II Nau Rêh Jêng 13:18 - Nau Brah Ndu Ngơi 2023

¹⁸ Pôri, tâm nau tâm lơh nây phung tahan Israel geh nau bêk prêng yor nau tâm lơh, bi phung tahan Yuđa dăng lơn, yorlah khân păng rnơm ma Yêhôva Brah Ndu phung chô yau khân păng.

II Nau Rêh Jêng 13:18 ပူးပေါင်းရင်းမြစ်များ

II Phung Hađăch 18:5

Y-Hêsêkia nsing ma Yêhôva Brah Ndu Israel, tât mâu geh nơm nâm bu păng tâm lĕ rngôch phung hađăch Yuđa pakơi ma păng, mâu geh lĕ tâm phung hađăch lor panăp păng.

I Nau Rêh Jêng 5:20

Dôl khân păng tâm lơh, khân păng vơl dăn ma Brah Ndu, jêh ri yorlah khân păng geh nuih n'hâm rnơm nsing ma Păng, pôri Păng kơl rklaih an, jao phung Hagrit jêh ri lĕ rngôch phung tĭng păng tâm ti khân păng.

II Nau Rêh Jêng 13:17

Y-Abija jêh ri phung tahan păng lơh rai jêh ri ƀư ma phung tahan Israel khĭt âk ngăn bunuyh; geh prăm rsen bunuyh tahan janh ktang tâm phung Israel khĭt.

II Nau Rêh Jêng 13:19

Y-Abija tĭng rgot Y-Jêrôbôam jêh ri pit in âk rplay ƀon: Bêthel jêh ri lĕ ƀon jê̆, Jêsana jêh ri lĕ ƀon jê̆, Ephrôn jêh ri lĕ ƀon jê̆ văr jŭm.

II Nau Rêh Jêng 14:10

Y-Asa jă hăn tâm lơh jêh ri nkrĭp dăp tahan tâm rlŭng Sêphatha dăch ta Marêsa.

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

Nau Mprơ Ơm 146:5

Ueh maak yơh ma nơm geh Brah Ndu Yakôb jêng nơm kơl păng, N'gân nau păng kâp gân tâm Yêhôva Brah Ndu!

Nau Mprơ Ơm 25:2

Ơ Brah Ndu gâp! Gâp rnơm nsing ma May. Ăn gâp mâu geh bêk prêng ôh; Lơi ăn phung rlăng dơi lơn ma gâp.

Daniel 3:28

Hađăch Nêbukatnetsar lah: “Tâm rnê ma Brah Ndu Y-Sadrak, Y-Mêsăk, jêh ri Y-Abetnêgô, Nơm njuăl jêh tông mpăr Păng văch jêh ri tâm rklaih phung oh mon Păng. Khân păng gĭt rnơm nsing ma Păng, janh tâm rgâl nau hađăch ntăm, jêh ri sân săk jăn gay mâu pah kan jêh ri yơk mbah ma brah êng ôh padih Brah Ndu khân păng nơm.

Nahum 1:7

Brah Yêhôva jêng ueh ngăn, Jêng pôih nâp tâm nar rêh ni; Păng gĭt phung du krap tâm ntŭk Păng.

Êphêsô 1:12

gay ma he, jêng phung bunuyh lor lơn kâp gân tâm Brah Krist, tâm rnê ma nau chrêk rmah Păng.