II Nau Rêh Jêng 13:7 - Nau Brah Ndu Ngơi 2023

⁷ Phung mhĭk, phung janh ƀai tâm rƀŭn ndrel tĭng păng. Khân păng ktang tâm rdâng đah Y-Rôbôam, kon bu klâu Y-Salômôn, bi ma Y-Rôbôam dôl hôm ndăm, vĭ vĕ ê hŏ janh tâm lơh ôh đah khân păng.

II Nau Rêh Jêng 13:7 ပူးပေါင်းရင်းမြစ်များ

II Samuel 3:39

Mpeh let ma gâp, nar aơ gâp hôm huơi nđâp lah gâp jêng hađăch bu tŏ dak ƀâu kah jêh; ƀiălah phung nây, jêng phung kon H'Sêruya, hŏ ƀư jêr ir ma gâp. Dăn Brah Yêhôva mplơ̆ sĭt ma nơm ƀư mhĭk tĭng nâm nau djơh mhĭk păng!”

I Phung Hađăch 21:10

Dơm hom tanăp măt păng bar hê phung mhĭk gay khân păng phong păng pô aơ: ‘May hŏ rak rtăp Brah Ndu jêh ri hađăch,’ jêh nây djôt leo păng luh padih jêh ri klŭp lŭ nkhĭt păng.”

I Phung Hađăch 21:13

Nôk nây, bar hê phung mhĭk văch gŭ panăp Y-Nabôt. Bar hê phung mhĭk nây phong mƀruh ma Y-Nabôt panăp phung ƀon lan pô aơ: “Y-Nabôt rak rtăp jêh ma Brah Ndu jêh ri ma hađăch.” Jêh nây khân păng njŭn leo păng luh padih ƀon jêh ri klŭp păng ma lŭ kŏ tât khĭt.

II Nau Rêh Jêng 10:16

Lah saơ hađăch mâu iăt ôh nau khân păng dăn, lĕ rngôch phung ƀon lan plơ̆ lah ma păng pô aơ: “Moh kô̆ hên geh đah Y-Đavit? Hên mâu geh drăp ndơn ôh tâm kon Y-Yêsê. Ơ phung Israel! Ăp nơm plơ̆ sĭt hom ma ngih bok khân may. Ơ Y-Đavit! Ntơm bơh aƀaơ uănh njrăng hom ma ngih may nơm” Pôri, lĕ rngôch phung Israel plơ̆ sĭt ma ngih bok khân păng.

II Nau Rêh Jêng 12:13

Hađăch Rôbôam dơi ƀư nâp sưng păng jêh ri chiă uănh ta Yêrusalem. Nôk păng jêng hađăch, Y-Rôbôam hŏ geh puăn jât ma nguay năm jêh; păng chiă uănh jât ma pơh năm tâm ƀon Yêrusalem, nâm bu ntĭt ƀon Brah Yêhôva hŏ săch jêh tâm phung ndŭl mpôl Israel, gay dơm amoh Păng ta nây. Mê̆ păng amoh jêng H'Naama, bunuyh Ammôn.

Ndrom Samƀŭt bơh Yôp 30:8

Jêng kon bơh bunuyh rluk, sau bơh nơm mâu amoh săk, Bu mprơh lơi khân păng luh bơh n'gor.

Nau Mprơ Ơm 26:4

Gâp mâu gŭ ndrel ma phung mƀruh ôh, Mâu lĕ hăn ndrel ma phung nuih n'hâm nklă.

Nau Hôr 12:11

Mbu nơm kai neh mir păng mra geh ndơ sông sa rmeh ler, Bi ma nơm hăn tĭng bunuyh ƀlao jêng kƀah nau gĭt rbăng.

Nau Hôr 28:19

Mbu nơm kai neh mir mra bêng ndơ sông sa, Ƀiălah mbu nơm hăn tĭng bunuyh ƀlao mra bêng ma nau ndĭt trơi.

Nơm Nti 10:16

Rêh ni ăn ma bri dak geh hađăch hôm ndăm ngăn, Jêh ri geh lĕ phung kôranh mhe ang hŏ rvê nau nhêt sa!

Êsai 3:4

Gâp mra ăn phung ndăm ƀĭt gai khân păng, Jêh ri phung kon se mra chiă uănh khân păng.

Kôranh Oh Mon 17:5

Ƀiălah phung Yuđa tâm rmot, jă âk bunuyh janh ƀai tâm trong sâng, tâm rgum phung âk jêh ri ƀư nau uh ah tâm ƀon. Khân păng n'hoch tât ta ngih Y-Yason, joi nhŭp Y-Pôl jêh ri Y-Silas gay ma njŭn leo tanăp phung ƀon lan.

I Kôrintô 14:20

Hơi phung oh nâu, ma nau gĭt rbăng, lơi jêng nâm bu kon se ôh; ƀiălah ma nau mhĭk, ăn jêng nâm bu kon se. Ma nau gĭt rbăng, ăn jêng nâm bu bunuyh văch ma toyh.

Nau Vay Nkah Tay 13:13

geh lĕ bunuyh mbruh nklă luh bơh ta nklang khân may, têk phung bunuyh gŭ tâm ƀon toyh nây pô aơ: ‘Ăn he hăn jêh ri yơk mbah ma phung brah êng’, jêng lĕ brah khân may mâu hŏ gĭt năl ôh,

Titus 1:10

Geh âk phung bunuyh mâu di keh, lor lơn jêng phung bunuyh ŭch nau koh ntâu, phung vay ngơi âk nau mâu khlay jêh ri phung ndơm; ăn may ƀư ma khân păng gŭ rklăk.

ហេឞ្រើ 5:12

Di lah, aƀaơ aơ khân may dơi jêng phung nti jêh, ƀiălah khân may ŭch bu nti ma khân may nau nơih tâm nau ngơi Brah Ndu ma khân may. Khân may ăt hôm nhêt dak toh ntrok ma ndơ sông sa dăng.

Phung Kôranh Phat Dôih 11:3

Pônây, Y-Jêptê nchuăt du tă bơh phung oh nâu păng jêh ri gŭ tâm n'gor Tôp. Geh du phung blă blơ tâm rnglăp ndrel đah Y-Jêptê jêh ri nsong mblêng pit in ndơ ndrel ma păng.

Phung Kôranh Phat Dôih 9:4

Khân păng ăn ma Y-Abimêlek pơh jât rêl prăk sŏk tă bơh ngih brah Baal-Bêrit. Y-Abimêlek sŏk prăk nây păng nkhôm phung bu klâu djơh mhĭk, blă blơ tĭng ndô̆ păng.

I Samuel 22:2

Lĕ rngôch phung geh nau uh ah, khan rnon bu, jêh ri mâu maak ôh, rƀŭn da dê gŭ jŭm păng, jêh ri păng jêng kôranh chiă uănh ma khân păng. Geh klăp lah puăn rhiăng nuyh hăn tĭng păng.