II Nau Rêh Jêng 11:21 - Nau Brah Ndu Ngơi 2023

²¹ Hađăch Rôbôam rŏng ma H'Maka kon bu ur Y-Apsalôm hâu lơn đah lĕ rngôch phung ur êng jêh ri ma lĕ ur yông êng păng; yorlah hađăch geh jât ma pham nuyh ur tơm jêh ri prao jât nuyh ur yông, geh bar jât ma pham nuyh kon bu klâu jêh ri prao jât nuyh kon bu ur.

II Nau Rêh Jêng 11:21 ပူးပေါင်းရင်းမြစ်များ

Nau Ntơm 22:24

Bi ma ur yông Y-Nahôr, amoh H'Ruma deh đŏng ma Y-Têba, Y-Gaham, Y-Tahas jêh ri Y-Maka.

II Samuel 5:13

Jêh Y-Đavit hăn luh tă bơh Hêbron, hađăch sŏk đŏng ur jêh ri phung ur yông ta Yêrusalem; khân păng deh đŏng phung kon bu ur jêh ri kon bu klâu ma Y-Đavit.

I Phung Hađăch 11:3

Hađăch geh pơh rhiăng nuyh ur jêh ri pe rhiăng nuyh ur yông; khân păng ƀư vĭ ma nuih n'hâm hađăch.

I Phung Hađăch 15:2

Y-Abijam chiă uănh pe năm tâm Yêrusalem. Mê̆ păng amoh H'Maka, kon bu ur Y-Abisalom.

II Nau Rêh Jêng 11:23

Y-Rôbôam geh nau blau mĭn jêh ri tâm pă phung kon bu klâu păng hăn gŭ lam lĕ ƀon toyh nâp ktang tâm lĕ n'gor Yuđa jêh ri Benjamin, ƀơk ăn khân păng ăp ntil ndơ sông sa rmeh ler jêh ri văng nđăp âk ur ma khân păng.

Nau Vay Nkah Tay 17:17

Hađăch kŏ mâu đŏng dơi geh âk ur klach lah nuih n'hâm păng vĭ hêng. Hađăch kŏ mâu đŏng dơi bun prăp âk prăk mâu lah mah.

Nau Vay Nkah Tay 21:16

pôri tât ta nar păng tâm pă drăp ndơ ma phung kon păng, păng mâu ăn ôh nau dơi jêng kon bôk rah bơh ma kon bu klâu ur păng rŏng ƀiălah ăn ma kon bu klâu bơh ur păng lĕ tâm rmot, yorlah păng nây mơ jêng kon bu klâu bôk rah.

Phung Kôranh Phat Dôih 8:30

Y-Gidêôn geh pơh jât kon bu klâu, yorlah păng geh âk ur.