II Nau Rêh Jêng 12:6 - Nau Brah Ndu Ngơi 2023

⁶ Nôk nây, phung kôranh chiă uănh Israel jêh ri hađăch ntrŭnh săk khân păng nơm, jêh ri lah pô aơ: “Brah Yêhôva jêng sŏng srăng.”

II Nau Rêh Jêng 12:6 ပူးပေါင်းရင်းမြစ်များ

II Nau Rêh Jêng 12:12

Yorlah Y-Rôbôam ntrŭnh săk, pôri nau ji nuih bơh Brah Yêhôva du ngai đah păng jêh ri păng mâu geh roh rai lĕ rngôch ôh; jêh ri n'gor Yuđa ăt hôm dơn lĕ nau ueh.

II Nau Rêh Jêng 21:2

Phung kon bu klâu Y-Jôsaphat, phung oh Y-Jôram, jêng Y-Asaria, Y-Jêhiêl, Y-Sakari, Y-Asaria, Y-Mikel jêh ri Y-Sêphatia; lĕ rngôch phung nây jêng phung kon bu klâu Y-Jôsaphat, hađăch Israel.

II Nau Rêh Jêng 32:26

Ƀiălah, Y-Hêsêkia jêh ri phung ƀon lan gŭ ta Yêrusalem ntrŭnh săk ma nau dêh rhêt, mâu hôm sưr, pôri nau Brah Yêhôva ji nuih mâu tât ôh rô̆ Y-Hêsêkia.

II Nau Rêh Jêng 33:12

Nôk păng gŭ tâm nau rêh ni, păng vah vơl dăn ma Yêhôva Brah Ndu, jêh ri ntrŭnh săk păng nơm tanăp Brah Ndu phung chô yau păng.

II Nau Rêh Jêng 33:19

Nau păng mbơh sơm jêh ri nau Brah Ndu dơn nau păng vơl, lĕ nau păng ƀư tih jêh ri lĕ nau păng mâu gŭ răp jăp ôh, lĕ ntŭk prêh păng hŏ ndâk, rup brah Asêrim jêh ri rup brah trah, êlor ma păng ntrŭnh săk păng nơm; lĕ rngôch bu nchih da dê tâm ndrom samƀŭt Y-Hôxai.

II Nau Rêh Jêng 33:23

Hađăch Amôn mâu ŭch ntrŭnh săk păng nơm tanăp măt Brah Yêhôva nâm bu Y-Manasê, mbơ̆ păng hŏ ƀư jêh, ƀiălah păng ƀư tih lơ hâu lơn.

Ndrom Samƀŭt bơh Yôp 33:27

Bunuyh nây mra mprơ tanăp kon bunuyh pô aơ: ‘Gâp hŏ ƀư tih jêh ri nkê̆ch ăn kue nau sŏng, Ƀiălah mâu geh ôh nau rmal nâm bu nau gâp mra dơn.

Nau Mprơ Ơm 129:4

Brah Yêhôva jêng sŏng srăng; Păng hŏ koh jêh rse phung ƀai kât.

Nau Ngluh Êjipt 10:3

Y-Môis jêh ri Y-Arôn hăn tât ta Pharaôn jêh ri lah: “Brah Yêhôva jêng Brah Ndu phung Hêbrơ lah: ‘Ndah nâm jŏ may mâu ŭch ntrŭnh may nơm tanăp măt Gâp? Ăn phung ƀon lan Gâp hăn, gay ma khân păng dơi pah kan ma Gâp.

Nau Ngluh Êjipt 9:27

Pharaôn kuăl Y-Môis jêh ri Y-Arôn hăn văch jêh ri lah: “Tal aơ gâp hŏ ƀư tih jêh. Brah Yêhôva jêng sŏng srăng, bi gâp jêh ri phung ƀon lan gâp jêng tih da dê.

Yêrêmi 13:15

Iăt hom, rkêng tôr iăt hom, lơi ta sưr, Yorlah Brah Yêhôva hŏ lah jêh.

Yêrêmi 13:18

Lah hom ma hađăch jêh ri mê̆ hađăch pô aơ: “Dăn trŭnh bơh sưng hađăch gŭ tâm dâng neh, Yorlah đon hađăch chrêk lơp Hŏ tŭp bơh bôk lĕ bunuyh jêh.”

Yêrêmi 44:10

Kŏ tât ma nar aơ, khân păng ăt mâu mâp rmal nau tih, mâu klach yơk lĕ, mâu lĕ rêh tĭng nau vay jêh ri nau vay dăp Gâp hŏ njêng jêh tanăp khân may jêh ri phung chô yau khân ay may.’

Nau Nhĭm Vơl 1:18

“Brah Yêhôva jêng Nơm sŏng srăng, Yorlah gâp hŏ tâm rdâng jêh đah nau păng ntĭnh. Iăt hom, hơi lĕ rngôch phung ƀon lan, Uănh hom ma nau rêh ni gâp! Phung bu klâu ndăm, bu ur druh gâp Lĕ hăn ƀư bu nă jêh.

Daniel 5:22

Bi may, ơ hađăch Belsasar, kon bu klâu păng nây, nđâp lah may gĭt jêh lĕ rngôch nau nây, nuih n'hâm may ăt mâu ŭch tông yơk djê̆ lê̆ ôh.

Daniel 9:14

Yor nây, Brah Yêhôva kâp rơm ndrăp jêh ri nkhŭt nau mhĭk aơ ta klơ hên yor Yêhôva Brah Ndu hên jêng sŏng srăng tâm lĕ kan May pah, knŏng hên mâu ŭch tông ôh bâr May.

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Luka 18:14

Gâp mbơh ma khân may, bunuyh aơ plơ̆ sĭt ta ngih păng, dơi kơp sŏng srăng, mâu di bunuyh ri. Yorlah mbu n'hao êng mra hŭch tâm dâng, ƀiălah mbu nơm hŭch tâm dâng êng mra n'hao.”

Samƀŭt Pôl Njuăl Ăn Ma Phung Nsing Ta Ƀon Rôm 10:3

Dôl khân păng mâu gĭt năl nau sŏng srăng Brah Ndu jêh ri joi nau njêng nau sŏng srăng êng khân păng nơm, pôri khân păng mâu tông ma nau sŏng srăng Brah Ndu ôh;

Yakơ 4:10

Ntrŭnh hom săk jăn khân may tanăp Kôranh Brah ri mơ Păng mra n'hao khân may klơ.

Yakơ 4:6

Ƀiălah păng ăn nau yô̆ toyh lơn, yor nây Nau Brah Ndu Ngơi lah: “Brah Ndu tâm rdâng đah phung sưr, ƀiălah ăn ma nau yô̆ ma phung dêh rhêt.”

Phung Kôranh Phat Dôih 1:7

Y-Adôni-Bêsek lah: “Geh pơh jât hađăch gâp koh jêh nglau ti me jêh ri nglau jâng me, dônh ndơ sông sa rmeh tŭp tâm dâng sưng gâp sông. Gâp hŏ ƀư nau nây yor ri Brah Ndu har plơng tay gâp.” Bu leo păng tât ta ƀon toyh Yêrusalem jêh ri păng khĭt ta nây.