II Nau Rêh Jêng 12:2 - Nau Brah Ndu Ngơi 2023

² Yorlah khân păng ƀư tih đah Brah Yêhôva, tâm năm rơh prăm rnôk rô̆ hađăch Rôbôam, Y-Sisăk, hađăch n'gor Êjipt, leo phung tahan hăn lơh Yêrusalem.

II Nau Rêh Jêng 12:2 ပူးပေါင်းရင်းမြစ်များ

I Phung Hađăch 11:40

Y-Salômôn joi nau gay nkhĭt Y-Jêrôbôam, ƀiălah Y-Jêrôbôam dâk nchuăt jêh rlet ma Êjipt, văch tât ma Y-Sisăk, hađăch n'gor Êjipt, jêh nây gŭ ta nây kŏ tât Y-Salômôn khĭt.

II Phung Hađăch 7:6

Yorlah Kôranh Brah hŏ ƀư ăn ma phung tahan Aram tăng nteh ndeh seh, nteh seh jêh ri nteh du phung tahan toyh ngăn, pôri khân păng lah ndrăng khân păng pô aơ: “Aơ, hađăch Israel hŏ manh phung hađăch Hitit jêh ri Êjipt gay văch lơh he.”

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

II Nau Rêh Jêng 14:8

Y-Asa geh du phung tahan pe rsen nuyh phung Yuđa, hŏ ndrăp rǐng khêl jêh ri tak, bar rsen pham rmưn phung Benjamin, hŏ ndrăp khêl jêh ri na; lĕ rngôch jêng phung tahan janh ktang.

II Nau Rêh Jêng 14:9

Y-Sêra, bunuyh Kus, jă du rkeh phung tahan văch tâm lơh đah khân păng ndrel ma pe rhiăng ndeh seh hăn lơh phung Yuđa, jêh ri khân păng hăn văch tât ta Marêsa.

II Nau Rêh Jêng 24:18

chalơi ngih Yêhôva Brah Ndu phung chô yau khân păng, jêh ri pah kan ma phung brah Asêrah jêh ri ma phung rup brah êng. Yor nau tih nây, nau Kôranh Brah ji nuih tât ta phung Yuđa jêh ri phung ƀon Yêrusalem.

Êsai 18:2

May njuăl nơm mbơh dŏng rkĭt ƀư ma rpho găn dak mƀŭt, Hăn ta klơ mpiăt dak! Ơ phung mbơh hăn ngăch, Hăn hom ta du bri dak geh phung mpôl jong jêh ri ntâu pler, Tât ma du phung ƀon lan êp ngai ăt bu klach, Du bri dak ktang jêh ri vay tŭn jot, Jêng bri dak geh âk dak krong tâm pă.

Êsai 63:10

Ƀiălah khân păng hŏ tâm rdâng Jêh ri ƀư rngot jêh Brah Huêng Ueh Păng; Yor nây, Păng plơ̆ jêng nơm rlăng đah khân păng, Păng nơm yơh tâm lơh đah khân păng.

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Nau Nhĭm Vơl 5:15

Nuih n'hâm hên roh lĕ nau maak, Nau pâl ntalơ̆ rgâl jêng nau rngot klâng.