II Nau Rêh Jêng 12:5 - Nau Brah Ndu Ngơi 2023

⁵ Nơm mbơh lor Y-Sêmaya hăn tâm mâp đah Y-Rôbôam jêh ri đah phung kôranh chiă uănh Yuđa dôl gŭ tâm rƀŭn ta Yêrusalem gay du ndĕ bơh Y-Sisăk. Păng lah ma khân păng: “Brah Yêhôva lah: ‘Khân may lĕ chalơi jêh Gâp, pôri Gâp jao khân may tâm ti Y-Sisăk.’”

II Nau Rêh Jêng 12:5 ပူးပေါင်းရင်းမြစ်များ

II Samuel 24:14

Y-Đavit lah ma Y-Gat: “Gâp tŭp tâm nau rêh ni toyh ngăn! Pônây, ăn he tŭp tâm ti Brah Yêhôva, yorlah nau Păng yô̆ nđach toyh ngăn; ƀiălah lơi ăn gâp tŭp tâm ti bunuyh ôh.”

I Phung Hađăch 12:22

Ƀiălah geh nau Brah Ndu ngơi ma Y-Sêmaya, bunuyh Brah Ndu:

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

II Nau Rêh Jêng 11:2

Ƀiălah geh nau Brah Yêhôva ngơi ma Y-Sêmaya, bunuyh Brah Ndu, pô aơ:

II Nau Rêh Jêng 12:15

Lĕ rngôch kan Y-Rôbôam hŏ ƀư bơh ntơm tât lôch, hŏ nchih da dê jêh tâm ndrom samƀŭt nơm mbơh lor Y-Sêmaya jêh ri nơm geh nau tâm saơ Y-Idô, tĭng nau nchih noi deh. Y-Rôbôam đah Y-Jêrôbôam geh nau tâm lơh ƀaƀơ.

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

II Nau Rêh Jêng 24:20

Huêng Brah Brah Ndu tât Y-Sakari, kon bu klâu kôranh ƀư brah Y-Jêhôida. Păng gŭ tanăp phung ƀon lan jêh ri lah: “Brah Ndu lah: ‘Mâm ƀư khân may ƀư tih nau vay Brah Yêhôva ntăm? Khân may mâu mra dơi jêng yorlah khân may hŏ chalơi Brah Yêhôva, jêh ri Brah Yêhôva lĕ chalơi jêh khân may tâm ban lĕ.’ ”

Nau Mprơ Ơm 37:33

Ƀiălah Brah Yêhôva mâu ăn bunuyh nây tâm ti păng, Mâu lĕ ăn bu kơp păng tih tơlah bu djôt hăn phat dôih.

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Yêrêmi 23:33

“Dôl phung ƀon lan aơ, mâu lah du huê nơm mbơh lor, mâu lah du huê kôranh ƀư brah, ôp may pô aơ: ‘Moh ndơ Brah Yêhôva ƀư jâk?’ May plơ̆ lah: ‘May nơm yơh jêng ƀư jâk,’ jêh ri Brah Yêhôva lah: ‘Gâp mra chalơi lĕ khân may.’

Yêrêmi 4:18

“Trong jêh ri nau kan may Hŏ ƀư ăn may lĕ nau nây. Nây jêng nau nglĕ dŭt rêh ni may, rngot ngăn ngên! Rngot ngăn ngên kŏ tât tâm trôm nuih n'hâm.”

Yêrêmi 5:19

Dôl khân păng lah: ‘Mâm ƀư Yêhôva Brah Ndu he ntrŭnh lĕ nau nây ta klơ phung he?’ pôri may ngơi hom đah khân păng pô aơ: ‘Khân may hŏ chalơi Gâp jêh ri pah kan lĕ brah bu năch tâm neh may nơm mâm ƀư, lĕ khân may ăt mra pah kan ma phung ƀon lan bu năch tâm n'gor mâu di bri phung khân may tâm ban lĕ.’