II Nau Rêh Jêng 14:7 - Nau Brah Ndu Ngơi 2023

⁷ Păng lah ma phung Yuđa pô aơ: “He ndâk njêng hom lĕ ƀon aơ, bât mpêr nâp văr jŭm ƀon, ƀư tŭm, ƀư mpông pêr geh rnăng nđăng. Bri dak ăt hôm jêng ndơ he, yorlah he hŏ tǐng joi jêh Yêhôva Brah Ndu he; he hŏ tǐng joi Păng, rĭ dĭng Păng ăn ma he nau đăp mpăn văr jŭm he.” Pôri khân păng ndâk njêng jêh ri hŏ dơi jêng.

II Nau Rêh Jêng 14:7 ပူးပေါင်းရင်းမြစ်များ

I Phung Hađăch 15:23

Lĕ nau kan êng Y-Asa, lĕ nau ktang păng, lĕ kan păng ƀư, jêh ri lĕ ƀon păng hŏ ndâk, mâu di hĕ bu nchih da dê jêh tâm ndrom samƀŭt nau rêh jêng phung hađăch Yuđa? Tơlah păng hŏ ranh jêh, păng geh nau ji jâng.

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

II Nau Rêh Jêng 14:4

Păng ntĭnh ma phung Yuđa tǐng joi Yêhôva Brah Ndu phung chô yau khân păng, ƀư tĭng nau vay jêh ri nau vay Păng ntăm.

II Nau Rêh Jêng 14:6

Păng ndâk njêng âk ƀon mpêr nâp ngăn tâm bri Yuđa, yorlah n'gor bri nây geh nau đăp mpăn. Tâm rnôk nây mâu geh ôh nau tâm lơh, yorlah Brah Yêhôva hŏ ăn jêh ma khân păng rlu đăp mpăn.

II Nau Rêh Jêng 15:15

Lĕ rngôch phung Yuđa hâk răm yor nau ton săk nây, yorlah khân păng ton săk jêh ma lĕ nuih n'hâm, tǐng joi Brah Yêhôva ma lĕ nau ktang jêh ri dơi mâp Păng. Brah Yêhôva ăn ma khân păng nau đăp mpăn tâm puăn mpeh.

II Nau Rêh Jêng 17:13

Păng geh âk ndô ndơ prăp nkrem tâm ƀon n'gor Yuđa. Tâm ƀon Yêrusalem, păng geh phung tahan janh ktang.

II Nau Rêh Jêng 17:17

Tâm ndŭl mpôl Benjamin geh Y-Êliada jêng du huê tahan janh ktang, chiă uănh ma bar rsen bunuyh tahan djôt na jêh ri khêl;

II Nau Rêh Jêng 20:30

Pôri, ƀon bri hađăch Jôsaphat gŭ đăp mpăn, yorlah Brah Ndu ăn ma păng tâm nau mpăn rlêk puăn njônh.

II Nau Rêh Jêng 25:5

Y-Amasia tâm rƀŭn phung Yuđa, tĭng ndŭl mpôl tâm chô yau Yuđa jêh ri Benjamin, jêh ri njêng phung kôranh chiă uănh toyh ma du rbăn nuyh tahan jêh ri du rhiăng nuyh tahan. Păng kơp rnoh bunuyh ntơm bơh bar jât năm leo klơ, geh lĕ rngôch pe rsen nuyh, dơi djôt tak jêh ri khêl hăn tâm lơh.

II Nau Rêh Jêng 26:13

Khân păng chiă uănh du phung tahan geh pe rsen pơh rbăn prăm rhiăng nuyh, lĕ rngôch jêng phung blau tâm lơh jêh ri janh ktang, kơl hađăch tâm rdâng đah phung rlăng.

II Nau Rêh Jêng 32:5

Păng ƀư ngăn yơh, ndâk tay lĕ rngôch mpêr ƀon hŏ mplŭng jêh, jêh ri ndâk ngih tŭm klơ ăn prêh đê̆, jêh ri ndâk đŏng mpêr êng mpeh padih. Păng ƀư dŭt nâp Milô tâm ƀon Đavit, jêh ri păng ƀư âk tak keng jêh ri khêl.

II Nau Rêh Jêng 8:5

Păng ndâk đŏng Bet-Hôron Pa Lơ jêh ri ƀon Bet-Hôron Pa Dâng, jêng lĕ ƀon dŭt nâp ngăn, geh mpêr ƀon jêh ri mpông sâng jêh ri geh mâng rnăng nđăng.

Yôhan 9:4

Nôk trôk hôm ang, ăn he ƀư hom lĕ kan ma Nơm hŏ njuăl Gâp; măng tât, mâu hôm geh bunuyh dơi pah kan ôh.

Kôranh Oh Mon 9:31

Pôri, Phung ngih Brah Ndu tâm n'gor Yuđa, Galilê, jêh ri Samari, geh nau đăp mpăn, văch ma toyh, hăn tâm nau klach yơk ma Kôranh Brah; yorlah Brah Huêng Ueh kơl, phung chroh jêng lơ nar lơ ntop âk.

Yôsuê 23:1

Tơlah Brah Yêhôva ăn nau mpăn rlêk ma phung Israel jŏ jêh, mâu hôm geh phung rlăng gŭ văr jŭm khân păng, jêh ri tơlah Y-Yôsuê lĕ ranh, gŭ rêh jŏ năm jêh,

I Pêtrôs 3:12

Yorlah măt Kôranh Brah treng uănh ma phung sŏng srăng, Jêh ri tôr Păng kâp iăt nau khân păng mbơh sơm. Ƀiălah muh măt Kôranh Brah tâm rdâng đah phung ƀư mhĭk.”