II Nau Rêh Jêng 10:6 - Nau Brah Ndu Ngơi 2023

⁶ Hađăch Rôbôam dăn kơl nau mĭn bơh phung kôranh bu ranh, jêng phung hŏ tă pah kan ma mbơ̆ păng jêng Y-Salômôn dôl păng hôm e rêh. Y-Rôbôam ôp: “Mâm nau khân may kơl mĭn ma gâp gay plơ̆ lah ma phung ƀon lan aơ?”

II Nau Rêh Jêng 10:6 ပူးပေါင်းရင်းမြစ်များ

II Samuel 16:20

Y-Apsalôm lah ma Y-Ahitôpel: “Khân may nchră hom joi moh nau he mra ƀư?”

II Nau Rêh Jêng 10:5

Păng plơ̆ lah ma khân păng: “Pe nar pakơi, khân may plơ̆ sĭt mâp đah gâp.” Phung ƀon lan hăn sĭt ro.

Ndrom Samƀŭt bơh Yôp 32:7

Gâp mĭn êng: ‘Bunuyh bu ranh mra ngơi, Nơm gŭ rêh jŏ năm mra ntĭm nau blau mĭn.’

Nau Hôr 12:15

Trong bơh phung rluk jêng sŏng tĭng măt păng nơm, Ƀiălah bunuyh blau mĭn kâp iăt nau ntĭm nti.

Nau Hôr 19:20

Iăt hom nau bu ntĭm jêh ri sŏk dơn nau ntĭm nti, Gay nglĕ dŭt, may dơi geh nau blau mĭn.

Nau Hôr 27:10

Lơi ta chalơi mĭt jiăng may mâu lah mĭt jiăng mbơ̆ may; Tâm nar uh ah, lơi hăn tât ta ngih oh nâu may, Yor oh nâu gŭ ngai Mâu ban ôh đah oh nâu chiau meng gŭ dăch.

Yêrêmi 42:20

Khân may ndơm êng khân may nơm. Khân ay may hŏ prơh jêh gâp hăn tât ma Yêhôva Brah Ndu khân ay may jêh ri lah ma gâp: ‘Ăn yor ma phung hên mbơh sơm hom ma Yêhôva Brah Ndu hên, ăn ma hên gĭt moh nau Yêhôva Brah Ndu hên lah ma may pônây hên mra tĭng ƀư.’