nuih n'hâm. Păng joi Brah Ndu ndah jŏ, Brah Ndu ƀư ăn ma păng geh nau ƀŭn lap dah nây lĕ.

II Nau Rêh Jêng 32:8

Păng knŏng geh ti nglay săk; bi he geh Yêhôva Brah Ndu gŭ ndrel he gay kâp kơl, jêh ri sâm tâm lơh ăn ma he.” Phung ƀon lan geh nau n'hao nuih yor bơh nau ngơi Y-Hêsêkia, hađăch Yuđa.

II Nau Rêh Jêng 33:11

Yor nây, Brah Yêhôva ntrŭt phung kôranh tahan hađăch Asiri tât lơh khân păng, nhŭp chăp Y-Manasê ma rse rvăk kông jêh ri sŏk nklĕ loih nkuăk ta trôm muh têk leo păng ma ƀon Babilôn.

II Nau Rêh Jêng 33:12

Nôk păng gŭ tâm nau rêh ni, păng vah vơl dăn ma Yêhôva Brah Ndu, jêh ri ntrŭnh săk păng nơm tanăp Brah Ndu phung chô yau păng.

II Nau Rêh Jêng 34:3

Năm rơh pham rô̆ păng chiă uănh, dôl păng hôm mom, păng ntơm joi Brah Ndu Y-Đavit, che păng. Tâm năm rơh jât ma bar, păng ntơm ƀư kloh n'gor Yuđa jêh ri ƀon Yêrusalem, mƀăr lơi lĕ ntŭk prêh, rup brah Asêrim, rup brah trah jêh ri rup tŏ chiăr.

Êsra 8:22

Gâp geh nau prêng, mâu janh dăn hađăch du mpôl phung tahan jêh ri tahan ncho seh king n'gang hên tă bơh nơm rlăng tâm dôl hên hăn trong yorlah hên geh lah jêh ma hađăch pô aơ: “Ti Brah Ndu hên rgong lĕ rngôch bunuyh joi Păng, ƀiălah nau brah Păng jêh ri nau ji nuih Păng tâm rdâng đah ma mbu nơm dun chalơi Păng.”

Nau Mprơ Ơm 34:4

Gâp joi dăn jêh ma Brah Yêhôva jêh ri Păng plơ̆ lah ma gâp, Tâm rklaih gâp bơh lĕ nau klach.

Nau Mprơ Ơm 53:2

Bơh ntŭk prêh klơ Brah Ndu uănh kon bunuyh, Gay ma rlong uănh bu nâm geh nau blau mĭn Tĭng joi Brah Ndu lĕ.

Êsai 45:19

“Gâp mâu mâp ngơi ndâp ôh, Mâu lĕ ngơi tâm bri nau ngo. Gâp mâu mâp lah ôh ma phung kon sau Yakôb pô aơ: ‘Di lĕ khân may joi Gâp jêng dơm dam?’ Gâp yơh Brah Yêhôva, Nơm ngơi nau sŏng srăng, Mbơh nau nanê̆ ngăn.”

Êsai 51:1

“Ơ phung tĭng joi nau sŏng srăng, Jêng phung tĭng joi Brah Yêhôva, iăt hom Gâp! Uănh hom ma lŭ toyh tă bơh ntŭk nây yơh khân may lôk, Jêh ri ma ntu lŭ jru tă bơh ntŭk nây yơh ntŭk khân may kuyh!

Êsai 7:13

Y-Êsai lah: “Hơi ngih Y-Đavit, iăt hom! Mâm khân may lah ƀư rsuak bu jêng nau kan jê̆, kŏ aƀaơ khân may ŭch ƀư rsuak Brah Ndu gâp đŏng?

Yêrêmi 2:17

Mâu di hĕ may nơm hŏ ƀư êng nau nây ăn ma may nơm Yorlah hŏ chalơi Yêhôva Brah Ndu, Dôl Păng njŭn may ta rŏ trong nây?

Amôt 5:14

Tĭng joi hom nau ueh jêh ri lơi dĭng joi ôh nau mhĭk Gay ma khân may dơi gŭ rêh Pôri mơ Yêhôva Brah Ndu ma phung tahan mra gŭ ndrel ma khân may, Nâm bu khân may lah jêh.

Sakari 1:3

Pôri, may lah hom ma khân păng pô aơ Brah Yêhôva ma phung tahan lah: ‘Plơ̆ hom ndrel ma Gâp.’ Brah Yêhôva ma phung tahan lah: ‘Jêh nây mơ Gâp mra plơ̆ sĭt ndrel ma khân may.’ Kơt ri Brah Yêhôva ma phung tahan lah.

Nau Kơp Bunuyh 14:42

Lơi ta hăn hao tât ta nây, klach lah phung rlăng khân may dơi lơh khân may, yorlah Brah Yêhôva mâu hôm gŭ ta nklang khân may ôh.

Nau Kơp Bunuyh 14:43

Nĕ, phung ƀon lan Amalek jêh ri phung Kanaan dôl gŭ panăp măt khân may; khân may mra khĭt ma măt đao khân păng. Yorlah khân may hŏ mâu gŭ răp jăp Brah Yêhôva, pôri Păng mâu mra gŭ ndrel ôh ma khân may.”

Mathay 13:9

Mbu nơm geh tôr, rkêng iăt hom!”

Nau Vay Nkah Tay 20:1

“Lah hăn tâm lơh đah phung rlăng, tơlah khân may saơ khân păng geh âk seh, âk ndeh seh jêh ri phung tahan âk lơn ma khân may, lơi klach ôh, yorlah Yêhôva Brah Ndu khân may jêng Nơm hŏ njŭn leo jêh khân may luh bơh n'gor Êjipt, mra gŭ ndrel ma khân may.

Nau Vay Nkah Tay 31:17

Tâm nar nây, Gâp mra ji nuih ma khân păng. Gâp mra chalơi khân păng jêh ri pôn muh măt Gâp ma khân păng, bu mra kăp rvăn khân păng kđôi jêh ri âk ntil nau mhĭk, nau uh ah tât ma khân păng. Tâm nar nây, khân păng mra lah: ‘Mâu di hĕ nau mhĭk aơ tât ma gâp yorlah Brah Ndu mâu ŭch gŭ ta nklang gâp mâu?’

Nau Vay Nkah Tay 4:29

Ƀiălah bơh ntŭk nây đŏng khân may mra joi Yêhôva Brah Ndu jêh ri ndah nâm jŏ khân may joi Păng ma lĕ nuih n'hâm, ma lĕ huêng, pôri khân may mra tâm mâp đah Păng.

ហេឞ្រើ 10:38

Nơm sŏng srăng gâp mra gŭ rêh yor nau chroh, Ƀiălah tơlah plơ̆ rŭch Huêng gâp mâu hôm maak ôh.”

ហេឞ្រើ 12:25

Njrăng hom, lơi dun ma Nơm ngơi đah khân may. Yorlah tơlah khân păng dun iăt nơm mbơh nau mbơh lor ma khân păng ta neh ntu, rlau lơn ma he tâm rdâng đah Nơm ntrŭnh nau mbơh lor bơh trôk, lơ hô mâu dơi klaih ôh.

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;

Yôsuê 22:31

Y-Phinêas, kon bu klâu kôranh ƀư brah Y-Êlêasar, lah ma phung Ruben, phung Gat, jêh ri phung Manasê pô aơ: “Nar aơ hên gĭt năl pô aơ Brah Yêhôva gŭ tâm nklang he, yorlah khân may mâu ƀư tih nau mâu răp jăp đah Brah Yêhôva ôh, pônây khân may tâm rklaih jêh phung ƀon lan Israel bơh ti Brah Yêhôva.”

Yôsuê 24:20

Tơlah khân may chalơi Brah Yêhôva jêh ri pah kan ma phung brah bu năch, Păng mra plơ̆ sĭt tay ƀư mhĭk jêh ri ƀư rai khân may, nđâp lah lĕ ƀư lor jêh nau yô̆ ma khân may.”

Nau Tâm Mpơl 2:11

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Mbu nơm dơi mâu mra geh nau mhĭk tă bơh nau khĭt rơh bar ôh.’ ”

Nau Tâm Mpơl 2:17

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Mbu nơm mra dơi, Gâp mra ăn mana pôn ndâp; Gâp mra ăn ma bunuyh nây du lŭ jê̆ nglang, ta lŭ nây bu nchih jêh du amoh mhe, mâu geh bunuyh gĭt ôh, knŏng nơm sŏk dơn dơm dơi gĭt.’ ”

Nau Tâm Mpơl 2:29

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu.’”

Nau Tâm Mpơl 2:7

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Ma mbu nơm mra dơi, Gâp mra ăn păng sa play bơh tơm si nau rêh tâm Parađi Brah Ndu.’ ”

Nau Tâm Mpơl 3:13

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu.’ ”

Nau Tâm Mpơl 3:22

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu.”

Nau Tâm Mpơl 3:6

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu.’ ”

Phung Kôranh Phat Dôih 10:13

Ƀiălah khân may chalơi Gâp, pah kan rhŏ ma phung brah êng, yor nây dĭng Gâp mâu tâm rklaih khân may.

Phung Kôranh Phat Dôih 9:7

Dôl gĭt nau nây, Y-Jôtham hăn gŭ ta klơ n'gơn yôk Gêrisim, păng nter huy pô aơ: “Hơi phung Sichem, iăt hom ma gâp gay Brah Ndu dơi iăt khân may:

I Samuel 12:14

Tơlah khân may klach yơk ma Brah Yêhôva, pah kan ma Păng, iăt tông tĭng nau Păng ngơi, mâu tâm rdâng ôh lĕ nau vay Păng ntăm, tơlah khân may jêh ri hađăch chiă uănh khân may, tông bâr ma Brah Ndu khân may, pôri jêng ueh ngăn ma khân may.

I Samuel 12:15

Bi tơlah khân may mâu tông ôh bâr Brah Yêhôva, ƀiălah tâm rdâng đah nau vay Păng ntăm, ti Brah Yêhôva mra ƀư mhĭk ma khân may nâm bu păng hŏ ƀư mhĭk ma chô yau khân may.