II Nau Rêh Jêng 13:22 - Nau Brah Ndu Ngơi 2023

²² Lĕ kan ƀaƀă Y-Abija ƀư, lĕ trong hăn jêh ri nau păng ƀư bu nchih da dê jêh tâm ndrom samƀŭt nơm mbơh lor Y-Idô nkoch bri.

II Nau Rêh Jêng 13:22 ပူးပေါင်းရင်းမြစ်များ

II Nau Rêh Jêng 12:15

Lĕ rngôch kan Y-Rôbôam hŏ ƀư bơh ntơm tât lôch, hŏ nchih da dê jêh tâm ndrom samƀŭt nơm mbơh lor Y-Sêmaya jêh ri nơm geh nau tâm saơ Y-Idô, tĭng nau nchih noi deh. Y-Rôbôam đah Y-Jêrôbôam geh nau tâm lơh ƀaƀơ.

II Nau Rêh Jêng 13:21

Bi Y-Abija jêng dăng lơn. Păng sŏk jât ma puăn nuyh ur, geh bar jât ma bar mlâm kon bu klâu, jêh ri jât ma prao nuyh kon bu ur.

II Nau Rêh Jêng 24:27

Bi ma nau kan ma phung kon bu klâu păng, lĕ nau mbơh lor tâm rdâng đah păng, jêh ri nau nkra tay ngih Brah Ndu bu nchih da dê tâm kô̆ nkoch bri ndrom samƀŭt Phung Hađăch. Y-Amasia, kon bu klâu păng, hao klơ sưng hađăch chiă uănh thoi păng.

II Nau Rêh Jêng 9:29

Lĕ nau kan êng Y-Salômôn ƀư ntơm bơh saơm tât lôch nchih tâm ndrom samƀŭt nơm mbơh lor Y-Nathan, tâm ndrom samƀŭt mbơh lor Y-Ahija, bunuyh Silô, jêh ri tâm ndrom samƀŭt nau tâm saơ Y-Idô, nơm gĭt saơ lor nkoch ma Y-Jêrôbôam, kon bu klâu Y-Nêbat.