II Nau Rêh Jêng 14:12 - Nau Brah Ndu Ngơi 2023

¹² Brah Yêhôva lơh rai phung tahan Kus tanăp măt phung Yuđa jêh ri hađăch Asa; phung tahan Kus nchuăt du.

II Nau Rêh Jêng 14:12 ပူးပေါင်းရင်းမြစ်များ

Nau Ntơm 10:19

Bi ma n'har bri phung Kanaan pơk huy tă bơh Sidôn, mpeh Gêrar tât ta Gaxa; mpeh Sôdôm, Gômôrơ, Adma jêh ri Sêbôim tât ta Lêsa.

I Nau Rêh Jêng 5:21

Khân păng sŏk gro mpô mpa khân păng rong, geh: prăm rmưn mlâm seh samô, bar rsen prăm rmưn mlâm biăp, bar rbăn mlâm seh bri; khân păng sŏk đŏng du rsen bu nă.

II Nau Rêh Jêng 12:3

Bơh Êjipt, hađăch jă du rbăn bar rhiăng ndeh seh, prao rmưn tahan ncho seh jêh ri âk râk tahan hăn jâng phung Libi, phung Sukim, jêh ri phung Kus.

II Nau Rêh Jêng 13:15

Nôk nây, phung Yuđa nter troh rduh tâm lơh. Nôk phung Yuđa nter troh, Brah Ndu lơh Y-Jêrôbôam jêh ri lĕ rngôch phung Israel tra năp măt Y-Abija jêh ri phung Yuđa.

II Nau Rêh Jêng 15:11

Nôk nây, khân păng hŏ sŏk pơh rhiăng mlâm ndrôk nkuăng jêh ri pơh rbăn mlâm biăp tâm ndơ sŏk pit jêh djôt nsĭt ƀư ndơ ƀư brah nhhơr ma Brah Yêhôva.

II Nau Rêh Jêng 20:22

Tơlah khân păng ntơm mprơ tâm rnê, Brah Yêhôva dơm du phung gŭ kâp dâp hăn lơh ma phung tahan dôl hăn lơh phung Yuđa jêng phung Ammôn, phung Môap jêh ri phung gŭ ta yôk Sêir, jêh ri ƀư ăn phung tahan nây roh rai.

Nau Mprơ Ơm 60:12

Rnơm Brah Ndu, phung kon mra dơi đah tâm lơh toyh; Yorlah Păng yơh mra jot plên phung rlăng đah hên.

Nau Ngluh Êjipt 12:41

Di tâm nar nglĕ dŭt puăn rhiăng pe jât năm, lĕ rngôch phung tahan Brah Yêhôva du luh bơh n'gor Êjipt.

Nau Ngluh Êjipt 12:51

Nar nây ro, Brah Yêhôva leo phung ƀon lan Israel du luh bơh n'gor Êjipt tĭng nâm ndŭl mpôl.

Nau Ngluh Êjipt 14:25

Brah Ndu doh jâng ndeh seh khân păng, ƀư ăn khân păng ƀĭt ndeh seh hŏt rgănh. Phung Êjipt tâm lah ndrăng khân păng nơm. “Ăn he nchuăt bơh phung Israel, yorlah Brah Yêhôva tâm tang an ma ƀon lan nây tâm lơh đah phung Êjipt.”

Amôt 9:7

Kôranh Brah Yêhôva lah: “Hơi phung kon sau Israel, mâu di hĕ Gâp uănh khân may nâm bu kon sau phung Êthiôpi lĕ? Mâu di Gâp ngluh khân may luh du tă bơh n'gor bri Êjipt, Phung Philistin luh bơh bri Kaptôr, Jêh ri phung Siri luh bơh bri Kir?

I Kôrintô 15:57

Ƀiălah lah ueh ma Brah Ndu ăn ma he nau dơi tă bơh Kôranh Brah he jêng Brah Yêsu Krist.

I Kôrintô 9:26

Pônây yơh, gâp nchuăt, mâu di nchuăt lă lêng; gâp dong, mâu di dong tâm sial ôh.

Nau Vay Nkah Tay 28:7

Brah Yêhôva mra ƀư ma phung rlăng hao tâm rdâng đah khân may mra roh rai tanăp khân may. Khân păng mra tât lơh khân may bơh du trong, pôri khân păng nchuăt du pơh trong bơh khân may.

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.

Yôsuê 10:10

Brah Yêhôva ƀư ăn ma khân păng nchuăt du rŭng răng tanăp phung Israel, jêh ri nkhĭt khân păng âk ngăn ta Gibêôn. Phung tahan Israel tĭng rgot khân păng ta trong sop Bet-Hôron, jêh ri lơh nkhĭt khân păng kŏ tât ma Asêka jêh ri Makêda.