II Nau Rêh Jêng 15:15 - Nau Brah Ndu Ngơi 2023

¹⁵ Lĕ rngôch phung Yuđa hâk răm yor nau ton săk nây, yorlah khân păng ton săk jêh ma lĕ nuih n'hâm, tǐng joi Brah Yêhôva ma lĕ nau ktang jêh ri dơi mâp Păng. Brah Yêhôva ăn ma khân păng nau đăp mpăn tâm puăn mpeh.

II Nau Rêh Jêng 15:15 ပူးပေါင်းရင်းမြစ်များ

II Phung Hađăch 23:3

Hađăch dâk tâm knưl prêh jêh ri ƀư nau tâm rnglăp tanăp Brah Yêhôva, ton chuat tĭng Brah Yêhôva, jêh ri ma lĕ nuih n'hâm, ma lĕ huêng djôt prăp lĕ nau vay ntăm, nau ntrŭnh, jêh ri nau vay dăp bơh Păng, gay ƀư tĭng nau ngơi ma nau tâm rnglăp hŏ nchih jêh tâm ndrom samƀŭt aơ. Lĕ rngôch phung ƀon lan ton nanê̆ da dê ƀư nau tâm rnglăp nây.

I Nau Rêh Jêng 16:10

Tâm rnê hom ma amoh kloh ueh Păng; Ăn nuih n'hâm phung joi Brah Yêhôva, răm maak hom!

II Nau Rêh Jêng 11:16

Tâm ndŭl mpôl Israel, mbu nơm lĕ nuih n'hâm tĭng joi Yêhôva Brah Ndu tâm phung Israel tĭng ndô̆ phung kôranh ƀư brah da dê, jêh ri phung Lêvi hăn tât ta ƀon Yêrusalem gay nhhơr ndơ ƀư brah ma Yêhôva Brah Ndu chô yau khân păng nơm.

II Nau Rêh Jêng 14:6

Păng ndâk njêng âk ƀon mpêr nâp ngăn tâm bri Yuđa, yorlah n'gor bri nây geh nau đăp mpăn. Tâm rnôk nây mâu geh ôh nau tâm lơh, yorlah Brah Yêhôva hŏ ăn jêh ma khân păng rlu đăp mpăn.

II Nau Rêh Jêng 14:7

Păng lah ma phung Yuđa pô aơ: “He ndâk njêng hom lĕ ƀon aơ, bât mpêr nâp văr jŭm ƀon, ƀư tŭm, ƀư mpông pêr geh rnăng nđăng. Bri dak ăt hôm jêng ndơ he, yorlah he hŏ tǐng joi jêh Yêhôva Brah Ndu he; he hŏ tǐng joi Păng, rĭ dĭng Păng ăn ma he nau đăp mpăn văr jŭm he.” Pôri khân păng ndâk njêng jêh ri hŏ dơi jêng.

II Nau Rêh Jêng 15:12

Khân păng ƀư nau tâm rnglăp gay joi Yêhôva Brah Ndu phung chô yau khân păng ma lĕ nuih n'hâm jêh ri ma lĕ nau mĭn.

II Nau Rêh Jêng 15:14

Khân păng ton săk ma Brah Yêhôva ma bâr huy, ma nau troh jêh ri uh nŭng.

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

II Nau Rêh Jêng 15:4

Ƀiălah tâm dôl geh nau rêh ni, ri mơ khân păng plơ̆ sĭt ma Yêhôva Brah Ndu Israel, tǐng joi Păng dơi mâp tay Păng.

II Nau Rêh Jêng 15:6

Bri dak aơ tŭn jot bri dak ri, ƀon aơ tŭn jot ƀon êng, yorlah Brah Ndu ƀư rŭng răng khân păng tâm ăp ntil nau rêh ni.

II Nau Rêh Jêng 19:3

Ƀiălah tâm may hôm geh nau ueh, yorlah may pih kloh jêh lĕ rup brah Asêrah ngluh lơi bơh n'gor bri, jêh ri lĕ nuih n'hâm tǐng joi Brah Ndu.”

II Nau Rêh Jêng 20:30

Pôri, ƀon bri hađăch Jôsaphat gŭ đăp mpăn, yorlah Brah Ndu ăn ma păng tâm nau mpăn rlêk puăn njônh.

II Nau Rêh Jêng 29:10

Aƀaơ, gâp geh nau tâm nal ƀư nau tâm rnglăp đah Yêhôva Brah Ndu phung Israel, gay nau ji nuih Păng du ngai bơh phung he.

II Nau Rêh Jêng 29:36

Y-Hêsêkia jêh ri lĕ rngôch phung ƀon lan hâk răm yor lĕ nau Brah Ndu ƀư jêh ma khân păng, yorlah lĕ nau kan dơi ƀư gơnh ro.

II Nau Rêh Jêng 34:31

Hađăch dâk tâm knưl păng jêh ri ƀư nau tâm rnglăp tanăp Brah Yêhôva, ton chuat tĭng Brah Yêhôva ma lĕ nuih n'hâm, lĕ nau mĭn djôt prăp lĕ nau vay Păng ntăm, nau Păng mbơh, jêh ri nau vay Păng dăp, gay ƀư tĭng nau ngơi ma tâm rnglăp hŏ nchih jêh tâm ndrom samƀŭt aơ.

Nêhêmi 8:9

Y-Nêhêmi, kôranh mât uănh, Y-Êsra kôranh ƀư brah jêng kôranh nchih samƀŭt, nđâp phung Lêvi nti ntĭm phung ƀon lan, nti lah ma lĕ rngôch phung Israel, lah đah lĕ rngôch bunuyh Israel pô aơ: “Nar aơ jêng kloh ueh ma Yêhôva Brah Ndu khân may. Lơi klâng khĭt mâu lah nhhiăng nhĭm.” Yorlah lĕ rngôch phung ƀon lan nhĭm da dê tơlah gŭ iăt nau ngơi tâm nau vay.

Ndrom Samƀŭt bơh Yôp 34:29

Lah Păng gŭ rklăk, mbu nơm dơi phong Păng? Lah Păng pôn muh măt, mbu nơm dơi saơ Păng? Nđâp lah Păng hôm mât uănh ăp phung ndŭl mpôl mâu lah ăp nau rêh bunuyh,

Nau Mprơ Ơm 119:10

Kon tǐng joi May ma lĕ nuih n'hâm, Lơi ăn gâp der bơh nau vay May ntăm ôh.

Nau Mprơ Ơm 119:106

Gâp hŏ sơm ton jêh ri ton nanê̆ pô aơ, Gâp mra djôt prăp lĕ nau vay May ƀư jêng sŏng srăng.

Nau Mprơ Ơm 119:111

Nau May ntĭnh jêng drăp ndơn ma gâp ƀaƀơ, Yorlah khân păng jêng nau maak ma nuih n'hâm gâp.

Nau Mprơ Ơm 32:11

Hơi phung sŏng srăng, răm rhơn hom jêh ri hâk maak tâm Brah Yêhôva! Hơi lĕ rngôch mbu geh nuih n'hâm sŏng, nter maak hom!

Nau Ngluh Êjipt 24:3

Nôk Y-Môis tât jêh ri nkoch tay ma phung ƀon lan lĕ rngôch nau ngơi jêh ri lĕ nau vay Brah Yêhôva, phung ƀon lan ndrel du bâr plơ̆ lah: “Hên mra ƀư lĕ nau Brah Yêhôva lah jêh.”

Nau Hôr 3:17

Lĕ trong bơh nau blau mĭn jêng trong răm maak, Lĕ rngôch trong păng jêng trong đăp mpăn da dê.

Êsai 26:8

Ơ Brah Yêhôva, ngăn yơh, ta trong nau May phat dôih. Hên kâp gân May; Huêng hên ji hir ma May Ma amoh May jêh ri nau kah gĭt ndray ma May.

Êsai 45:19

“Gâp mâu mâp ngơi ndâp ôh, Mâu lĕ ngơi tâm bri nau ngo. Gâp mâu mâp lah ôh ma phung kon sau Yakôb pô aơ: ‘Di lĕ khân may joi Gâp jêng dơm dam?’ Gâp yơh Brah Yêhôva, Nơm ngơi nau sŏng srăng, Mbơh nau nanê̆ ngăn.”

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

Nau Vay Nkah Tay 26:11

Jêh nây khân may nđâp ma phung Lêvi jêh ri nơm gŭ njưh ƀât lât dôl rêh ta nklang khân may răm maak lĕ nau ueh lăng Yêhôva Brah Ndu khân may ăn jêh ma khân may jêh ri ma rnăk vâl khân may.

Philip 1:23

Gâp geh nau mpet bar đah: Gâp ŭch luh du jêh ri plơ̆ sĭt gŭ ndrel ma Brah Krist jêng nau ueh lơn âk ngăn.

Yôsuê 23:1

Tơlah Brah Yêhôva ăn nau mpăn rlêk ma phung Israel jŏ jêh, mâu hôm geh phung rlăng gŭ văr jŭm khân păng, jêh ri tơlah Y-Yôsuê lĕ ranh, gŭ rêh jŏ năm jêh,

Yôsuê 24:25

Pônây, tâm nar nây, Y-Yôsuê ƀư nau tâm rnglăp đah phung ƀon lan, ăn lĕ nau vay dăp jêh ri lĕ nau vay ƀư ma khân păng ta ƀon Sichem.