II Nau Rêh Jêng 12:8 - Nau Brah Ndu Ngơi 2023

⁸ Ƀiălah, khân păng mra pah kan ma Y-Sisăk gay ma khân păng gĭt mâm nau pah kan ma Gâp jêh ri mâm nau pah kan ma lĕ bri dak êng.”

II Nau Rêh Jêng 12:8 ပူးပေါင်းရင်းမြစ်များ

Nêhêmi 9:36

Aơ, nar aơ hên ƀư dĭk, Hên ƀư dĭk tâm bri Kôranh Brah hŏ ăn jêh ma chô yau hên Gay sa kao play jêh ri play bơh neh ueh tâm n'gor nây.

Nau Mprơ Ơm 106:42

Phung rlăng ăt tŭn jot khân păng. Khân păng lăp gŭ tâm dâng ti phung rlăng.

Êsai 26:13

Ơ Yêhôva Brah Ndu hên, Rlau ma Păng, hên hŏ tă geh phung kôranh êng chiă uănh, Ƀiălah aƀaơ, hên knŏng rnơm nsing du huê May dơm Jêh ri vah vơl dăn ma amoh May.

Yêrêmi 10:24

Mbah Brah Yêhôva, dăn nkra nti gâp, ƀiălah tâm nau di; Mâu di ôh tâm nau ji nuih, Klach lah May ăn gâp rai lơi.

Ndrom Samƀŭt bơh Ôsê 8:10

Nđâp tơlah khân păng nkhôm âk gay tâm rnglăp đah lĕ bri dak Pôri abaơ ăt Gâp mra tâm rgum khân păng. Gay mâu jŏ đŏng ôh khân păng ntơm râm nsâr Tâm dâng bơh hađăch jêh ri phung kôranh chiă uănh.

Phung Kôranh Phat Dôih 3:1

Brah Yêhôva hôm e om phung ƀon lan gay rlong uănh phung ƀon lan Israel jêng phung ê hŏ prot găn nau tâm lơh ta Kanaan.

Phung Kôranh Phat Dôih 3:2

Păng knŏng ŭch ntăm nti ma lĕ rngôch rô̆ mhe phung Israel dơi gĭt nau tâm lơh, jêh ri nti đŏng ma phung ê hŏ prot gĭt nau tâm lơh.