II Nau Rêh Jêng 13:9 - Nau Brah Ndu Ngơi 2023

⁹ Mâu di hĕ khân may hŏ mprơh jêh phung kôranh ƀư brah Brah Yêhôva, jêng phung kon sau Y-Arôn, jêh ri phung Lêvi hĕ? Khân may hŏ tĭng nau vay phung bu năch gay njêng phung kôranh ƀư brah ma khân may; ăp bunuyh mbu nơm djôt leo du mlâm ndrôk nkuăng rah tât jêh ri pơh mlâm biăp nkuăng gay nhhơr ndơ ƀư brah, dơi jêng du huê kôranh ƀư brah ma brah mâu di jêng brah.

II Nau Rêh Jêng 13:9 ပူးပေါင်းရင်းမြစ်များ

I Phung Hađăch 13:33

Jêh nau nây, Y-Jêrôbôam ăt mâu chalơi trong nau djơh mhĭk păng, ƀiălah hađăch ăt njêng phung kôranh ƀư brah ma lĕ ntŭk prêh klơ săch tâm phung ƀon lan; ma mbu nơm ŭch, păng ăn păng jêng kôranh ƀư brah ma lĕ ntŭk prêh klơ nây.

II Phung Hađăch 19:18

mƀăr lơi phung brah khân păng tâm ŭnh, yorlah khân păng mâu jêng brah ôh, knŏng jêng ndơ ma si jêh ri ma lŭ bơh ti kon bunuyh ƀư, pôri bu ƀư rai lơi khân păng.

I Nau Rêh Jêng 29:5

mah gay ƀư lĕ ndơ ma mah, prăk gay ƀư lĕ ndơ ma prăk, jêh ri gay ma phung blau ƀư lĕ kan êng. Pônây nar aơ, pônây nar aơ mbu nơm geh nuih n'hâm lŏng ŭch nhhơr drăp ma Brah Yêhôva?”

II Nau Rêh Jêng 13:10

Ƀiălah ma phung hên, Yêhôva ăt jêng Brah Ndu hên, hên mâu chalơi Păng ôh. Phung kôranh ƀư brah, jêng phung kon sau Y-Arôn, pah kan ma Brah Yêhôva da dê, jêh ri phung Lêvi djôt nau kan khân păng.

II Nau Rêh Jêng 29:31

Hađăch Hêsêkia lah: “Aƀaơ ri, khân may prăp jêh khân may nơm jêng kloh ma Brah Yêhôva. Văch hom, djôt mpa ƀư brah jêh ri ndơ ƀư brah tâm rnê lăp tâm ngih Brah Yêhôva.” Phung tâm rƀŭn leo ro lĕ mpa ƀư brah jêh ri ndơ ƀư brah tâm rnê lah ueh, geh đŏng phung nđơr êng djôt nhhơr lĕ ndơ ƀư brah gŭch.

Nau Ngluh Êjipt 29:1

“Aơ jêng nau may mra ƀư dôl nhhơr Y-Arôn jêh ri phung kon bu klâu păng gay khân păng pah kan nau ƀư brah ma Gâp. Sŏk hom du mlâm ndrôk nkuăng rah jêh ri bar mlâm biăp nkuăng mâu têl khap,

Nau Ngluh Êjipt 29:29

Dĭng lĕ bok ao kloh ueh Y-Arôn mra dơi jao ăn ma phung kon bu klâu ntrok thoi nau kan păng gay khân păng nsoh lah dơi mhĭng dak ƀâu kah jêh ri ăn n'hao kan.

Nau Ngluh Êjipt 29:35

Pônây may ƀư hom ma Y-Arôn jêh ri ma phung kon bu klâu păng di nâm nau Gâp hŏ ntĭnh jêh ăn ma may, jêh ri may mra n'hao kan ma khân păng tâm pơh nar.

Nau Ngluh Êjipt 32:29

Y-Môis lah: “Nar aơ khân may nơm hŏ nhhơr ma Brah Yêhôva kon bu klâu păng nơm jêh ri oh nâu păng nơm, yor ri nar aơ Brah Yêhôva ăn nau ueh uĭn ma khân may.”

Yêrêmi 2:11

Geh lĕ phung ƀon lan tâm rgâl brah khân păng? — Nđâp lah lĕ brah nây mâu di jêng brah — Pôri phung ƀon lan Gâp hŏ rgâl jêh nau chrêk rmah păng Gay sŏk rup brah dơm dam!

Yêrêmi 5:7

“Mâm ƀư Gâp dơi yô̆ an ma may? Lĕ phung kon bu klâu may hŏ chalơi Gâp, Tâm amoh lĕ brah mâu di jêng brah ton ôh. Gâp hŏ mât khân păng hơm mpay, Khân păng ăt ƀư tih văng tĭr, Rgum mbŭch tâm ngih bu ur văng tir.

Ndrom Samƀŭt bơh Ôsê 8:6

Yorlah ndrôk kon nây bơh Israel ƀư, Du huê bunuyh blau hŏ njêng păng; Păng mâu di Brah Ndu ôh. Ndrôk kon n'gor Samari Bu mra nchah hăch rhên.

Kan Lêvi 16:32

Kôranh ƀư brah bu tŏ jêh dak ngi jêh ri ăn nau n'hao kan jêng kôranh ƀư brah ntrok ma mbơ̆ păng, mra nsoh bok ao ma bok mhay, jêng bok ao kloh ueh, gay ƀư nkra nau rƀŭn chuai nau tih.

Kan Lêvi 8:2

“Ăn may djôt leo hom Y-Arôn jêh ri phung kon bu klâu păng ndrel ma bok ao, dak ngi mhĭng, ndrôk ƀư ndơ ƀư brah chuai nau tih, bar mlâm biăp nkuăng jêh ri bĭ piăng let mâu geh ndrui,

Kôranh Oh Mon 19:26

Tâm ban khân may saơ jêh ri tăng, mâu knŏng ta ƀon Êphêsô ôh, ƀiălah bơi ma lĕ n'gor Asi, Y-Pôl aơ nsŭk bu jêh ri ƀư âk bunuyh vĭ. Păng lah ma lĕ rup brah ti bunuyh ƀư mâu di brah ngăn ôh.

Galati 4:8

Kăl e, ê hŏ gĭt năl Brah Ndu, khân may jêng dĭk ma lĕ brah mâu di jêng brah.

Nau Vay Nkah Tay 32:17

Nhhơr mpa ƀư brah ma phung brah mhĭk, mâu di jêng Brah Ndu, Chon mbah ma phung brah khân păng ê hŏ ôh mâp gĭt, Jêng phung brah mhe pơ văch pakơi, Phung chô yau khân may mâu mâp klach ôh.