II Nau Rêh Jêng 12:14 - Nau Brah Ndu Ngơi 2023

¹⁴ Y-Rôbôam ƀư nau mhĭk yorlah păng mâu joi Brah Yêhôva ma lĕ nuih n'hâm.

II Nau Rêh Jêng 12:14 ပူးပေါင်းရင်းမြစ်များ

I Phung Hađăch 14:22

Phung Yuđa ƀư nau mhĭk tanăp măt Brah Yêhôva. Yor tă nau tih khân păng hŏ ƀư tih, khân păng nsônh Brah Yêhôva ji nuih, rmeh lơn ma phung chô yau khân păng hŏ ƀư jêh.

I Nau Rêh Jêng 29:18

Hơi Yêhôva Brah Ndu phung chô yau hên jêng Y-Abraham, Y-Isăk, jêh ri Y-Israel! Dăn ăn ma phung ƀon lan May djôt prăp mro nau ton jêh ri nau mĭn nây tâm nuih n'hâm, jêh ri ăn ma nuih n'hâm khân păng gŭ mpeh ma May.

II Nau Rêh Jêng 11:16

Tâm ndŭl mpôl Israel, mbu nơm lĕ nuih n'hâm tĭng joi Yêhôva Brah Ndu tâm phung Israel tĭng ndô̆ phung kôranh ƀư brah da dê, jêh ri phung Lêvi hăn tât ta ƀon Yêrusalem gay nhhơr ndơ ƀư brah ma Yêhôva Brah Ndu chô yau khân păng nơm.

II Nau Rêh Jêng 19:3

Ƀiălah tâm may hôm geh nau ueh, yorlah may pih kloh jêh lĕ rup brah Asêrah ngluh lơi bơh n'gor bri, jêh ri lĕ nuih n'hâm tǐng joi Brah Ndu.”

II Nau Rêh Jêng 30:19

“Dăn ma Brah Yêhôva jêng Nơm ueh, yô̆ an nau tih ma lĕ rngôch bunuyh hŏ lĕ nuih n'hâm tĭng joi Yêhôva Brah Ndu phung chô yau khân păng, nđâp lah mâu hŏ di ôh nau vay ƀư kloh tâm ngih brah kloh ueh gay ƀư kloh khân păng nơm.”

Nau Mprơ Ơm 57:7

Ơ Brah Ndu, nuih n'hâm gâp nâp, Nuih n'hâm gâp nâp; Gâp mra mprơ jêh ri ma bâr mprơ tâm rnê.

Nau Mprơ Ơm 78:37

Nuih n'hâm khân păng mâu jêng nâp ôh đah Brah Ndu, Khân păng mâu đŏng gŭ răp jăp đah nau Brah Ndu tâm rnglăp.

Nau Mprơ Ơm 78:8

Jêh ri ăn khân păng mâu tâm ban ôh ma phung chô yau khân păng, Jêng ndŭl mpôl dăng bôk jêh ri uh ah, Du ndŭl mpôl mâu geh nuih n'hâm nâp Jêh ri mâu geh răp jăp đah Brah Ndu.

Êsai 45:19

“Gâp mâu mâp ngơi ndâp ôh, Mâu lĕ ngơi tâm bri nau ngo. Gâp mâu mâp lah ôh ma phung kon sau Yakôb pô aơ: ‘Di lĕ khân may joi Gâp jêng dơm dam?’ Gâp yơh Brah Yêhôva, Nơm ngơi nau sŏng srăng, Mbơh nau nanê̆ ngăn.”

Êsêkiêl 33:31

Khân păng n'hoch lĕ rngôch mpôl văch ma may; phung ƀon lan Gâp gŭ tanăp măt may jêh ri iăt nau may ƀiălah khân păng mâu tĭng ƀư ôh. Mbung khân păng ngơi âk bêng ma nau rŏng ƀiălah nuih n'hâm knŏng joi nau mâu tâm di.

Mathay 7:7

Dăn hom, mra dơi geh; joi hom, mra saơ; goh hom, mpông mra pơk ăn ma khân may.

I Kôrintô 15:58

Pôri, hơi phung oh nâu gâp rŏng ngăn ngên, gŭ nâp hom, lơi mpât n'gơ, ƀư hom âk rmeh nau kan ma Kôranh Brah, dôl khân may gĭt kan khân may pah mâu mra jêng dơm dam ôh tâm Kôranh Brah.

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

Nau Vay Nkah Tay 5:29

Tơlah phung ƀon lan aơ geh nuih n'hâm klach yơk ƀaƀơ ma Gâp, djôt prăp lĕ nau vay ntăm bơh Gâp mro, ri mơ khân păng jêh ri phung kon sau khân păng mra dơi geh nau ueh uĭn n'ho ro!

I Samuel 7:3

Nôk nây, Y-Samuel lah ma lĕ rngôch ngih Israel: “Tơlah khân may plơ̆ sĭt tay ma Brah Yêhôva ma lĕ nuih n'hâm khân may, mƀăr lơi phung brah mâu năl jêh ri rup brah bu ur Astarôt tă bơh khân may. Mƀŏng hom nuih n'hâm khân may ma Brah Yêhôva jêh ri knŏng pah kan du huê Păng dơm, ri mơ Păng mra tâm rklaih khân may tă bơh ti phung Philistin.”