II Nau Rêh Jêng 14:8 - Nau Brah Ndu Ngơi 2023

⁸ Y-Asa geh du phung tahan pe rsen nuyh phung Yuđa, hŏ ndrăp rǐng khêl jêh ri tak, bar rsen pham rmưn phung Benjamin, hŏ ndrăp khêl jêh ri na; lĕ rngôch jêng phung tahan janh ktang.

II Nau Rêh Jêng 14:8 ပူးပေါင်းရင်းမြစ်များ

I Phung Hađăch 10:16

Hađăch Salômôn ƀư bar rhiăng mlâm khêl toyh bu chiăr ndop mah, tâm ăp khêl dŏng pơh kilô mah.

I Nau Rêh Jêng 8:40

Phung kon bu klâu Y-Ulam jêng phung tahan janh ktang, geh blau pănh na. Khân păng geh âk kon sau jêh ri âk bunuyh, rnoh kơp jêng du rhiăng prăm jât nuyh. Lĕ rngôch phung nây jêng phung kon sau Benjamin.

II Nau Rêh Jêng 11:1

Tơlah Y-Rôbôam plơ̆ sĭt ma ƀon Yêrusalem, păng tâm rgum ngih Yuđa jêh ri Benjamin, geh du rsen pham rmưn bunuyh tahan dăng ktang, gay tâm lơh đah phung Israel, gay ndâk đŏng ƀon bri hađăch ma păng.

II Nau Rêh Jêng 11:8

Gat, Marêsa, Sip,

II Nau Rêh Jêng 12:2

Yorlah khân păng ƀư tih đah Brah Yêhôva, tâm năm rơh prăm rnôk rô̆ hađăch Rôbôam, Y-Sisăk, hađăch n'gor Êjipt, leo phung tahan hăn lơh Yêrusalem.

II Nau Rêh Jêng 12:3

Bơh Êjipt, hađăch jă du rbăn bar rhiăng ndeh seh, prao rmưn tahan ncho seh jêh ri âk râk tahan hăn jâng phung Libi, phung Sukim, jêh ri phung Kus.

II Nau Rêh Jêng 13:3

Y-Abija dâk hăn tâm lơh ndrel puăn rsen bunuyh tahan ngăch prăl, jêng phung tahan janh ktang; bi Y-Jêrôbôam djôt leo pham rsen bunuyh tahan ngăch prăl, ăt jêng phung tahan janh ktang, hăn tâm lơh.

II Nau Rêh Jêng 16:8

Mâu di bơh phung Kus jêh ri phung Libi jêng du phung tahan ktang? Mâu di bơh ndeh seh jêh ri phung tahan ncho seh khân păng dŭt âk râk ngăn? Nđâp lah pônây, yorlah may rnơm ma Brah Yêhôva, Păng jao jêh khân păng tâm ti may.

II Nau Rêh Jêng 20:1

Jêh nau nây, phung Môap jêh ri phung Ammôn, ndrel ma phung ƀaƀă Mêun hăn tĭng khân păng, n'hoch văch ŭch tâm lơh đah Y-Jôsaphat.

II Nau Rêh Jêng 25:5

Y-Amasia tâm rƀŭn phung Yuđa, tĭng ndŭl mpôl tâm chô yau Yuđa jêh ri Benjamin, jêh ri njêng phung kôranh chiă uănh toyh ma du rbăn nuyh tahan jêh ri du rhiăng nuyh tahan. Păng kơp rnoh bunuyh ntơm bơh bar jât năm leo klơ, geh lĕ rngôch pe rsen nuyh, dơi djôt tak jêh ri khêl hăn tâm lơh.