II Nau Rêh Jêng 12:1 - Nau Brah Ndu Ngơi 2023

¹ Tơlah bri dak Y-Rôbôam chiă uănh jêng nâp jêh ri ktang jêh, păng nđâp ma phung Israel chalơi lĕ nau vay Brah Yêhôva.

II Nau Rêh Jêng 12:1 ပူးပေါင်းရင်းမြစ်များ

I Phung Hađăch 12:17

Hôm phung Israel dôl gŭ tâm lĕ ƀon Yuđa, Y-Rôbôam chiă uănh khân păng.

I Phung Hađăch 14:21

Y-Rôbôam, kon bu klâu Y-Salômôn, chiă uănh tâm Yuđa. Tơlah gŭ ta sưng hađăch, Y-Rôbôam hŏ geh puăn jât ma nguay năm. Hađăch chiă uănh jât ma pơh năm tâm ƀon Yêrusalem, ƀon Brah Yêhôva hŏ săch tâm phung ndŭl mpôl Israel, gay dơm amoh Păng ta nây. Mê̆ păng amoh jêng H'Naama, bunuyh Ammôn.

I Phung Hađăch 9:9

Bu mra plơ̆ lah pô aơ: ‘Nây jêng yorlah khân păng chalơi jêh Yêhôva Brah Ndu khân păng, Nơm hŏ njŭn leo phung chô yau khân păng du luh bơh Êjipt. Khân păng tĭng ndô̆ phung brah êng, yơk mbah phung brah nây jêh ri pah kan ma khân păng. Yor ri, Brah Yêhôva ăn tât lĕ nau mhĭk aơ ma khân păng.’ ”

II Phung Hađăch 17:19

Phung Yuđa mâu đŏng djôt prăp lĕ nau vay Yêhôva Brah Ndu ntăm khân păng. Khân păng hăn tĭng lĕ nau vay phung Israel hŏ nkra jêh.

II Nau Rêh Jêng 11:17

Tâm pe năm, khân păng ƀư ăn ƀon bri hađăch Yuđa dơi nâp ktang jêh ri kơl Y-Rôbôam, kon Y-Salômôn, dơi geh jêng; yorlah tâm pe năm nây, khân păng tĭng ndô̆ trong Y-Đavit jêh ri Y-Salômôn.

II Nau Rêh Jêng 11:23

Y-Rôbôam geh nau blau mĭn jêh ri tâm pă phung kon bu klâu păng hăn gŭ lam lĕ ƀon toyh nâp ktang tâm lĕ n'gor Yuđa jêh ri Benjamin, ƀơk ăn khân păng ăp ntil ndơ sông sa rmeh ler jêh ri văng nđăp âk ur ma khân păng.

II Nau Rêh Jêng 11:3

“Lah hom ma hađăch Yuđa jêng Y-Rôbôam, kon Y-Salômôn, jêh ri ma lĕ rngôch phung Israel tâm n'gor Yuđa jêh ri n'gor Benjamin pơ aơ:

II Nau Rêh Jêng 12:13

Hađăch Rôbôam dơi ƀư nâp sưng păng jêh ri chiă uănh ta Yêrusalem. Nôk păng jêng hađăch, Y-Rôbôam hŏ geh puăn jât ma nguay năm jêh; păng chiă uănh jât ma pơh năm tâm ƀon Yêrusalem, nâm bu ntĭt ƀon Brah Yêhôva hŏ săch jêh tâm phung ndŭl mpôl Israel, gay dơm amoh Păng ta nây. Mê̆ păng amoh jêng H'Naama, bunuyh Ammôn.

II Nau Rêh Jêng 24:18

chalơi ngih Yêhôva Brah Ndu phung chô yau khân păng, jêh ri pah kan ma phung brah Asêrah jêh ri ma phung rup brah êng. Yor nau tih nây, nau Kôranh Brah ji nuih tât ta phung Yuđa jêh ri phung ƀon Yêrusalem.

Êsai 1:4

Rêh ni yơh ma bri dak ƀư nau tih, Phung ƀon lan ƀư nau tih jâk jêr Noi deh ƀư mhĭk, Phung kon gŭ ƀư nau ƀơ̆ ƀơch! Khân păng chalơi jêh Brah Yêhôva, Mưch rmot ma Nơm Kloh Ueh Israel, Plơ̆ jêng bu êng jêh ri nkhah du.

Yêrêmi 2:31

Hơi phung bunuyh tâm rô̆ aơ! Mĭn rvê hom nau Brah Yêhôva: Di lĕ đah phung Israel, Gâp jêng du ntŭk bri rdah, Du ntŭk n'gor neh ngo klĕng vêt vê hĕ? Mâm ƀư phung ƀon lan Gâp lah: ‘Ntŭk phung hên ŭch hăn mra hăn yơh, Phung hên mâu mra tât đah May đŏng ôh’?

Ndrom Samƀŭt bơh Ôsê 13:1

Ăp tơ̆ Êphraim ngơi, bu râm nsâr; Păng n'hao dơi geh nau bu yơk tâm n'gor Israel. Ƀiălah yor tih jêh mbah brah Baal, Yor nây păng mra khĭt.

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.

Nau Vay Nkah Tay 32:15

Dôl Yêsurun văch ma lay jêh ri chưng, — Khân may lay đŏng, săk jăn rmŏng — Chalơi Brah Ndu, Nơm njêng jêh khân may nơm Jêh ri mưch ma Lŭ Toyh tâm rklaih khân may nơm.

Nau Vay Nkah Tay 32:18

Khân may mâu mĭn rvê ôh ma Lŭ Toyh hŏ njêng jêh khân may nơm Jêh ri chuêl jêh Brah Ndu Nơm ăn nau rêh.

Phung Kôranh Phat Dôih 2:15

Ăp tơ̆ khân păng hăn tâm lơh, ti Brah Yêhôva ƀư mhĭk ma khân păng nâm Brah Yêhôva hŏ sơm ton jêh ma khân păng. Khân păng tŭp tâm nau rêh ni toyh ngăn ngên.