II Nau Rêh Jêng 13:15 - Nau Brah Ndu Ngơi 2023

¹⁵ Nôk nây, phung Yuđa nter troh rduh tâm lơh. Nôk phung Yuđa nter troh, Brah Ndu lơh Y-Jêrôbôam jêh ri lĕ rngôch phung Israel tra năp măt Y-Abija jêh ri phung Yuđa.

II Nau Rêh Jêng 13:15 ပူးပေါင်းရင်းမြစ်များ

II Phung Hađăch 5:1

Y-Naaman, kôranh chiă uănh ma phung tahan hađăch Aram, jêng du huê bunuyh geh nau ktang jêh ri geh nau yơk ngăn tanăp kôranh păng nơm, yorlah ma păng, Brah Yêhôva ăn nau dơi ma phung Aram. Nđâp tơlah păng jêng du huê tahan janh ktang, ƀiălah Y-Naaman geh ji phŭng.

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

II Nau Rêh Jêng 14:12

Brah Yêhôva lơh rai phung tahan Kus tanăp măt phung Yuđa jêh ri hađăch Asa; phung tahan Kus nchuăt du.

II Nau Rêh Jêng 18:31

Lah phung kôranh tahan ƀĭt ndeh seh saơ Y-Jôsaphat, khân păng lah: “Aơ jêng hađăch Israel!” Khân păng plơ̆ ro hăn lơh hađăch. Y-Jôsaphat kuăl rklaih jêh ri Brah Yêhôva rklaih păng. Brah Ndu ƀư ăn phung rlăng du tă bơh păng,

II Nau Rêh Jêng 20:21

Hađăch tâm chră jêh đah phung ƀon lan jêh ri păng dơm phung mprơ gay mât ton ma Brah Yêhôva. Khân păng nsoh ao kloh ueh, n'ho chuat panăp phung tahan n'ho tâm rnê Brah Ndu pô aơ: “Tâm rnê lah ueh hom ma Brah Yêhôva, Yorlah nau ueh Păng hôm e tât ƀaƀơ n'ho ro.”

II Nau Rêh Jêng 20:22

Tơlah khân păng ntơm mprơ tâm rnê, Brah Yêhôva dơm du phung gŭ kâp dâp hăn lơh ma phung tahan dôl hăn lơh phung Yuđa jêng phung Ammôn, phung Môap jêh ri phung gŭ ta yôk Sêir, jêh ri ƀư ăn phung tahan nây roh rai.

Nau Mprơ Ơm 47:1

Hơi lĕ rngôch ntil mpôl bunuyh, tap ti hom! Troh hom nau maak ma Brah Ndu.

Nau Mprơ Ơm 47:5

Brah Ndu hao gŭ nklang bâr troh maak, Brah Yêhôva hao gŭ tâm bâr nŭng.

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Nau Kơp Bunuyh 32:4

Brah Yêhôva tâm lơh dơi jêh tanăp phung Israel tâm rƀŭn, jêng n'gor ueh ma nau rong chiăp mpô mpa rong. Rlau lơn ma nĕ, phung oh mon may geh âk mpôl mpô mpa rong.

Yôsuê 11:8

jêh ri Brah Yêhôva jao khân păng tâm ti phung Israel. Y-Yôsuê jêh ri lĕ rngôch phung tahan lơh khân păng, tĭng lơh khân păng tât ta ƀon Sidôn Toyh, tât ta ƀon Misrêpôt-Maim, jêh ri tât ta rlŭng Mispê mpeh luh nar. Khân păng nkhĭt lĕ rngôch phung tâm lĕ ƀon nây, mâu om du huê nuyh hôm rêh.

Yôsuê 6:16

Tât tal pơh, tơlah phung kôranh ƀư brah uh nŭng, Y-Yôsuê lah ma phung ƀon lan: “Troh nter hom, yorlah Brah Yêhôva hŏ ăn jêh ƀon aơ ma khân may.

Yôsuê 6:20

Pônây phung ƀon lan troh nter jêh ri phung kôranh ƀư brah uh nŭng. Tơlah phung ƀon lan tăng bâr nŭng, khân păng troh nter dŭt huy jêh ri mpêr ƀon rlâm lĕ; phung ƀon lan hao lăp tâm ƀon, ăp nơm hăn hao song panăp jêh ri pit sŏk ƀon.

Phung Kôranh Phat Dôih 4:15

Brah Yêhôva ƀư ma Y-Sisêra jêh ri lĕ rngôch ndeh seh loih nđâp ma lĕ phung tahan păng du nchuăt rŭng răng panăp măt đao Y-Barak. Y-Sisêra jŭr tă bơh ndeh seh jêh ri nchuăt du.