II Nau Rêh Jêng 14:3 - Nau Brah Ndu Ngơi 2023

³ Păng ƀư rai lơi nơng ƀư brah phung brah bu năch jêh ri lĕ ntŭk prêh klơ, mbang nchah lơi lĕ n'gâng mbah jêh ri ƀư rai lĕ rup trah brah Asêrah.

II Nau Rêh Jêng 14:3 ပူးပေါင်းရင်းမြစ်များ

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

II Phung Hađăch 18:4

Păng ƀư rai lĕ ntŭk prêh klơ, mbang nchah lơi lĕ n'gâng mbah, kăl lơi lĕ rup brah Asêra, jêh ri nchah hăch rhên bêh ma kông Y-Môis ƀư jêh. Yorlah ma tât nôk nây, phung ƀon lan Israel ăt gŭch ndơ ƀâu kah ma ndơ nây; bu ntơ păng jêng Nêhustan.

II Phung Hađăch 23:14

Păng nchah lơi hăch rhên lĕ n'gâng mbah, kăl lơi lĕ rup Asêrim, jêh ri bun bêng nting ta lĕ ntŭk nây.

II Phung Hađăch 23:6

Păng sŏk lĕ rup brah Asêrah tă bơh ngih Brah Yêhôva luh padih ƀon Yêrusalem, tât ta n'hor dak Kidrôn, ta nây lĕ su ndơ nây ma ŭnh jêh ri juh se tât lêk, jêh nây mƀăr lơi ndơ môi nây ta klơ môch phung ƀon lan.

II Nau Rêh Jêng 14:2

Y-Asa ƀư nau ueh jêh ri nau di tanăp măt Yêhôva Brah Ndu păng.

II Nau Rêh Jêng 14:4

Păng ntĭnh ma phung Yuđa tǐng joi Yêhôva Brah Ndu phung chô yau khân păng, ƀư tĭng nau vay jêh ri nau vay Păng ntăm.

II Nau Rêh Jêng 15:17

Nđâp tơlah ê hŏ mƀăr lơi ôh ntŭk prêh bơh n'gor Israel, ƀiălah Y-Asa ăt lĕ nuih n'hâm ma Kôranh Brah tâm du bông nau rêh păng.

II Nau Rêh Jêng 33:16

Jêh nây, păng nkra tay nơng ƀư brah ma Brah Yêhôva, păng nhhơr ndơ ƀư brah ma nau đăp mpăn jêh ri ndơ ƀư brah tâm rnê lah ueh ta nây; jêh ri păng ntĭnh ma phung Yuđa pah kan ma Yêhôva Brah Ndu Israel.

II Nau Rêh Jêng 34:4

Tanăp măt hađăch, bu ƀư rlâm lơi lĕ nơng ƀư brah Baal, jêh ri kăl lơi lĕ nơng ƀư brah su ndơ ƀâu kah gŭ ta klơ nơng brah Baal nây; jêh ri chah hăch rhên lĕ rup brah Asêrim, rup ndah, jêh ri rup bu tŏ chiăr; păng jot rchiăt tât môi rup nây, jêh ri sui ta klơ môch phung ƀư brah ma rup nây.

Nau Ngluh Êjipt 34:13

Ƀiălah ăn khân may ƀư rai lơi nơng ƀư brah, mbang nchah rai lĕ n'gâng mbah jêh ri kăl lơi lĕ rup khân păng.

Kan Lêvi 26:30

Gâp mra ƀư rai ta lĕ ntŭk prêh khân may, kăl lơi lĕ nơng ƀư brah gŭch ndơ ƀâu kah jêh ri bun săk jăn khĭt khân may ta klơ rup brah khân may. Nuih n'hâm Gâp mra ƀơ̆ ƀơch ma khân may.

Nau Vay Nkah Tay 7:25

Ăn khân may su ma ŭnh lĕ rup brah khân păng. Lơi kơnh ôh jêh nây sŏk ma khân may nơm prăk mâu lah mah ta klơ rup nây, klach lah khân may tŭp tâm dăk sân, yorlah nây jêng ndơ tâm rmot đah Yêhôva Brah Ndu khân may.

Nau Vay Nkah Tay 7:5

Ƀiălah ma phung ƀon lan nây ăn khân may nkra kơt aơ: ƀư rlâm lơi lĕ nơng ƀư brah, nchah rai lĕ n'gâng mbah, kăl lơi lĕ rup ndah Asêrim, jêh ri su lơi ma ŭnh lĕ rup khân păng.