II Nau Rêh Jêng 10:8 - Nau Brah Ndu Ngơi 2023

⁸ Ƀiălah Y-Rôbôam dun nau mĭn phung kôranh bu ranh hŏ lah, jêh ri păng ôp tay nau mĭn đah phung mom ndăm jêng phung văch ma toyh du rơh ndrel ma hađăch jêh ri dôl pah kan tanăp hađăch.

II Nau Rêh Jêng 10:8 ပူးပေါင်းရင်းမြစ်များ

II Samuel 17:14

Y-Apsalôm jêh ri lĕ rngôch phung Israel lah da dê: “Nau nchră Y-Husai, bunuyh Arkit, jêng ueh lơn ma nau nchră Y-Ahitôpel.” Yorlah Brah Yêhôva hŏ nal jêh ŭch ƀư roh nau nchră Y-Ahitôpel, gay ăn nau mhĭk tât ma Y-Apsalôm.

II Nau Rêh Jêng 10:9

Hađăch ôp khân păng: “Mâm nau khân may kơl mĭn ma gâp gay ma gâp plơ̆ sĭt lah ma phung ƀon lan aơ? Yorlah khân păng hŏ lah jêh ma gâp: ‘Dăn n'hŭch ăn n'gơch hom mâng mbăk mbơ̆ may hŏ n'gân ta klơ hên.’?”

Nau Hôr 1:25

Ƀiălah khân may dun lơi lĕ rngôch nau gâp ntĭm nti, Mâu ŭch sŏk dơn ôh nau gâp nduyh;

Nau Hôr 13:20

Mbu nơm dơh dăch đah bunuyh blau mĭn mra dơi jêng blau mĭn, Ƀiălah mbu nơm ƀư jiăng đah bunuyh rluk mra dơn nau roh rai.

Nau Hôr 19:20

Iăt hom nau bu ntĭm jêh ri sŏk dơn nau ntĭm nti, Gay nglĕ dŭt, may dơi geh nau blau mĭn.

Nau Hôr 25:12

Ma đah tôr gĭt iăt, nau nduyh bơh bunuyh blau mĭn Nâm bu du mlâm rgên mah, du ndơ nkrơ̆ đah mah chrêk.

Nau Hôr 27:10

Lơi ta chalơi mĭt jiăng may mâu lah mĭt jiăng mbơ̆ may; Tâm nar uh ah, lơi hăn tât ta ngih oh nâu may, Yor oh nâu gŭ ngai Mâu ban ôh đah oh nâu chiau meng gŭ dăch.

Nau Hôr 9:9

Ăn hom nau ƀŭn lap ma bunuyh blau mĭn, păng mra blau mĭn lơn; Sâm nti hom ma bunuyh sŏng srăng, păng mra ntop nau gĭt blau lơn.

Nơm Nti 10:16

Rêh ni ăn ma bri dak geh hađăch hôm ndăm ngăn, Jêh ri geh lĕ phung kôranh mhe ang hŏ rvê nau nhêt sa!

Êsai 30:1

Brah Yêhôva lah: “Rêh ni ngăn ma phung kon tâm rdâng! Khân păng tâm nchră kan mâu tĭng nau mĭn Gâp, Ƀư nau tâm rnglăp mâu tă Brah Gâp ôh, Gay ntop nau tih ma nau tih.