II Nau Rêh Jêng 13:14 - Nau Brah Ndu Ngơi 2023

¹⁴ Tơlah phung Yuđa n'gĭl uănh, ri, phung rlăng hŏ êp panăp jêh ri pakơi khân păng. Khân păng nter vơh vơl ma Brah Yêhôva ro, bi phung kôranh ƀư brah uh nŭng.

II Nau Rêh Jêng 13:14 ပူးပေါင်းရင်းမြစ်များ

I Nau Rêh Jêng 5:20

Dôl khân păng tâm lơh, khân păng vơl dăn ma Brah Ndu, jêh ri yorlah khân păng geh nuih n'hâm rnơm nsing ma Păng, pôri Păng kơl rklaih an, jao phung Hagrit jêh ri lĕ rngôch phung tĭng păng tâm ti khân păng.

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

II Nau Rêh Jêng 18:31

Lah phung kôranh tahan ƀĭt ndeh seh saơ Y-Jôsaphat, khân păng lah: “Aơ jêng hađăch Israel!” Khân păng plơ̆ ro hăn lơh hađăch. Y-Jôsaphat kuăl rklaih jêh ri Brah Yêhôva rklaih păng. Brah Ndu ƀư ăn phung rlăng du tă bơh păng,

II Nau Rêh Jêng 32:20

Hađăch Hêsêkia jêh ri nơm mbơh lor Y-Êsai, kon bu klâu Y-Amôt mbơh sơm yor nau nây jêh ri vơl nđor ma klơ trôk.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 91:5

May mâu mra klach ôh ma nau djơh mhĭk dôl măng Mâu lah hăr mpăr dôl nar,

Nau Ngluh Êjipt 14:10

Lah Pharaôn tât dăch, phung ƀon lan Israel n'gơr uănh saơ phung Êjipt dôl hăn tĭng. Khân păng klach hâu ngăn, nter lŭng ma Brah Yêhôva.

Nau Kơp Bunuyh 10:9

Nôk tâm n'gor geh tâm lơh jêh ri ăn khân may hăn du luh tâm lơh tâm rdâng đah phung rlăng tŭn jot khân may, pôri khân may mra uh nŭng ăn hăn tâm lơh. Nôk nây taơ, Brah Yêhôva Brah Ndu khân may mra kah gĭt ma khân may jêh ri rklaih ma khân may luh bơh phung rlăng.

Yôsuê 6:16

Tât tal pơh, tơlah phung kôranh ƀư brah uh nŭng, Y-Yôsuê lah ma phung ƀon lan: “Troh nter hom, yorlah Brah Yêhôva hŏ ăn jêh ƀon aơ ma khân may.

Yôsuê 8:20

Lah phung ƀon Ai uănh pakơi saơ nhhŭk ŭnh tâm ƀon thŭl leo klơ trôk jêh ri khân păng mâu hôm nchuăt du trong aơ mâu lah trong ri ôh, yorlah phung tahan Israel nchuăt du jêh mpeh bri rdah plơ̆ tay lơh phung tĭng khân păng.