II Nau Rêh Jêng 13:19 - Nau Brah Ndu Ngơi 2023

¹⁹ Y-Abija tĭng rgot Y-Jêrôbôam jêh ri pit in âk rplay ƀon: Bêthel jêh ri lĕ ƀon jê̆, Jêsana jêh ri lĕ ƀon jê̆, Ephrôn jêh ri lĕ ƀon jê̆ văr jŭm.

II Nau Rêh Jêng 13:19 ပူးပေါင်းရင်းမြစ်များ

Nau Ntơm 28:19

Păng rnha ntŭk nây Bêthel; saơm ri ƀon nây bu rnha Lus.

II Nau Rêh Jêng 13:18

Pôri, tâm nau tâm lơh nây phung tahan Israel geh nau bêk prêng yor nau tâm lơh, bi phung tahan Yuđa dăng lơn, yorlah khân păng rnơm ma Yêhôva Brah Ndu phung chô yau khân păng.

II Nau Rêh Jêng 13:20

Tâm lĕ rnôk Y-Abija chiă uănh, Y-Jêrôbôam mâu hôm dơi geh ktang ôh. Nglĕ dŭt, Brah Yêhôva lơh Y-Jêrôbôam jêh ri păng khĭt.

II Nau Rêh Jêng 15:8

Tơlah Y-Asa hŏ tăng jêh nau ngơi nây jêng nau ngơi mbơh lor bơh nơm mbơh lor Y-Ôdet, ri mơ hađăch ntop nau janh ktang. Păng mƀăr lơi rup brah ƀơ̆ ƀơch luh bơh lam n'gor Yuđa jêh ri Benjamin, jêh ri luh bơh lĕ ƀon păng lĕ pit in jêh ta klơ nkual yôk Êphraim. Păng nkra tay nơng ƀư brah Brah Yêhôva mpeh panăp ndring ngih Brah Yêhôva.

II Nau Rêh Jêng 17:2

Păng dơm phung tahan tâm lĕ rngôch ƀon nâp tâm n'gor Yuđa, ƀư pôih tahan tâm n'gor Yuđa jêh ri tâm lĕ ƀon ta Êphraim jêng lĕ ƀon Y-Asa, mbơ̆ păng hŏ pit in jêh.

Yôhan 11:54

Yor nây, Brah Yêsu mâu hăn mpơl ôh ma phung Yuđa, ƀiălah Păng hăn tâm n'gor dăch bri rdah, tât du ƀon toyh kuăl jêng ƀon Êphraim jêh ri gŭ ndrel ma phung oh mon ta nây.

Yôsuê 10:19

Bi khân may nơm lơi gŭ rlu ôh, tĭng hom phung rlăng khân may, lơh phung tahan khân păng pakơi, lơi ăn khân păng nchuăt du lăp tâm ƀon khân păng ôh, yorlah Yêhôva Brah Ndu khân may hŏ jao jêh khân păng tâm ti khân may.”

Yôsuê 10:39

Păng pit sŏk ƀon nây ndrel ma lĕ rngôch ƀon jê̆, jêh nây nhŭp hađăch păng jêh ri sŏk đao ƀư rai khân păng. Păng ƀư rai lĕ rngôch bunuyh tâm ƀon nây, mâu om du huê hôm gŭ rêh. Păng hŏ ƀư jêh ma ƀon Dêbir jêh ri hađăch ƀon nây tâm ban ma păng hŏ ƀư jêh ma Hêbron jêh ri Lipna nđâp ma hađăch păng.

Yôsuê 11:12

Y-Yôsuê nhŭp đŏng lĕ phung hađăch nây nkhĭt lơi ma đao, jêh nây pit sŏk jêh ri ƀư rai lĕ ƀon khân păng tĭng nâm Y-Môis, oh mon Brah Yêhôva, ntăm jêh.

Yôsuê 15:9

N'har hăn bơh n'gơn yôk tât ma dak n'hor Nêptôa, jêh ri jong tât ta lĕ ƀon tâm yôk Ephrôn; jêh ri hăn trŭnh tât ma aơ jêng Baala, jêng Kiriat-Jêarim.

I Samuel 31:7

Phung Israel mpeh đah ri rlŭng jêh ri mpeh kơh đah ri dak krong Yurdan, saơ jêh phung tahan Israel nchuăt du, Y-Sôl jêh ri pe phung kon bu klâu păng khĭt jêh, khân păng chalơi ƀon jêh ri nchuăt du. Phung Philistin văch tât pit sŏk jêh ri gŭ tâm ƀon nây.